| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၅-၆. ပုညာဘိသန္ဒသုတ္တာဒိဝဏ္ဏနာ
5-6. Puññābhisandasuttādivaṇṇanā
၄၅-၄၆. ပဉ္စမေ အသင္ခေယ္ယောတိ အာဠ္ဟကဂဏနာယ အသင္ခေယ္ယော။ ယောဇနဝသေန ပနသ္သ သင္ခာ အတ္ထိ ဟေဋ္ဌာ မဟာပထဝိယာ ဥပရိ အာကာသေန ပရိသမန္တတော စက္ကဝာဠပဗ္ဗတေန မဇ္ဈေ တတ္ထ တတ္ထ ဌိတကေဟိ ဒီပပဗ္ဗတပရိယန္တေဟိ ပရိစ္ဆိန္နတ္တာ ဇာနန္တေန ယောဇနတော သင္ခာတုံ သက္ကာတိ ကတ္ဝာ။ မဟာသရီရမစ္ဆကုမ္ဘီလယက္ခရက္ခသမဟာနာဂဒာနဝာဒီနံ သဝိညာဏကာနံ ဗလဝာမုခပာတာလာဒီနံ အဝိညာဏကာနံ ဘေရဝာရမ္မဏာနံ ဝသေန ဗဟုဘေရဝံ ။ ပုထူတိ ဗဟူ။ သဝန္တီတိ သန္ဒမာနာ။ ဥပယန္တီတိ ဥပဂစ္ဆန္တိ။ ဆဋ္ဌံ ဥတ္တာနမေဝ။
45-46. Pañcame asaṅkheyyoti āḷhakagaṇanāya asaṅkheyyo. Yojanavasena panassa saṅkhā atthi heṭṭhā mahāpathaviyā upari ākāsena parisamantato cakkavāḷapabbatena majjhe tattha tattha ṭhitakehi dīpapabbatapariyantehi paricchinnattā jānantena yojanato saṅkhātuṃ sakkāti katvā. Mahāsarīramacchakumbhīlayakkharakkhasamahānāgadānavādīnaṃ saviññāṇakānaṃ balavāmukhapātālādīnaṃ aviññāṇakānaṃ bheravārammaṇānaṃ vasena bahubheravaṃ. Puthūti bahū. Savantīti sandamānā. Upayantīti upagacchanti. Chaṭṭhaṃ uttānameva.
ပုညာဘိသန္ဒသုတ္တာဒိဝဏ္ဏနာ နိဋ္ဌိတာ။
Puññābhisandasuttādivaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya
၅. ပုညာဘိသန္ဒသုတ္တံ • 5. Puññābhisandasuttaṃ
၆. သမ္ပဒာသုတ္တံ • 6. Sampadāsuttaṃ
