| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၁၀. ပုဂ္ဂလသုတ္တဝဏ္ဏနာ
10. Puggalasuttavaṇṇanā
၁၃၃. ဒသမေ အဋ္ဌိကင္ကလောတိအာဒီနိ တီဏိပိ ရာသိဝေဝစနာနေဝ။ ဣမေသံ ပန သတ္တာနံ သအဋ္ဌိကာလတော အနဋ္ဌိကာလောဝ ဗဟုတရော။ ဂဏ္ဍုပ္ပာဒကာဒိပာဏဘူတာနဉ္ဟိ ဧတေသံ အဋ္ဌိမေဝ နတ္ထိ, မစ္ဆကစ္ဆပာဒိဘူတာနံ ပန အဋ္ဌိမေဝ ဗဟုတရံ, တသ္မာ အနဋ္ဌိကာလဉ္စ ဗဟုအဋ္ဌိကာလဉ္စ အဂ္ဂဟေတ္ဝာ သမဋ္ဌိကာလောဝ ဂဟေတဗ္ဗော။ ဥတ္တရော ဂိဇ္ဈကူဋသ္သာတိ ဂိဇ္ဈကူဋသ္သ ဥတ္တရပသ္သေ ဌိတော။ မဂဓာနံ ဂိရိဗ္ဗဇေတိ မဂဓရဋ္ဌသ္သ ဂိရိဗ္ဗဇေ, ဂိရိပရိက္ခေပေ ဌိတောတိ အတ္ထော။ သေသံ သဗ္ဗတ္ထ ဥတ္တာနမေဝာတိ။ ဒသမံ။
133. Dasame aṭṭhikaṅkalotiādīni tīṇipi rāsivevacanāneva. Imesaṃ pana sattānaṃ saaṭṭhikālato anaṭṭhikālova bahutaro. Gaṇḍuppādakādipāṇabhūtānañhi etesaṃ aṭṭhimeva natthi, macchakacchapādibhūtānaṃ pana aṭṭhimeva bahutaraṃ, tasmā anaṭṭhikālañca bahuaṭṭhikālañca aggahetvā samaṭṭhikālova gahetabbo. Uttarogijjhakūṭassāti gijjhakūṭassa uttarapasse ṭhito. Magadhānaṃ giribbajeti magadharaṭṭhassa giribbaje, giriparikkhepe ṭhitoti attho. Sesaṃ sabbattha uttānamevāti. Dasamaṃ.
ပဌမော ဝဂ္ဂော။
Paṭhamo vaggo.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁၀. ပုဂ္ဂလသုတ္တံ • 10. Puggalasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁၀. ပုဂ္ဂလသုတ္တဝဏ္ဏနာ • 10. Puggalasuttavaṇṇanā
