| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৫-৬. পুঞ্ঞাভিসন্দসুত্তাদিৰণ্ণনা
5-6. Puññābhisandasuttādivaṇṇanā
৪৫-৪৬. পঞ্চমে অসঙ্খেয্যোতি আল়্হকগণনায অসঙ্খেয্যো। যোজনৰসেন পনস্স সঙ্খা অত্থি হেট্ঠা মহাপথৰিযা উপরি আকাসেন পরিসমন্ততো চক্কৰাল়পব্বতেন মজ্ঝে তত্থ তত্থ ঠিতকেহি দীপপব্বতপরিযন্তেহি পরিচ্ছিন্নত্তা জানন্তেন যোজনতো সঙ্খাতুং সক্কাতি কত্ৰা। মহাসরীরমচ্ছকুম্ভীলযক্খরক্খসমহানাগদানৰাদীনং সৰিঞ্ঞাণকানং বলৰামুখপাতালাদীনং অৰিঞ্ঞাণকানং ভেরৰারম্মণানং ৰসেন বহুভেরৰং । পুথূতি বহূ। সৰন্তীতি সন্দমানা। উপযন্তীতি উপগচ্ছন্তি। ছট্ঠং উত্তানমেৰ।
45-46. Pañcame asaṅkheyyoti āḷhakagaṇanāya asaṅkheyyo. Yojanavasena panassa saṅkhā atthi heṭṭhā mahāpathaviyā upari ākāsena parisamantato cakkavāḷapabbatena majjhe tattha tattha ṭhitakehi dīpapabbatapariyantehi paricchinnattā jānantena yojanato saṅkhātuṃ sakkāti katvā. Mahāsarīramacchakumbhīlayakkharakkhasamahānāgadānavādīnaṃ saviññāṇakānaṃ balavāmukhapātālādīnaṃ aviññāṇakānaṃ bheravārammaṇānaṃ vasena bahubheravaṃ. Puthūti bahū. Savantīti sandamānā. Upayantīti upagacchanti. Chaṭṭhaṃ uttānameva.
পুঞ্ঞাভিসন্দসুত্তাদিৰণ্ণনা নিট্ঠিতা।
Puññābhisandasuttādivaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya
৫. পুঞ্ঞাভিসন্দসুত্তং • 5. Puññābhisandasuttaṃ
৬. সম্পদাসুত্তং • 6. Sampadāsuttaṃ
