| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੨. ਪੁਪ੍ਫਸੁਤ੍ਤਂ
2. Pupphasuttaṃ
੯੪. ਸਾવਤ੍ਥਿਨਿਦਾਨਂ। ‘‘ਨਾਹਂ, ਭਿਕ੍ਖવੇ, ਲੋਕੇਨ વਿવਦਾਮਿ, ਲੋਕੋવ ਮਯਾ વਿવਦਤਿ। ਨ, ਭਿਕ੍ਖવੇ, ਧਮ੍ਮવਾਦੀ ਕੇਨਚਿ ਲੋਕਸ੍ਮਿਂ વਿવਦਤਿ। ਯਂ, ਭਿਕ੍ਖવੇ, ਨਤ੍ਥਿਸਮ੍ਮਤਂ ਲੋਕੇ ਪਣ੍ਡਿਤਾਨਂ, ਅਹਮ੍ਪਿ ਤਂ ‘ਨਤ੍ਥੀ’ਤਿ વਦਾਮਿ। ਯਂ, ਭਿਕ੍ਖવੇ, ਅਤ੍ਥਿਸਮ੍ਮਤਂ ਲੋਕੇ ਪਣ੍ਡਿਤਾਨਂ, ਅਹਮ੍ਪਿ ਤਂ ‘ਅਤ੍ਥੀ’ਤਿ વਦਾਮਿ’’।
94. Sāvatthinidānaṃ. ‘‘Nāhaṃ, bhikkhave, lokena vivadāmi, lokova mayā vivadati. Na, bhikkhave, dhammavādī kenaci lokasmiṃ vivadati. Yaṃ, bhikkhave, natthisammataṃ loke paṇḍitānaṃ, ahampi taṃ ‘natthī’ti vadāmi. Yaṃ, bhikkhave, atthisammataṃ loke paṇḍitānaṃ, ahampi taṃ ‘atthī’ti vadāmi’’.
‘‘ਕਿਞ੍ਚ, ਭਿਕ੍ਖવੇ, ਨਤ੍ਥਿਸਮ੍ਮਤਂ ਲੋਕੇ ਪਣ੍ਡਿਤਾਨਂ, ਯਮਹਂ ‘ਨਤ੍ਥੀ’ਤਿ વਦਾਮਿ? ਰੂਪਂ , ਭਿਕ੍ਖવੇ, ਨਿਚ੍ਚਂ ਧੁવਂ ਸਸ੍ਸਤਂ ਅવਿਪਰਿਣਾਮਧਮ੍ਮਂ ਨਤ੍ਥਿਸਮ੍ਮਤਂ ਲੋਕੇ ਪਣ੍ਡਿਤਾਨਂ; ਅਹਮ੍ਪਿ ਤਂ ‘ਨਤ੍ਥੀ’ਤਿ વਦਾਮਿ। વੇਦਨਾ… ਸਞ੍ਞਾ… ਸਙ੍ਖਾਰਾ… વਿਞ੍ਞਾਣਂ ਨਿਚ੍ਚਂ ਧੁવਂ ਸਸ੍ਸਤਂ ਅવਿਪਰਿਣਾਮਧਮ੍ਮਂ ਨਤ੍ਥਿਸਮ੍ਮਤਂ ਲੋਕੇ ਪਣ੍ਡਿਤਾਨਂ; ਅਹਮ੍ਪਿ ਤਂ ‘ਨਤ੍ਥੀ’ਤਿ વਦਾਮਿ। ਇਦਂ ਖੋ, ਭਿਕ੍ਖવੇ, ਨਤ੍ਥਿਸਮ੍ਮਤਂ ਲੋਕੇ ਪਣ੍ਡਿਤਾਨਂ; ਅਹਮ੍ਪਿ ਤਂ ‘ਨਤ੍ਥੀ’ਤਿ વਦਾਮਿ’’।
‘‘Kiñca, bhikkhave, natthisammataṃ loke paṇḍitānaṃ, yamahaṃ ‘natthī’ti vadāmi? Rūpaṃ , bhikkhave, niccaṃ dhuvaṃ sassataṃ avipariṇāmadhammaṃ natthisammataṃ loke paṇḍitānaṃ; ahampi taṃ ‘natthī’ti vadāmi. Vedanā… saññā… saṅkhārā… viññāṇaṃ niccaṃ dhuvaṃ sassataṃ avipariṇāmadhammaṃ natthisammataṃ loke paṇḍitānaṃ; ahampi taṃ ‘natthī’ti vadāmi. Idaṃ kho, bhikkhave, natthisammataṃ loke paṇḍitānaṃ; ahampi taṃ ‘natthī’ti vadāmi’’.
