| Library / Tipiṭaka / ཏིཔིཊཀ • Tipiṭaka / པཱཙིཏྱཱདིཡོཛནཱཔཱལི༹ • Pācityādiyojanāpāḷi |
པུབྦཀརཎནིདཱནཱདིཝིབྷཱགཝཎྞནཱ
Pubbakaraṇanidānādivibhāgavaṇṇanā
༤༠༦-༧. དྭིཀྑཏྟུཾ པུཙྪིཏཏྟཱ ‘‘པུཙྪཱདྭཡ’’ནྟི ཝུཏྟཾ། ཧེཏུཔཙྩཡཱནཾ སརཱུཔཾ དསྶེནྟོ ཨཱཧ ‘‘ཚ ཙཱིཝརཱནཱི’’ཏི། ཀསྨཱ ཝེདིཏབྦཱནཱིཏི ཨཱཧ ‘‘པུབྦཔཡོགཱདཱིནཉྷཱི’’ཏིཨཱདི། ཧཱིཏི ཡསྨཱ། ཏཱནིཡེཝཱཏི ཚ ཙཱིཝརཱནི ཨེཝ། ཨེཝསདྡོ པཙྪཱཔི ཡོཛེཏབྦོ, ཏཱནི ཨེཝཱཏི ཨཏྠོ། ཧཱིཏི སཙྩཾ, པུབྦཀརཎཱདཱིནི ན ཨཏྠཱིཏི ཡོཛནཱ།
406-7. Dvikkhattuṃ pucchitattā ‘‘pucchādvaya’’nti vuttaṃ. Hetupaccayānaṃ sarūpaṃ dassento āha ‘‘cha cīvarānī’’ti. Kasmā veditabbānīti āha ‘‘pubbapayogādīnañhī’’tiādi. Hīti yasmā. Tāniyevāti cha cīvarāni eva. Evasaddo pacchāpi yojetabbo, tāni evāti attho. Hīti saccaṃ, pubbakaraṇādīni na atthīti yojanā.
༤༠༨. ‘‘ཨིམཱཡ སངྒྷཱཊིཡཱ’’ཏིཨཱདིནཱ ཝཙཱིབྷེདཱཀཱརཾ དསྶེཏི། ཀཐིནཏྠཱརཀེན ཡསྨཱ པཙྩུདྡྷཱརོ ཙ ཨདྷིཊྛཱནཉྩ ཀརཱིཡཏི, ཏསྨཱ ཀིརིཡཱཏི ཝུཙྩཏི། ཏེན ཝུཏྟཾ ‘‘པཙྩུདྡྷཱརོ ཙེཝ ཨདྷིཊྛཱནཉྩཱ’’ཏི།
408. ‘‘Imāya saṅghāṭiyā’’tiādinā vacībhedākāraṃ dasseti. Kathinatthārakena yasmā paccuddhāro ca adhiṭṭhānañca karīyati, tasmā kiriyāti vuccati. Tena vuttaṃ ‘‘paccuddhāro ceva adhiṭṭhānañcā’’ti.
༤༡༡. ཝཏྠུཝིཔནྣཱདཱིནཾ སརཱུཔཾ དསྶེནྟོ ཨཱཧ ‘‘ཨཀཔྤིཡདུསྶཾ ཧོཏཱི’’ཏིཨཱདི། ཝིནཱསཾ, ཝིཀཱརཾ ཝཱ པཛྫཏཱིཏི ཝིཔནྣཾ, ཝཏྠུམེཝ ཝིཔནྣཾ ཝཏྠུཝིཔནྣཾ།
411. Vatthuvipannādīnaṃ sarūpaṃ dassento āha ‘‘akappiyadussaṃ hotī’’tiādi. Vināsaṃ, vikāraṃ vā pajjatīti vipannaṃ, vatthumeva vipannaṃ vatthuvipannaṃ.
Related texts:
ཏིཔིཊཀ (མཱུལ) • Tipiṭaka (Mūla) / ཝིནཡཔིཊཀ • Vinayapiṭaka / པརིཝཱརཔཱལི༹ • Parivārapāḷi / ༣. པུབྦཀརཎནིདཱནཱདིཝིབྷཱགོ • 3. Pubbakaraṇanidānādivibhāgo
ཨཊྛཀཐཱ • Aṭṭhakathā / ཝིནཡཔིཊཀ (ཨཊྛཀཐཱ) • Vinayapiṭaka (aṭṭhakathā) / པརིཝཱར-ཨཊྛཀཐཱ • Parivāra-aṭṭhakathā / པུབྦཀརཎནིདཱནཱདིཝིབྷཱགཝཎྞནཱ • Pubbakaraṇanidānādivibhāgavaṇṇanā
ཊཱིཀཱ • Tīkā / ཝིནཡཔིཊཀ (ཊཱིཀཱ) • Vinayapiṭaka (ṭīkā) / ཝིམཏིཝིནོདནཱི-ཊཱིཀཱ • Vimativinodanī-ṭīkā / པུབྦཀརཎནིདཱནཱདིཝིབྷཱགཝཎྞནཱ • Pubbakaraṇanidānādivibhāgavaṇṇanā
