| Library / Tipiṭaka / තිපිටක • Tipiṭaka / අපදානපාළි • Apadānapāḷi |
9. පුන්නාගපුප්ඵියත්ථෙරඅපදානං
9. Punnāgapupphiyattheraapadānaṃ
46.
46.
‘‘කානනං වනමොගය්හ, වසාමි ලුද්දකො අහං;
‘‘Kānanaṃ vanamogayha, vasāmi luddako ahaṃ;
පුන්නාගං පුප්ඵිතං දිස්වා, බුද්ධසෙට්ඨං අනුස්සරිං.
Punnāgaṃ pupphitaṃ disvā, buddhaseṭṭhaṃ anussariṃ.
47.
47.
‘‘තං පුප්ඵං ඔචිනිත්වාන, සුගන්ධං ගන්ධිතං සුභං;
‘‘Taṃ pupphaṃ ocinitvāna, sugandhaṃ gandhitaṃ subhaṃ;
ථූපං කරිත්වා පුලිනෙ, බුද්ධස්ස අභිරොපයිං.
Thūpaṃ karitvā puline, buddhassa abhiropayiṃ.
48.
48.
‘‘ද්වෙනවුතෙ ඉතො කප්පෙ, යං පුප්ඵමභිපූජයිං;
‘‘Dvenavute ito kappe, yaṃ pupphamabhipūjayiṃ;
දුග්ගතිං නාභිජානාමි, බුද්ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
49.
49.
‘‘එකම්හි නවුතෙ කප්පෙ, එකො ආසිං තමොනුදො;
‘‘Ekamhi navute kappe, eko āsiṃ tamonudo;
සත්තරතනසම්පන්නො, චක්කවත්තී මහබ්බලො.
Sattaratanasampanno, cakkavattī mahabbalo.
50.
50.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා පුන්නාගපුප්ඵියො ථෙරො ඉමා ගාථායො අභාසිත්ථාති.
Itthaṃ sudaṃ āyasmā punnāgapupphiyo thero imā gāthāyo abhāsitthāti.
පුන්නාගපුප්ඵියත්ථෙරස්සාපදානං නවමං.
Punnāgapupphiyattherassāpadānaṃ navamaṃ.
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / අපදාන-අට්ඨකථා • Apadāna-aṭṭhakathā / 9. පුන්නාගපුප්ඵියත්ථෙරඅපදානවණ්ණනා • 9. Punnāgapupphiyattheraapadānavaṇṇanā