‘‘ਕਿਞ੍ਚ, ਭਿਕ੍ਖવੇ, ਅਤ੍ਥਿਸਮ੍ਮਤਂ ਲੋਕੇ ਪਣ੍ਡਿਤਾਨਂ, ਯਮਹਂ ‘ਅਤ੍ਥੀ’ਤਿ વਦਾਮਿ? ਰੂਪਂ, ਭਿਕ੍ਖવੇ, ਅਨਿਚ੍ਚਂ ਦੁਕ੍ਖਂ વਿਪਰਿਣਾਮਧਮ੍ਮਂ ਅਤ੍ਥਿਸਮ੍ਮਤਂ ਲੋਕੇ ਪਣ੍ਡਿਤਾਨਂ; ਅਹਮ੍ਪਿ ਤਂ ‘ਅਤ੍ਥੀ’ਤਿ વਦਾਮਿ। વੇਦਨਾ ਅਨਿਚ੍ਚਾ…ਪੇ॰… વਿਞ੍ਞਾਣਂ ਅਨਿਚ੍ਚਂ ਦੁਕ੍ਖਂ વਿਪਰਿਣਾਮਧਮ੍ਮਂ ਅਤ੍ਥਿਸਮ੍ਮਤਂ ਲੋਕੇ ਪਣ੍ਡਿਤਾਨਂ; ਅਹਮ੍ਪਿ ਤਂ ‘ਅਤ੍ਥੀ’ਤਿ વਦਾਮਿ। ਇਦਂ ਖੋ, ਭਿਕ੍ਖવੇ, ਅਤ੍ਥਿਸਮ੍ਮਤਂ ਲੋਕੇ ਪਣ੍ਡਿਤਾਨਂ; ਅਹਮ੍ਪਿ ਤਂ ‘ਅਤ੍ਥੀ’ਤਿ વਦਾਮਿ’’।
‘‘Kiñca, bhikkhave, atthisammataṃ loke paṇḍitānaṃ, yamahaṃ ‘atthī’ti vadāmi? Rūpaṃ, bhikkhave, aniccaṃ dukkhaṃ vipariṇāmadhammaṃ atthisammataṃ loke paṇḍitānaṃ; ahampi taṃ ‘atthī’ti vadāmi. Vedanā aniccā…pe… viññāṇaṃ aniccaṃ dukkhaṃ vipariṇāmadhammaṃ atthisammataṃ loke paṇḍitānaṃ; ahampi taṃ ‘atthī’ti vadāmi. Idaṃ kho, bhikkhave, atthisammataṃ loke paṇḍitānaṃ; ahampi taṃ ‘atthī’ti vadāmi’’.
‘‘ਅਤ੍ਥਿ, ਭਿਕ੍ਖવੇ, ਲੋਕੇ ਲੋਕਧਮ੍ਮੋ, ਤਂ ਤਥਾਗਤੋ ਅਭਿਸਮ੍ਬੁਜ੍ਝਤਿ ਅਭਿਸਮੇਤਿ; ਅਭਿਸਮ੍ਬੁਜ੍ਝਿਤ੍વਾ ਅਭਿਸਮੇਤ੍વਾ ਤਂ ਆਚਿਕ੍ਖਤਿ ਦੇਸੇਤਿ ਪਞ੍ਞਪੇਤਿ ਪਟ੍ਠਪੇਤਿ વਿવਰਤਿ વਿਭਜਤਿ ਉਤ੍ਤਾਨੀਕਰੋਤਿ।
‘‘Atthi, bhikkhave, loke lokadhammo, taṃ tathāgato abhisambujjhati abhisameti; abhisambujjhitvā abhisametvā taṃ ācikkhati deseti paññapeti paṭṭhapeti vivarati vibhajati uttānīkaroti.
