| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
бужчааг̇ан̣анаг̇аат̇ааяо
Pucchāgaṇanagāthāyo
гусалаад̣̇и згагад̇д̇аяа-мат̇аад̣̇и анд̇зна маж̇жхиманд̇зна;
Kusalādi ekakattaya-mathādi antena majjhimantena;
аад̣̇и жа маж̇жхзна д̣̇угаа, д̇аяо д̇игзго жа вин̃н̃зяяо.
Ādi ca majjhena dukā, tayo tikeko ca viññeyyo.
д̇зсвзгзгам̣ муулам̣ гад̇ваа, д̇ам̣ сад̇д̇асад̇д̇агаа бужчаа;
Tesvekekaṃ mūlaṃ katvā, taṃ sattasattakā pucchā;
згзгабажжаяз яат̇аа, бхаванд̇и згуунабан̃н̃ааса.
Ekekapaccaye yathā, bhavanti ekūnapaññāsa.
часад̇д̇ад̇аад̇хигасад̇ам̣, сахассамзган̃жа суд̣̇д̇хигз бужчаа;
Chasattatādhikasataṃ, sahassamekañca suddhike pucchā;
зса жа наяонуломз, бажжанийяз жаад̇и наан̃н̃ад̇т̇а.
Esa ca nayonulome, paccanīye cāti nāññattha.
раасиг̇ун̣ид̇асса раасиссад̣дхам̣, саха раасигасса бин̣д̣о со;
Rāsiguṇitassa rāsissaḍḍhaṃ, saha rāsikassa piṇḍo so;
раасисса ваа сахзгассад̣дхам̣, буна раасинаа г̇ун̣ид̇ам̣.
Rāsissa vā sahekassaḍḍhaṃ, puna rāsinā guṇitaṃ.
ид̇и хзд̇умуулагаад̣̇уга-д̇игаад̣̇аяо чажжа сад̇д̇ад̇исад̇аа д̣̇вз;
Iti hetumūlakāduka-tikādayo chacca sattatisatā dve;
жад̇увийсад̇зд̇т̇а бужчаа, ад̣дхуд̣дхасахассанахуд̇ан̃жа.
Catuvīsatettha pucchā, aḍḍhuḍḍhasahassanahutañca.
д̇аасам̣ яасмаа суд̣̇д̇хига-наяо на бажжзгабажжаяз д̇асмаа;
Tāsaṃ yasmā suddhika-nayo na paccekapaccaye tasmā;
жад̇увийсад̇иг̇ун̣ид̇аанам̣, сасуд̣̇д̇хигаанам̣ аяам̣ г̇ан̣анаа.
Catuvīsatiguṇitānaṃ, sasuddhikānaṃ ayaṃ gaṇanā.
лагкад̇д̇аяам̣ д̣̇винахуд̇ам̣, бан̃жа сахассаани сад̇д̇а жа сад̇аани;
Lakkhattayaṃ dvinahutaṃ, pañca sahassāni satta ca satāni;
д̣̇ваабан̃н̃аасаа зд̇аа, ануломз бин̣д̣ид̇аа бужчаа.
Dvāpaññāsā etā, anulome piṇḍitā pucchā.
ануломасад̣̇исаг̇ан̣анаа, бхаванд̇и бужчаанаяз жа бажжанийяз;
Anulomasadisagaṇanā, bhavanti pucchānaye ca paccanīye;
хаабзд̇ваа бана сзсз, наяад̣̇ваяз суд̣̇д̇хигз лад̣̇д̇хаа.
Hāpetvā pana sese, nayadvaye suddhike laddhā.
чаббан̃н̃ааса бхаванд̇и бужчаа, часад̇асахид̇ан̃жа лагкад̇зрасагам̣;
Chappaññāsa bhavanti pucchā, chasatasahitañca lakkhaterasakaṃ;
бужчаанаязсу г̇ан̣ид̇аа, бадижжаваарз жад̇уусваби.
Pucchānayesu gaṇitā, paṭiccavāre catūsvapi.
сад̇д̇ахи г̇ун̣ид̇аа гусалад̇д̇игз д̣̇ваяам̣, навуд̇ин̃жзва бан̃жасад̇аа;
Sattahi guṇitā kusalattike dvayaṃ, navutiñceva pañcasatā;
жад̇д̇аари сахассаани жа, д̇ат̇зганавуд̇з жа лагкагаа.
Cattāri sahassāni ca, tathekanavute ca lakkhakā.
наад̣̇ваавийсад̇и г̇ун̣ид̇аа, д̇игзсу саб̣б̣зсу вийсад̇и жа годи;
Nādvāvīsati guṇitā, tikesu sabbesu vīsati ca koṭi;
лагкад̇д̇аяам̣ сахассам̣, жад̇увийсад̇и жааби вин̃н̃зяяаа.
