| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
२. पुप्फसुत्तवण्णना
2. Pupphasuttavaṇṇanā
९४. विवदतीति विवादं करोति। वदन्तोति अयथासभावेन वदन्तो। विवदति धम्मताय विरुद्धं कत्वा वदति। लोकधम्मोति लुज्जनसभावधम्मो। को पन सोति आह ‘‘खन्धपञ्चक’’न्ति। तेनाह ‘‘तं ही’’तिआदि। कथं करोमीति केन पकारेनाहं बालं अजानन्तं करोमि। तेनाह ‘‘मय्हं ही’’तिआदि। तथा चाह ‘‘अक्खातो वो मया मग्गो’’तिआदि (ध॰ प॰ २७५)। ‘‘तयो लोका कथिता’’ति वत्वा तं विवरितुं ‘‘नाहं, भिक्खवे’’तिआदिमाह।
94.Vivadatīti vivādaṃ karoti. Vadantoti ayathāsabhāvena vadanto. Vivadati dhammatāya viruddhaṃ katvā vadati. Lokadhammoti lujjanasabhāvadhammo. Ko pana soti āha ‘‘khandhapañcaka’’nti. Tenāha ‘‘taṃ hī’’tiādi. Kathaṃ karomīti kena pakārenāhaṃ bālaṃ ajānantaṃ karomi. Tenāha ‘‘mayhaṃ hī’’tiādi. Tathā cāha ‘‘akkhāto vo mayā maggo’’tiādi (dha. pa. 275). ‘‘Tayo lokā kathitā’’ti vatvā taṃ vivarituṃ ‘‘nāhaṃ, bhikkhave’’tiādimāha.
पुप्फसुत्तवण्णना निट्ठिता।
Pupphasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya / २. पुप्फसुत्तं • 2. Pupphasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / २. पुप्फसुत्तवण्णना • 2. Pupphasuttavaṇṇanā
