| Library / Tipiṭaka / ཏིཔིཊཀ • Tipiṭaka / དྷམྨསངྒཎཱི-མཱུལཊཱིཀཱ • Dhammasaṅgaṇī-mūlaṭīkā |
པུཉྙཀིརིཡཝཏྠཱདིཀཐཱཝཎྞནཱ
Puññakiriyavatthādikathāvaṇṇanā
ཨཔཙིཏི ཨེཝ ཨཔཙིཏིསཧགཏཾ པུཉྙཀིརིཡཱཝཏྠུ ཡཐཱ ‘‘ནནྡིརཱགསཧགཏཱ’’ཏི། ཨཔཙིཏི ཝཱ ཙེཏནཱསམྤཡུཏྟཀདྷམྨཱ ཀཱཡཝཙཱིཀིརིཡཱ ཝཱ, ཏཾསཧིཏཱ ཙེཏནཱ ཨཔཙིཏིསཧགཏཾ། ཧིཏཕརཎེནཱཏི དེསཀེ མེཏྟཱཕརཎེན, ‘‘ཨེཝཾ མེ ཧིཏཾ བྷཝིསྶཏཱི’’ཏི པཝཏྟེན ཧིཏཙིཏྟེན ཝཱ། ཀམྨསྶཀཏཱཉཱཎཾ དིཊྛིཛུཀམྨཾ། ནིཡམལཀྑཎནྟི མཧཔྥལཏཱནིཡམསྶ ལཀྑཎཾ། སཱིལམཡེ སངྒཧཾ གཙྪནྟི ཙཱརིཏྟཝསེན། ཨནཝཛྫཝཏྠུཾ པརིཙྩཛནྟོ ཝིཡ ཨབྦྷནུམོདམཱནོཔི པརསྶ སམྤཏྟིཡཱ མོདཏཱིཏི ཨབྦྷནུམོདནཱ དཱནམཡེ སངྒཧིཏཱ། བྷཱཝེནྟོཔཱིཏི ཨསམཏྟབྷཱཝནཾ སནྡྷཱཡཱཧ། སམཏྟཱ ཧི ཨཔྤནཱ ཧོཏཱིཏི། ཨཊྛེཝ ཀོཊྛཱསེ ཀཏྭཱཏི ཨེཀསྶ སཏྟསྶ ཨེཀསྨིཾ ཁཎེ ཨུཔྤནྣམེཀཾ པཋམཙིཏྟཾ དསྶེཏྭཱ ཨཉྙཱནི ཏཱདིསཱནི ཨདསྶེནྟེན སབྦཱནི ཏཱནི སརིཀྑཊྛེན ཨེཀཱིཀཏཱནི ཧོནྟི, ཏཐཱ སེསཱནིཔཱིཏི ཨེཝཾ ཨཊྛ ཀཏྭཱ།
Apaciti eva apacitisahagataṃ puññakiriyāvatthu yathā ‘‘nandirāgasahagatā’’ti. Apaciti vā cetanāsampayuttakadhammā kāyavacīkiriyā vā, taṃsahitā cetanā apacitisahagataṃ. Hitapharaṇenāti desake mettāpharaṇena, ‘‘evaṃ me hitaṃ bhavissatī’’ti pavattena hitacittena vā. Kammassakatāñāṇaṃ diṭṭhijukammaṃ. Niyamalakkhaṇanti mahapphalatāniyamassa lakkhaṇaṃ. Sīlamaye saṅgahaṃ gacchanti cārittavasena. Anavajjavatthuṃ pariccajanto viya abbhanumodamānopi parassa sampattiyā modatīti abbhanumodanā dānamaye saṅgahitā. Bhāventopīti asamattabhāvanaṃ sandhāyāha. Samattā hi appanā hotīti. Aṭṭheva koṭṭhāse katvāti ekassa sattassa ekasmiṃ khaṇe uppannamekaṃ paṭhamacittaṃ dassetvā aññāni tādisāni adassentena sabbāni tāni sarikkhaṭṭhena ekīkatāni honti, tathā sesānipīti evaṃ aṭṭha katvā.
ཀཱམཱཝཙརཀུསལཝཎྞནཱ ནིཊྛིཏཱ།
Kāmāvacarakusalavaṇṇanā niṭṭhitā.
