| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
২. পুপ্ফসুত্তৰণ্ণনা
2. Pupphasuttavaṇṇanā
৯৪. ৰিৰদতীতি ৰিৰাদং করোতি। ৰদন্তোতি অযথাসভাৰেন ৰদন্তো। ৰিৰদতি ধম্মতায ৰিরুদ্ধং কত্ৰা ৰদতি। লোকধম্মোতি লুজ্জনসভাৰধম্মো। কো পন সোতি আহ ‘‘খন্ধপঞ্চক’’ন্তি। তেনাহ ‘‘তং হী’’তিআদি। কথং করোমীতি কেন পকারেনাহং বালং অজানন্তং করোমি। তেনাহ ‘‘ময্হং হী’’তিআদি। তথা চাহ ‘‘অক্খাতো ৰো মযা মগ্গো’’তিআদি (ধ॰ প॰ ২৭৫)। ‘‘তযো লোকা কথিতা’’তি ৰত্ৰা তং ৰিৰরিতুং ‘‘নাহং, ভিক্খৰে’’তিআদিমাহ।
94.Vivadatīti vivādaṃ karoti. Vadantoti ayathāsabhāvena vadanto. Vivadati dhammatāya viruddhaṃ katvā vadati. Lokadhammoti lujjanasabhāvadhammo. Ko pana soti āha ‘‘khandhapañcaka’’nti. Tenāha ‘‘taṃ hī’’tiādi. Kathaṃ karomīti kena pakārenāhaṃ bālaṃ ajānantaṃ karomi. Tenāha ‘‘mayhaṃ hī’’tiādi. Tathā cāha ‘‘akkhāto vo mayā maggo’’tiādi (dha. pa. 275). ‘‘Tayo lokā kathitā’’ti vatvā taṃ vivarituṃ ‘‘nāhaṃ, bhikkhave’’tiādimāha.
পুপ্ফসুত্তৰণ্ণনা নিট্ঠিতা।
Pupphasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ২. পুপ্ফসুত্তং • 2. Pupphasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ২. পুপ্ফসুত্তৰণ্ণনা • 2. Pupphasuttavaṇṇanā