Lakkhattayaṃ sahassaṃ, catuvīsati cāpi viññeyyā.
д̇игабадтаанам̣.
Tikapaṭṭhānaṃ.
згагабажжаяз бана, нава нава гад̇ваа сасол̣асад̣̇висад̇ам̣;
Ekakapaccaye pana, nava nava katvā sasoḷasadvisataṃ;
хзд̇уд̣̇угабатамаваарз, батаманаяз суд̣̇д̇хигз бужчаа.
Hetudukapaṭhamavāre, paṭhamanaye suddhike pucchā.
хзд̇аад̣̇имуулаганаяз-свзгзгасмим̣ д̣̇угаад̣̇ибхзд̣̇аяуд̇з;
Hetādimūlakanaye-svekekasmiṃ dukādibhedayute;
жад̇ураасийд̇ижад̇усад̇а-сахид̇ам̣ сахассад̣̇ваяам̣ бужчаа.
Caturāsīticatusata-sahitaṃ sahassadvayaṃ pucchā.
д̇аа жад̇увийсад̇иг̇ун̣ид̇аа, сасуд̣̇д̇хигаа зд̇т̇а хонд̇и ануломз;
Tā catuvīsatiguṇitā, sasuddhikā ettha honti anulome;
д̣̇вад̇д̇им̣садтасад̇аад̇хига-сахассанавагад̣дхалагкагаа.
Dvattiṃsaṭṭhasatādhika-sahassanavakaḍḍhalakkhakā.
звам̣ бажжанийяз д̣̇вз, суд̣̇д̇хигарахид̇аа жад̇уусвад̇о хонд̇и;
Evaṃ paccanīye dve, suddhikarahitā catūsvato honti;
чаннавуд̇адтасад̇адта-д̇им̣сасахассад̣̇вилагкагаани.
Channavutaṭṭhasataṭṭha-tiṃsasahassadvilakkhakāni.
д̇аа бана сад̇д̇аг̇ун̣аа д̣̇вз, сад̇д̇ад̇исад̇ад̣̇ваяам̣ сахассаани;
Tā pana sattaguṇā dve, sattatisatadvayaṃ sahassāni;
д̣̇ваасад̇д̇ад̇и хонд̇и д̇ад̇о, сол̣аса лагкаани хзд̇уд̣̇угз.
Dvāsattati honti tato, soḷasa lakkhāni hetuduke.
д̇аа сад̇аг̇ун̣аа д̣̇угасад̇з, сад̇ад̣̇ваяам̣ сад̇д̇авийсад̇и сахассаа;
Tā sataguṇā dukasate, satadvayaṃ sattavīsati sahassā;
д̣̇ваасад̇д̇ад̇илагкаани жа, сол̣асагоди д̇ад̇о бужчаа.
Dvāsattatilakkhāni ca, soḷasakoṭi tato pucchā.
д̣̇угабадтаанам̣.
Dukapaṭṭhānaṃ.
д̣̇угад̇игабадтаанз д̇ига-багкзбо ход̇и згамзгад̣̇угз;
Dukatikapaṭṭhāne tika-pakkhepo hoti ekamekaduke;
д̇асса часадтиг̇ун̣зна д̇з, часадтисад̇ам̣ д̣̇угаа хонд̇и.
Tassa chasaṭṭhiguṇena te, chasaṭṭhisataṃ dukā honti.
хзд̇уд̣̇угалад̣̇д̇хабужчаа, г̇ун̣ид̇аа д̇зхи жа хонд̇и д̇игабад̣̇амзва;
Hetudukaladdhapucchā, guṇitā tehi ca honti tikapadameva;
д̣̇угабадтаанз бужчаа, д̇аасам̣ г̇ан̣анаа аяам̣ н̃зяяаа.
Dukapaṭṭhāne pucchā, tāsaṃ gaṇanā ayaṃ ñeyyā.
д̣̇ваабан̃н̃ааса сад̇аани жа, навзва нахуд̇аани нава жа садтин̃жа;
Dvāpaññāsa satāni ca, naveva nahutāni nava ca saṭṭhiñca;
лагкаани д̇ийхи сахид̇ам̣, сад̇ам̣ сахассан̃жа годинам̣.
Lakkhāni tīhi sahitaṃ, sataṃ sahassañca koṭinaṃ.
д̣̇угад̇игабадтаанам̣.
Dukatikapaṭṭhānaṃ.
д̇игад̣̇угабадтаанз д̇ига-мзгзгам̣ д̣̇висад̇абхзд̣̇анам̣ гад̇ваа;
Tikadukapaṭṭhāne tika-mekekaṃ dvisatabhedanaṃ katvā;
д̣̇ваавийсад̣̇висад̇аг̇ун̣аа, н̃зяяаа гусалад̇д̇игз лад̣̇д̇хаа.