‘‘ਕਿਞ੍ਚ , ਭਿਕ੍ਖવੇ, ਲੋਕੇ ਲੋਕਧਮ੍ਮੋ, ਤਂ ਤਥਾਗਤੋ ਅਭਿਸਮ੍ਬੁਜ੍ਝਤਿ ਅਭਿਸਮੇਤਿ, ਅਭਿਸਮ੍ਬੁਜ੍ਝਿਤ੍વਾ ਅਭਿਸਮੇਤ੍વਾ ਆਚਿਕ੍ਖਤਿ ਦੇਸੇਤਿ ਪਞ੍ਞਪੇਤਿ ਪਟ੍ਠਪੇਤਿ વਿવਰਤਿ વਿਭਜਤਿ ਉਤ੍ਤਾਨੀਕਰੋਤਿ? ਰੂਪਂ, ਭਿਕ੍ਖવੇ, ਲੋਕੇ ਲੋਕਧਮ੍ਮੋ ਤਂ ਤਥਾਗਤੋ ਅਭਿਸਮ੍ਬੁਜ੍ਝਤਿ ਅਭਿਸਮੇਤਿ। ਅਭਿਸਮ੍ਬੁਜ੍ਝਿਤ੍વਾ ਅਭਿਸਮੇਤ੍વਾ ਆਚਿਕ੍ਖਤਿ ਦੇਸੇਤਿ ਪਞ੍ਞਪੇਤਿ ਪਟ੍ਠਪੇਤਿ વਿવਰਤਿ વਿਭਜਤਿ ਉਤ੍ਤਾਨੀਕਰੋਤਿ।
‘‘Kiñca , bhikkhave, loke lokadhammo, taṃ tathāgato abhisambujjhati abhisameti, abhisambujjhitvā abhisametvā ācikkhati deseti paññapeti paṭṭhapeti vivarati vibhajati uttānīkaroti? Rūpaṃ, bhikkhave, loke lokadhammo taṃ tathāgato abhisambujjhati abhisameti. Abhisambujjhitvā abhisametvā ācikkhati deseti paññapeti paṭṭhapeti vivarati vibhajati uttānīkaroti.
‘‘ਯੋ, ਭਿਕ੍ਖવੇ, ਤਥਾਗਤੇਨ ਏવਂ ਆਚਿਕ੍ਖਿਯਮਾਨੇ ਦੇਸਿਯਮਾਨੇ ਪਞ੍ਞਪਿਯਮਾਨੇ ਪਟ੍ਠਪਿਯਮਾਨੇ વਿવਰਿਯਮਾਨੇ વਿਭਜਿਯਮਾਨੇ ਉਤ੍ਤਾਨੀਕਰਿਯਮਾਨੇ ਨ ਜਾਨਾਤਿ ਨ ਪਸ੍ਸਤਿ ਤਮਹਂ, ਭਿਕ੍ਖવੇ, ਬਾਲਂ ਪੁਥੁਜ੍ਜਨਂ ਅਨ੍ਧਂ ਅਚਕ੍ਖੁਕਂ ਅਜਾਨਨ੍ਤਂ ਅਪਸ੍ਸਨ੍ਤਂ ਕਿਨ੍ਤਿ ਕਰੋਮਿ! વੇਦਨਾ, ਭਿਕ੍ਖવੇ, ਲੋਕੇ ਲੋਕਧਮ੍ਮੋ…ਪੇ॰… ਸਞ੍ਞਾ, ਭਿਕ੍ਖવੇ… ਸਙ੍ਖਾਰਾ, ਭਿਕ੍ਖવੇ… વਿਞ੍ਞਾਣਂ, ਭਿਕ੍ਖવੇ, ਲੋਕੇ ਲੋਕਧਮ੍ਮੋ ਤਂ ਤਥਾਗਤੋ ਅਭਿਸਮ੍ਬੁਜ੍ਝਤਿ ਅਭਿਸਮੇਤਿ। ਅਭਿਸਮ੍ਬੁਜ੍ਝਿਤ੍વਾ ਅਭਿਸਮੇਤ੍વਾ ਆਚਿਕ੍ਖਤਿ ਦੇਸੇਤਿ ਪਞ੍ਞਪੇਤਿ ਪਟ੍ਠਪੇਤਿ વਿવਰਤਿ વਿਭਜਤਿ ਉਤ੍ਤਾਨੀਕਰੋਤਿ।
‘‘Yo, bhikkhave, tathāgatena evaṃ ācikkhiyamāne desiyamāne paññapiyamāne paṭṭhapiyamāne vivariyamāne vibhajiyamāne uttānīkariyamāne na jānāti na passati tamahaṃ, bhikkhave, bālaṃ puthujjanaṃ andhaṃ acakkhukaṃ ajānantaṃ apassantaṃ kinti karomi! Vedanā, bhikkhave, loke lokadhammo…pe… saññā, bhikkhave… saṅkhārā, bhikkhave… viññāṇaṃ, bhikkhave, loke lokadhammo taṃ tathāgato abhisambujjhati abhisameti. Abhisambujjhitvā abhisametvā ācikkhati deseti paññapeti paṭṭhapeti vivarati vibhajati uttānīkaroti.
