| Library / Tipiṭaka / तिपिटक • Tipiṭaka / अपदानपाळि • Apadānapāḷi |
१०. पुलिनचङ्कमियत्थेरअपदानं
10. Pulinacaṅkamiyattheraapadānaṃ
९०.
90.
‘‘मिगलुद्दो पुरे आसिं, अरञ्ञे कानने अहं।
‘‘Migaluddo pure āsiṃ, araññe kānane ahaṃ;
वातमिगं गवेसन्तो, चङ्कमं अद्दसं अहं॥
Vātamigaṃ gavesanto, caṅkamaṃ addasaṃ ahaṃ.
९१.
91.
पसन्नचित्तो सुमनो, सुगतस्स सिरीमतो॥
Pasannacitto sumano, sugatassa sirīmato.
९२.
92.
‘‘एकतिंसे इतो कप्पे, पुलिनं ओकिरिं अहं।
‘‘Ekatiṃse ito kappe, pulinaṃ okiriṃ ahaṃ;
दुग्गतिं नाभिजानामि, पुलिनस्स इदं फलं॥
Duggatiṃ nābhijānāmi, pulinassa idaṃ phalaṃ.
९३.
93.
‘‘किलेसा झापिता मय्हं…पे॰… विहरामि अनासवो॥
‘‘Kilesā jhāpitā mayhaṃ…pe… viharāmi anāsavo.
९४.
94.
‘‘स्वागतं वत मे आसि…पे॰… कतं बुद्धस्स सासनं॥
‘‘Svāgataṃ vata me āsi…pe… kataṃ buddhassa sāsanaṃ.
९५.
95.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा पुलिनचङ्कमियो थेरो इमा गाथायो
Itthaṃ sudaṃ āyasmā pulinacaṅkamiyo thero imā gāthāyo
अभासित्थाति।
Abhāsitthāti.
पुलिनचङ्कमियत्थेरस्सापदानं दसमं।
Pulinacaṅkamiyattherassāpadānaṃ dasamaṃ.
नळमालिवग्गो अट्ठचत्तालीसमो।
Naḷamālivaggo aṭṭhacattālīsamo.
तस्सुद्दानं –
Tassuddānaṃ –
नळमाली मणिददो, उक्कासतिकबीजनी।
Naḷamālī maṇidado, ukkāsatikabījanī;
कुम्मासो च कुसट्ठो च, गिरिपुन्नागियोपि च॥
Kummāso ca kusaṭṭho ca, giripunnāgiyopi ca.
वल्लिकारो पानधिदो, अथो पुलिनचङ्कमो।
Vallikāro pānadhido, atho pulinacaṅkamo;
गाथायो पञ्चनवुति, गणितायो विभाविभि॥
Gāthāyo pañcanavuti, gaṇitāyo vibhāvibhi.
Footnotes:
