| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) |
೫-೬. ಪುಞ್ಞಾಭಿಸನ್ದಸುತ್ತಾದಿವಣ್ಣನಾ
5-6. Puññābhisandasuttādivaṇṇanā
೪೫-೪೬. ಪಞ್ಚಮೇ ಅಸಙ್ಖೇಯ್ಯೋತಿ ಆಳ್ಹಕಗಣನಾಯ ಅಸಙ್ಖೇಯ್ಯೋ। ಯೋಜನವಸೇನ ಪನಸ್ಸ ಸಙ್ಖಾ ಅತ್ಥಿ ಹೇಟ್ಠಾ ಮಹಾಪಥವಿಯಾ ಉಪರಿ ಆಕಾಸೇನ ಪರಿಸಮನ್ತತೋ ಚಕ್ಕವಾಳಪಬ್ಬತೇನ ಮಜ್ಝೇ ತತ್ಥ ತತ್ಥ ಠಿತಕೇಹಿ ದೀಪಪಬ್ಬತಪರಿಯನ್ತೇಹಿ ಪರಿಚ್ಛಿನ್ನತ್ತಾ ಜಾನನ್ತೇನ ಯೋಜನತೋ ಸಙ್ಖಾತುಂ ಸಕ್ಕಾತಿ ಕತ್ವಾ। ಮಹಾಸರೀರಮಚ್ಛಕುಮ್ಭೀಲಯಕ್ಖರಕ್ಖಸಮಹಾನಾಗದಾನವಾದೀನಂ ಸವಿಞ್ಞಾಣಕಾನಂ ಬಲವಾಮುಖಪಾತಾಲಾದೀನಂ ಅವಿಞ್ಞಾಣಕಾನಂ ಭೇರವಾರಮ್ಮಣಾನಂ ವಸೇನ ಬಹುಭೇರವಂ । ಪುಥೂತಿ ಬಹೂ। ಸವನ್ತೀತಿ ಸನ್ದಮಾನಾ। ಉಪಯನ್ತೀತಿ ಉಪಗಚ್ಛನ್ತಿ। ಛಟ್ಠಂ ಉತ್ತಾನಮೇವ।
45-46. Pañcame asaṅkheyyoti āḷhakagaṇanāya asaṅkheyyo. Yojanavasena panassa saṅkhā atthi heṭṭhā mahāpathaviyā upari ākāsena parisamantato cakkavāḷapabbatena majjhe tattha tattha ṭhitakehi dīpapabbatapariyantehi paricchinnattā jānantena yojanato saṅkhātuṃ sakkāti katvā. Mahāsarīramacchakumbhīlayakkharakkhasamahānāgadānavādīnaṃ saviññāṇakānaṃ balavāmukhapātālādīnaṃ aviññāṇakānaṃ bheravārammaṇānaṃ vasena bahubheravaṃ. Puthūti bahū. Savantīti sandamānā. Upayantīti upagacchanti. Chaṭṭhaṃ uttānameva.
ಪುಞ್ಞಾಭಿಸನ್ದಸುತ್ತಾದಿವಣ್ಣನಾ ನಿಟ್ಠಿತಾ।
Puññābhisandasuttādivaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya
೫. ಪುಞ್ಞಾಭಿಸನ್ದಸುತ್ತಂ • 5. Puññābhisandasuttaṃ
೬. ಸಮ್ಪದಾಸುತ್ತಂ • 6. Sampadāsuttaṃ
