| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၈. ပောတ္ထကသုတ္တဝဏ္ဏနာ
8. Potthakasuttavaṇṇanā
၁၀၀. အဋ္ဌမေ နဝောတိ ကရဏံ ဥပာဒာယ ဝုစ္စတိ။ ပောတ္ထကောတိ ဝာကမယဝတ္ထံ။ မဇ္ဈိမောတိ ပရိဘောဂမဇ္ဈိမော။ ဇိဏ္ဏောတိ ပရိဘောဂဇိဏ္ဏော။ ဥက္ခလိပရိမဇ္ဇနန္တိ ဥက္ခလိပရိပုဉ္ဆနံ ဒုသ္သီလောတိ နိသ္သီလော။ ဒုဗ္ဗဏ္ဏတာယာတိ ဂုဏဝဏ္ဏာဘာဝေန ဒုဗ္ဗဏ္ဏတာယ။ ဒိဋ္ဌာနုဂတိံ အာပဇ္ဇန္တီတိ တေန ကတံ အနုကရောန္တိ။ န မဟပ္ဖလံ ဟောတီတိ ဝိပာကဖလေန မဟပ္ဖလံ န ဟောတိ။ န မဟာနိသံသန္တိ ဝိပာကာနိသံသေနေဝ န မဟာနိသံသံ။ အပ္ပဂ္ဃတာယာတိ ဝိပာကဂ္ဃေန အပ္ပဂ္ဃတာယ။ ကာသိကံ ဝတ္ထန္တိ တီဟိ ကပ္ပာသအံသူဟိ သုတ္တံ ကန္တိတ္ဝာ ကတဝတ္ထံ, တဉ္စ ခော ကာသိရဋ္ဌေယေဝ ဥဋ္ဌိတံ။ သေသံ ဥတ္တာနမေဝ။ သီလံ ပနေတ္ထ မိသ္သကံ ကထိတန္တိ။
100. Aṭṭhame navoti karaṇaṃ upādāya vuccati. Potthakoti vākamayavatthaṃ. Majjhimoti paribhogamajjhimo. Jiṇṇoti paribhogajiṇṇo. Ukkhaliparimajjananti ukkhaliparipuñchanaṃ dussīloti nissīlo. Dubbaṇṇatāyāti guṇavaṇṇābhāvena dubbaṇṇatāya. Diṭṭhānugatiṃ āpajjantīti tena kataṃ anukaronti. Na mahapphalaṃ hotīti vipākaphalena mahapphalaṃ na hoti. Na mahānisaṃsanti vipākānisaṃseneva na mahānisaṃsaṃ. Appagghatāyāti vipākagghena appagghatāya. Kāsikaṃ vatthanti tīhi kappāsaaṃsūhi suttaṃ kantitvā katavatthaṃ, tañca kho kāsiraṭṭheyeva uṭṭhitaṃ. Sesaṃ uttānameva. Sīlaṃ panettha missakaṃ kathitanti.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၈. ပောတ္ထကသုတ္တံ • 8. Potthakasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၈. ပောတ္ထကသုတ္တဝဏ္ဏနာ • 8. Potthakasuttavaṇṇanā
