| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೧೦. ಪುಲಿನಚಙ್ಕಮಿಯತ್ಥೇರಅಪದಾನಂ
10. Pulinacaṅkamiyattheraapadānaṃ
೯೦.
90.
‘‘ಮಿಗಲುದ್ದೋ ಪುರೇ ಆಸಿಂ, ಅರಞ್ಞೇ ಕಾನನೇ ಅಹಂ।
‘‘Migaluddo pure āsiṃ, araññe kānane ahaṃ;
ವಾತಮಿಗಂ ಗವೇಸನ್ತೋ, ಚಙ್ಕಮಂ ಅದ್ದಸಂ ಅಹಂ॥
Vātamigaṃ gavesanto, caṅkamaṃ addasaṃ ahaṃ.
೯೧.
91.
ಪಸನ್ನಚಿತ್ತೋ ಸುಮನೋ, ಸುಗತಸ್ಸ ಸಿರೀಮತೋ॥
Pasannacitto sumano, sugatassa sirīmato.
೯೨.
92.
‘‘ಏಕತಿಂಸೇ ಇತೋ ಕಪ್ಪೇ, ಪುಲಿನಂ ಓಕಿರಿಂ ಅಹಂ।
‘‘Ekatiṃse ito kappe, pulinaṃ okiriṃ ahaṃ;
ದುಗ್ಗತಿಂ ನಾಭಿಜಾನಾಮಿ, ಪುಲಿನಸ್ಸ ಇದಂ ಫಲಂ॥
Duggatiṃ nābhijānāmi, pulinassa idaṃ phalaṃ.
೯೩.
93.
‘‘ಕಿಲೇಸಾ ಝಾಪಿತಾ ಮಯ್ಹಂ…ಪೇ॰… ವಿಹರಾಮಿ ಅನಾಸವೋ॥
‘‘Kilesā jhāpitā mayhaṃ…pe… viharāmi anāsavo.
೯೪.
94.
‘‘ಸ್ವಾಗತಂ ವತ ಮೇ ಆಸಿ…ಪೇ॰… ಕತಂ ಬುದ್ಧಸ್ಸ ಸಾಸನಂ॥
‘‘Svāgataṃ vata me āsi…pe… kataṃ buddhassa sāsanaṃ.
೯೫.
95.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಪುಲಿನಚಙ್ಕಮಿಯೋ ಥೇರೋ ಇಮಾ ಗಾಥಾಯೋ
Itthaṃ sudaṃ āyasmā pulinacaṅkamiyo thero imā gāthāyo
ಅಭಾಸಿತ್ಥಾತಿ।
Abhāsitthāti.
ಪುಲಿನಚಙ್ಕಮಿಯತ್ಥೇರಸ್ಸಾಪದಾನಂ ದಸಮಂ।
Pulinacaṅkamiyattherassāpadānaṃ dasamaṃ.
ನಳಮಾಲಿವಗ್ಗೋ ಅಟ್ಠಚತ್ತಾಲೀಸಮೋ।
Naḷamālivaggo aṭṭhacattālīsamo.
ತಸ್ಸುದ್ದಾನಂ –
Tassuddānaṃ –
ನಳಮಾಲೀ ಮಣಿದದೋ, ಉಕ್ಕಾಸತಿಕಬೀಜನೀ।
Naḷamālī maṇidado, ukkāsatikabījanī;
ಕುಮ್ಮಾಸೋ ಚ ಕುಸಟ್ಠೋ ಚ, ಗಿರಿಪುನ್ನಾಗಿಯೋಪಿ ಚ॥
Kummāso ca kusaṭṭho ca, giripunnāgiyopi ca.
ವಲ್ಲಿಕಾರೋ ಪಾನಧಿದೋ, ಅಥೋ ಪುಲಿನಚಙ್ಕಮೋ।
Vallikāro pānadhido, atho pulinacaṅkamo;
ಗಾಥಾಯೋ ಪಞ್ಚನವುತಿ, ಗಣಿತಾಯೋ ವಿಭಾವಿಭಿ॥
Gāthāyo pañcanavuti, gaṇitāyo vibhāvibhi.
Footnotes:
