| Library / Tipiṭaka / તિપિટક • Tipiṭaka / સંયુત્તનિકાય (અટ્ઠકથા) • Saṃyuttanikāya (aṭṭhakathā) |
૧૦. પુગ્ગલસુત્તવણ્ણના
10. Puggalasuttavaṇṇanā
૧૩૩. દસમે અટ્ઠિકઙ્કલોતિઆદીનિ તીણિપિ રાસિવેવચનાનેવ. ઇમેસં પન સત્તાનં સઅટ્ઠિકાલતો અનટ્ઠિકાલોવ બહુતરો. ગણ્ડુપ્પાદકાદિપાણભૂતાનઞ્હિ એતેસં અટ્ઠિમેવ નત્થિ, મચ્છકચ્છપાદિભૂતાનં પન અટ્ઠિમેવ બહુતરં, તસ્મા અનટ્ઠિકાલઞ્ચ બહુઅટ્ઠિકાલઞ્ચ અગ્ગહેત્વા સમટ્ઠિકાલોવ ગહેતબ્બો. ઉત્તરો ગિજ્ઝકૂટસ્સાતિ ગિજ્ઝકૂટસ્સ ઉત્તરપસ્સે ઠિતો. મગધાનં ગિરિબ્બજેતિ મગધરટ્ઠસ્સ ગિરિબ્બજે, ગિરિપરિક્ખેપે ઠિતોતિ અત્થો. સેસં સબ્બત્થ ઉત્તાનમેવાતિ. દસમં.
133. Dasame aṭṭhikaṅkalotiādīni tīṇipi rāsivevacanāneva. Imesaṃ pana sattānaṃ saaṭṭhikālato anaṭṭhikālova bahutaro. Gaṇḍuppādakādipāṇabhūtānañhi etesaṃ aṭṭhimeva natthi, macchakacchapādibhūtānaṃ pana aṭṭhimeva bahutaraṃ, tasmā anaṭṭhikālañca bahuaṭṭhikālañca aggahetvā samaṭṭhikālova gahetabbo. Uttarogijjhakūṭassāti gijjhakūṭassa uttarapasse ṭhito. Magadhānaṃ giribbajeti magadharaṭṭhassa giribbaje, giriparikkhepe ṭhitoti attho. Sesaṃ sabbattha uttānamevāti. Dasamaṃ.
પઠમો વગ્ગો.
Paṭhamo vaggo.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૧૦. પુગ્ગલસુત્તં • 10. Puggalasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / સંયુત્તનિકાય (ટીકા) • Saṃyuttanikāya (ṭīkā) / ૧૦. પુગ્ગલસુત્તવણ્ણના • 10. Puggalasuttavaṇṇanā