Dvāvīsadvisataguṇā, ñeyyā kusalattike laddhā.
бужчаа адтасад̇аад̇хига-жад̇усахассад̣̇вилагкаяуд̇д̇аанам̣;
Pucchā aṭṭhasatādhika-catusahassadvilakkhayuttānaṃ;
годийнам̣ чаггамат̇о, годисахассаани жад̇д̇аари.
Koṭīnaṃ chakkamatho, koṭisahassāni cattāri.
д̇игад̣̇угабадтаанам̣.
Tikadukapaṭṭhānaṃ.
д̇игад̇игабадтаанз , д̇зсадтивид̇хзгзгабхзд̣̇анаа д̇у д̇игаа;
Tikatikapaṭṭhāne , tesaṭṭhividhekekabhedanā tu tikā;
д̇зхи жа г̇ун̣ид̇аа гусала-д̇д̇игабужчааби хонд̇и бужчаа д̇аа.
Tehi ca guṇitā kusala-ttikapucchāpi honti pucchā tā.
д̣̇ваад̣̇аса бан̃жасад̇аа жад̇у-садтисахассаани навуд̇и жзгуунаа;
Dvādasa pañcasatā catu-saṭṭhisahassāni navuti cekūnā;
лагкаанамзгасадти, д̣̇ваад̣̇асасад̇агодияо жзва.
Lakkhānamekasaṭṭhi, dvādasasatakoṭiyo ceva.
д̇игад̇игабадтаанам̣.
Tikatikapaṭṭhānaṃ.
д̣̇ваяахийнад̣̇ваяасад̇аг̇ун̣о, згзго д̣̇угад̣̇угз д̇зхи;
Dvayahīnadvayasataguṇo, ekeko dukaduke tehi;
хзд̇уд̣̇угз лад̣̇д̇хаа сан̇кяа-бхзд̣̇зхи жа вад̣дхид̇аа бужчаа.
Hetuduke laddhā saṅkhya-bhedehi ca vaḍḍhitā pucchā.
часад̇аяуд̇аани бан̃жаа-сийд̇исахассаани лагканаваган̃жа;
Chasatayutāni pañcā-sītisahassāni lakkhanavakañca;
згаад̣̇асааби годи, буна годисад̇аани д̇зд̇д̇им̣са.
Ekādasāpi koṭi, puna koṭisatāni tettiṃsa.
д̣̇угад̣̇угабадтаанам̣.
Dukadukapaṭṭhānaṃ.
самбин̣д̣ид̇аа д̇у бужчаа, ануломз чаб̣б̣ид̇хзби бадтаанз;
Sampiṇḍitā tu pucchā, anulome chabbidhepi paṭṭhāne;
чад̇д̇им̣сад̇исад̇асахасса-дтагаяуд̇асад̇д̇анахуд̇аани.
Chattiṃsatisatasahassa-ṭṭhakayutasattanahutāni.
лагкаани чажжа жад̇д̇аа-лийсзва наваат̇а годияо д̣̇аса жа;
Lakkhāni chacca cattā-līseva navātha koṭiyo dasa ca;
сад̇д̇агодисад̇зхи жа, годисахассаани нава хонд̇и.
Sattakoṭisatehi ca, koṭisahassāni nava honti.
д̇аа жад̇уг̇ун̣ид̇аа бужчаа, жад̇уббабхзд̣̇з саманд̇абадтаанз;
Tā catuguṇitā pucchā, catuppabhede samantapaṭṭhāne;
жад̇ужад̇д̇аалийсасад̇ад̇д̇аяам̣, сахассаани д̇зраса жа.
Catucattālīsasatattayaṃ, sahassāni terasa ca.
сад̇д̇аасийд̇и жа лагкаанам̣, годийнан̃жа сад̇д̇асад̇д̇ад̇ияо;
Sattāsīti ca lakkhānaṃ, koṭīnañca sattasattatiyo;
хонд̇идтасад̇аанидта-д̇им̣сасад̇асахассаани ид̇и г̇ан̣анаа.
Hontiṭṭhasatāniṭṭha-tiṃsasatasahassāni iti gaṇanā.
бадтаанасса бужчааг̇ан̣анаг̇аат̇аа.
Paṭṭhānassa pucchāgaṇanagāthā.
бадтаанабагаран̣а-мууладийгаа самад̇д̇аа.
Paṭṭhānapakaraṇa-mūlaṭīkā samattā.
ид̇и бхад̣̇анд̇ааананд̣̇аажарияагзна гад̇аа лийнад̇т̇абад̣̇аван̣н̣анаа
Iti bhadantaānandācariyakena katā līnatthapadavaṇṇanā
абхид̇хаммасса мууладийгаа самад̇д̇аа.
Abhidhammassa mūlaṭīkā samattā.