‘‘ਯੋ, ਭਿਕ੍ਖવੇ, ਤਥਾਗਤੇਨ ਏવਂ ਆਚਿਕ੍ਖਿਯਮਾਨੇ ਦੇਸਿਯਮਾਨੇ ਪਞ੍ਞਪਿਯਮਾਨੇ ਪਟ੍ਠਪਿਯਮਾਨੇ વਿવਰਿਯਮਾਨੇ વਿਭਜਿਯਮਾਨੇ ਉਤ੍ਤਾਨੀਕਰਿਯਮਾਨੇ ਨ ਜਾਨਾਤਿ ਨ ਪਸ੍ਸਤਿ ਤਮਹਂ, ਭਿਕ੍ਖવੇ, ਬਾਲਂ ਪੁਥੁਜ੍ਜਨਂ ਅਨ੍ਧਂ ਅਚਕ੍ਖੁਕਂ ਅਜਾਨਨ੍ਤਂ ਅਪਸ੍ਸਨ੍ਤਂ ਕਿਨ੍ਤਿ ਕਰੋਮਿ!
‘‘Yo, bhikkhave, tathāgatena evaṃ ācikkhiyamāne desiyamāne paññapiyamāne paṭṭhapiyamāne vivariyamāne vibhajiyamāne uttānīkariyamāne na jānāti na passati tamahaṃ, bhikkhave, bālaṃ puthujjanaṃ andhaṃ acakkhukaṃ ajānantaṃ apassantaṃ kinti karomi!
‘‘ਸੇਯ੍ਯਥਾਪਿ, ਭਿਕ੍ਖવੇ, ਉਪ੍ਪਲਂ વਾ ਪਦੁਮਂ વਾ ਪੁਣ੍ਡਰੀਕਂ વਾ ਉਦਕੇ ਜਾਤਂ ਉਦਕੇ ਸਂવਡ੍ਢਂ ਉਦਕਾ ਅਚ੍ਚੁਗ੍ਗਮ੍ਮ ਠਾਤਿ 1 ਅਨੁਪਲਿਤ੍ਤਂ ਉਦਕੇਨ; ਏવਮੇવ ਖੋ, ਭਿਕ੍ਖવੇ, ਤਥਾਗਤੋ ਲੋਕੇ ਜਾਤੋ ਲੋਕੇ ਸਂવਡ੍ਢੋ ਲੋਕਂ ਅਭਿਭੁਯ੍ਯ વਿਹਰਤਿ ਅਨੁਪਲਿਤ੍ਤੋ ਲੋਕੇਨਾ’’ਤਿ। ਦੁਤਿਯਂ।
‘‘Seyyathāpi, bhikkhave, uppalaṃ vā padumaṃ vā puṇḍarīkaṃ vā udake jātaṃ udake saṃvaḍḍhaṃ udakā accuggamma ṭhāti 2 anupalittaṃ udakena; evameva kho, bhikkhave, tathāgato loke jāto loke saṃvaḍḍho lokaṃ abhibhuyya viharati anupalitto lokenā’’ti. Dutiyaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨. ਪੁਪ੍ਫਸੁਤ੍ਤવਣ੍ਣਨਾ • 2. Pupphasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੨. ਪੁਪ੍ਫਸੁਤ੍ਤવਣ੍ਣਨਾ • 2. Pupphasuttavaṇṇanā
