| Library / Tipiṭaka / တိပိဋက • Tipiṭaka / အပဒာန-အဋ္ဌကထာ • Apadāna-aṭṭhakathā |
၉. ပုန္နာဂပုပ္ဖိယတ္ထေရအပဒာနဝဏ္ဏနာ
9. Punnāgapupphiyattheraapadānavaṇṇanā
ကာနနံ ဝနမောဂယ္ဟာတိအာဒိကံ အာယသ္မတော ပုန္နာဂပုပ္ဖိယတ္ထေရသ္သ အပဒာနံ။ အယမ္ပိ ပုရိမဇိနဝရေသု ကတာဓိကာရော တတ္ထ တတ္ထ ဘဝေ ဝိဝဋ္ဋူပနိသ္သယာနိ ပုညာနိ ဥပစိနန္တော ဖုသ္သသ္သ ဘဂဝတော ကာလေ နေသာဒကုလေ နိဗ္ဗတ္တော မဟာဝနံ ပဝိဋ္ဌော တတ္ထ သုပုပ္ဖိတပုန္နာဂပုပ္ဖံ ဒိသ္ဝာ ဟေတုသမ္ပန္နတ္တာ ဗုဒ္ဓာရမ္မဏပီတိဝသေန ဘဂဝန္တံ သရိတ္ဝာ တံ ပုပ္ဖံ သဟ ကဏ္ဏိကာဟိ ဩစိနိတ္ဝာ ဝာလုကာဟိ စေတိယံ ကတ္ဝာ ပူဇေသိ။
Kānanaṃvanamogayhātiādikaṃ āyasmato punnāgapupphiyattherassa apadānaṃ. Ayampi purimajinavaresu katādhikāro tattha tattha bhave vivaṭṭūpanissayāni puññāni upacinanto phussassa bhagavato kāle nesādakule nibbatto mahāvanaṃ paviṭṭho tattha supupphitapunnāgapupphaṃ disvā hetusampannattā buddhārammaṇapītivasena bhagavantaṃ saritvā taṃ pupphaṃ saha kaṇṇikāhi ocinitvā vālukāhi cetiyaṃ katvā pūjesi.
၄၆. သော တေန ပုညေန ဒ္ဝေနဝုတိကပ္ပေ နိရန္တရံ ဒေဝမနုသ္သသမ္ပတ္တိယောယေဝ အနုဘဝိတ္ဝာ ဣမသ္မိံ ဗုဒ္ဓုပ္ပာဒေ သာဝတ္ထိယံ ဝိဘဝသမ္ပန္နေ ကုလေ နိဗ္ဗတ္တော ဝုဒ္ဓိမန္ဝာယ ပုဗ္ဗဝာသနာဗလေန သာသနေ ပသန္နော ပဗ္ဗဇိတ္ဝာ ဝာယမန္တော နစိရသ္သေဝ အရဟာ ဟုတ္ဝာ ပုဗ္ဗေ ကတကုသလံ သရိတ္ဝာ သောမနသ္သဇာတော ပုဗ္ဗစရိတာပဒာနံ ပကာသေန္တော ကာနနံ ဝနမောဂယ္ဟာတိအာဒိမာဟ။ တံ သဗ္ဗံ ဟေဋ္ဌာ ဝုတ္တတ္တာ ဥတ္တာနတ္ထမေဝာတိ။
46. So tena puññena dvenavutikappe nirantaraṃ devamanussasampattiyoyeva anubhavitvā imasmiṃ buddhuppāde sāvatthiyaṃ vibhavasampanne kule nibbatto vuddhimanvāya pubbavāsanābalena sāsane pasanno pabbajitvā vāyamanto nacirasseva arahā hutvā pubbe katakusalaṃ saritvā somanassajāto pubbacaritāpadānaṃ pakāsento kānanaṃ vanamogayhātiādimāha. Taṃ sabbaṃ heṭṭhā vuttattā uttānatthamevāti.
ပုန္နာဂပုပ္ဖိယတ္ထေရအပဒာနဝဏ္ဏနာ သမတ္တာ။
Punnāgapupphiyattheraapadānavaṇṇanā samattā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / ခုဒ္ဒကနိကာယ • Khuddakanikāya / အပဒာနပာဠိ • Apadānapāḷi / ၉. ပုန္နာဂပုပ္ဖိယတ္ထေရအပဒာနံ • 9. Punnāgapupphiyattheraapadānaṃ
