| Library / Tipiṭaka / తిపిటక • Tipiṭaka / సంయుత్తనికాయ (టీకా) • Saṃyuttanikāya (ṭīkā) |
౨. పుప్ఫసుత్తవణ్ణనా
2. Pupphasuttavaṇṇanā
౯౪. వివదతీతి వివాదం కరోతి. వదన్తోతి అయథాసభావేన వదన్తో. వివదతి ధమ్మతాయ విరుద్ధం కత్వా వదతి. లోకధమ్మోతి లుజ్జనసభావధమ్మో. కో పన సోతి ఆహ ‘‘ఖన్ధపఞ్చక’’న్తి. తేనాహ ‘‘తం హీ’’తిఆది. కథం కరోమీతి కేన పకారేనాహం బాలం అజానన్తం కరోమి. తేనాహ ‘‘మయ్హం హీ’’తిఆది. తథా చాహ ‘‘అక్ఖాతో వో మయా మగ్గో’’తిఆది (ధ॰ ప॰ ౨౭౫). ‘‘తయో లోకా కథితా’’తి వత్వా తం వివరితుం ‘‘నాహం, భిక్ఖవే’’తిఆదిమాహ.
94.Vivadatīti vivādaṃ karoti. Vadantoti ayathāsabhāvena vadanto. Vivadati dhammatāya viruddhaṃ katvā vadati. Lokadhammoti lujjanasabhāvadhammo. Ko pana soti āha ‘‘khandhapañcaka’’nti. Tenāha ‘‘taṃ hī’’tiādi. Kathaṃ karomīti kena pakārenāhaṃ bālaṃ ajānantaṃ karomi. Tenāha ‘‘mayhaṃ hī’’tiādi. Tathā cāha ‘‘akkhāto vo mayā maggo’’tiādi (dha. pa. 275). ‘‘Tayo lokā kathitā’’ti vatvā taṃ vivarituṃ ‘‘nāhaṃ, bhikkhave’’tiādimāha.
పుప్ఫసుత్తవణ్ణనా నిట్ఠితా.
Pupphasuttavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౨. పుప్ఫసుత్తం • 2. Pupphasuttaṃ
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౨. పుప్ఫసుత్తవణ్ణనా • 2. Pupphasuttavaṇṇanā
