| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
២. បុលិនបូជកត្ថេរអបទានំ
2. Pulinapūjakattheraapadānaṃ
៧.
7.
‘‘កកុធំ វិលសន្តំវ, និសភាជានិយំ យថា;
‘‘Kakudhaṃ vilasantaṃva, nisabhājāniyaṃ yathā;
ឱសធិំវ វិរោចន្តំ, ឱភាសន្តំ នរាសភំ។
Osadhiṃva virocantaṃ, obhāsantaṃ narāsabhaṃ.
៨.
8.
‘‘អញ្ជលិំ បគ្គហេត្វាន, អវន្ទិំ សត្ថុនោ អហំ;
‘‘Añjaliṃ paggahetvāna, avandiṃ satthuno ahaṃ;
៩.
9.
‘‘សុសុទ្ធំ បុលិនំ គយ្ហ, គតមគ្គេ សមោកិរិំ;
‘‘Susuddhaṃ pulinaṃ gayha, gatamagge samokiriṃ;
ឧច្ឆង្គេន គហេត្វាន, វិបស្សិស្ស មហេសិនោ។
Ucchaṅgena gahetvāna, vipassissa mahesino.
១០.
10.
‘‘តតោ ឧបឌ្ឍបុលិនំ, វិប្បសន្នេន ចេតសា;
‘‘Tato upaḍḍhapulinaṃ, vippasannena cetasā;
ទិវាវិហារេ ឱសិញ្ចិំ, ទ្វិបទិន្ទស្ស តាទិនោ។
Divāvihāre osiñciṃ, dvipadindassa tādino.
១១.
11.
‘‘ឯកនវុតិតោ កប្បេ, បុលិនំ យមសិញ្ចហំ;
‘‘Ekanavutito kappe, pulinaṃ yamasiñcahaṃ;
ទុគ្គតិំ នាភិជានាមិ, បុលិនស្ស ឥទំ ផលំ។
Duggatiṃ nābhijānāmi, pulinassa idaṃ phalaṃ.
១២.
12.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា បុលិនបូជកោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā pulinapūjako thero imā gāthāyo abhāsitthāti.
បុលិនបូជកត្ថេរស្សាបទានំ ទុតិយំ។
Pulinapūjakattherassāpadānaṃ dutiyaṃ.
Footnotes:
