| Library / Tipiṭaka / ತಿಪಿಟಕ • Tipiṭaka / ಚೂಳನಿದ್ದೇಸಪಾಳಿ • Cūḷaniddesapāḷi |
೩. ಪುಣ್ಣಕಮಾಣವಪುಚ್ಛಾ
3. Puṇṇakamāṇavapucchā
೬೮.
68.
‘‘ಅನೇಜಂ ಮೂಲದಸ್ಸಾವಿಂ, [ಇಚ್ಚಾಯಸ್ಮಾ ಪುಣ್ಣಕೋ]
‘‘Anejaṃ mūladassāviṃ, [iccāyasmā puṇṇako]
ಅತ್ಥಿ ಪಞ್ಹೇನ ಆಗಮಂ।
Atthi pañhena āgamaṃ;
ಕಿಂ ನಿಸ್ಸಿತಾ ಇಸಯೋ ಮನುಜಾ, ಖತ್ತಿಯಾ ಬ್ರಾಹ್ಮಣಾ ದೇವತಾನಂ।
Kiṃ nissitā isayo manujā, khattiyā brāhmaṇā devatānaṃ;
ಯಞ್ಞಮಕಪ್ಪಯಿಂಸು ಪುಥೂಧ ಲೋಕೇ, ಪುಚ್ಛಾಮಿ ತಂ ಭಗವಾ ಬ್ರೂಹಿ ಮೇತಂ’’॥
Yaññamakappayiṃsu puthūdha loke, pucchāmi taṃ bhagavā brūhi metaṃ’’.
೬೯.
69.
‘‘ಯೇ ಕೇಚಿಮೇ ಇಸಯೋ ಮನುಜಾ, [ಪುಣ್ಣಕಾತಿ ಭಗವಾ]
‘‘Ye kecime isayo manujā, [puṇṇakāti bhagavā]
ಖತ್ತಿಯಾ ಬ್ರಾಹ್ಮಣಾ ದೇವತಾನಂ।
Khattiyā brāhmaṇā devatānaṃ;
ಯಞ್ಞಮಕಪ್ಪಯಿಂಸು ಪುಥೂಧ ಲೋಕೇ, ಆಸೀಸಮಾನಾ ಪುಣ್ಣಕ ಇತ್ಥತ್ತಂ।
Yaññamakappayiṃsu puthūdha loke, āsīsamānā puṇṇaka itthattaṃ;
ಜರಂ ಸಿತಾ ಯಞ್ಞಮಕಪ್ಪಯಿಂಸು’’॥
Jaraṃ sitā yaññamakappayiṃsu’’.
೭೦.
70.
‘‘ಯೇ ಕೇಚಿಮೇ ಇಸಯೋ ಮನುಜಾ, [ಇಚ್ಚಾಯಸ್ಮಾ ಪುಣ್ಣಕೋ]
‘‘Ye kecime isayo manujā, [iccāyasmā puṇṇako]
ಖತ್ತಿಯಾ ಬ್ರಾಹ್ಮಣಾ ದೇವತಾನಂ।
Khattiyā brāhmaṇā devatānaṃ;
ಯಞ್ಞಮಕಪ್ಪಯಿಂಸು ಪುಥೂಧ ಲೋಕೇ, ಕಚ್ಚಿಸು ತೇ ಭಗವಾ ಯಞ್ಞಪಥೇ ಅಪ್ಪಮತ್ತಾ।
Yaññamakappayiṃsu puthūdha loke, kaccisu te bhagavā yaññapathe appamattā;
ಅತಾರುಂ ಜಾತಿಞ್ಚ ಜರಞ್ಚ ಮಾರಿಸ, ಪುಚ್ಛಾಮಿ ತಂ ಭಗವಾ ಬ್ರೂಹಿ ಮೇತಂ’’॥
Atāruṃ jātiñca jarañca mārisa, pucchāmi taṃ bhagavā brūhi metaṃ’’.
೭೧.
71.
‘‘ಆಸೀಸನ್ತಿ ಥೋಮಯನ್ತಿ, ಅಭಿಜಪ್ಪನ್ತಿ ಜುಹನ್ತಿ। [ಪುಣ್ಣಕಾತಿ ಭಗವಾ]
‘‘Āsīsanti thomayanti, abhijappanti juhanti; [Puṇṇakāti bhagavā]
ಕಾಮಾಭಿಜಪ್ಪನ್ತಿ ಪಟಿಚ್ಚ ಲಾಭಂ, ತೇ ಯಾಜಯೋಗಾ ಭವರಾಗರತ್ತಾ।
Kāmābhijappanti paṭicca lābhaṃ, te yājayogā bhavarāgarattā;
ನಾತರಿಂಸು ಜಾತಿಜರನ್ತಿ ಬ್ರೂಮಿ’’॥
Nātariṃsu jātijaranti brūmi’’.
೭೨.
72.
‘‘ತೇ ಚೇ ನಾತರಿಂಸು ಯಾಜಯೋಗಾ, [ಇಚ್ಚಾಯಸ್ಮಾ ಪುಣ್ಣಕೋ]
‘‘Te ce nātariṃsu yājayogā, [iccāyasmā puṇṇako]
ಯಞ್ಞೇಹಿ ಜಾತಿಞ್ಚ ಜರಞ್ಚ ಮಾರಿಸ।
Yaññehi jātiñca jarañca mārisa;
ಅಥ ಕೋ ಚರಹಿ ದೇವಮನುಸ್ಸಲೋಕೇ, ಅತಾರಿ ಜಾತಿಞ್ಚ ಜರಞ್ಚ ಮಾರಿಸ।
Atha ko carahi devamanussaloke, atāri jātiñca jarañca mārisa;
ಪುಚ್ಛಾಮಿ ತಂ ಭಗವಾ ಬ್ರೂಹಿ ಮೇತಂ’’॥
Pucchāmi taṃ bhagavā brūhi metaṃ’’.
೭೩.
73.
‘‘ಸಙ್ಖಾಯ ಲೋಕಸ್ಮಿ ಪರೋಪರಾನಿ, [ಪುಣ್ಣಕಾತಿ ಭಗವಾ]
‘‘Saṅkhāya lokasmi paroparāni, [puṇṇakāti bhagavā]
ಯಸ್ಸಿಞ್ಜಿತಂ ನತ್ಥಿ ಕುಹಿಞ್ಚಿ ಲೋಕೇ।
Yassiñjitaṃ natthi kuhiñci loke;
ಸನ್ತೋ ವಿಧೂಮೋ ಅನೀಘೋ ನಿರಾಸೋ, ಅತಾರಿ ಸೋ ಜಾತಿಜರನ್ತಿ ಬ್ರೂಮೀ’’ತಿ॥
Santo vidhūmo anīgho nirāso, atāri so jātijaranti brūmī’’ti.
ಪುಣ್ಣಕಮಾಣವಪುಚ್ಛಾ ತತಿಯಾ।
Puṇṇakamāṇavapucchā tatiyā.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಚೂಳನಿದ್ದೇಸ-ಅಟ್ಠಕಥಾ • Cūḷaniddesa-aṭṭhakathā / ೩. ಪುಣ್ಣಕಮಾಣವಸುತ್ತನಿದ್ದೇಸವಣ್ಣನಾ • 3. Puṇṇakamāṇavasuttaniddesavaṇṇanā
