| Library / Tipiṭaka / তিপিটক • Tipiṭaka / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) |
৮. পোত্থকসুত্তৰণ্ণনা
8. Potthakasuttavaṇṇanā
১০০. অট্ঠমে নৰোতি করণং উপাদায ৰুচ্চতি। পোত্থকোতি ৰাকমযৰত্থং। মজ্ঝিমোতি পরিভোগমজ্ঝিমো। জিণ্ণোতি পরিভোগজিণ্ণো। উক্খলিপরিমজ্জনন্তি উক্খলিপরিপুঞ্ছনং দুস্সীলোতি নিস্সীলো। দুব্বণ্ণতাযাতি গুণৰণ্ণাভাৰেন দুব্বণ্ণতায। দিট্ঠানুগতিং আপজ্জন্তীতি তেন কতং অনুকরোন্তি। ন মহপ্ফলং হোতীতি ৰিপাকফলেন মহপ্ফলং ন হোতি। ন মহানিসংসন্তি ৰিপাকানিসংসেনেৰ ন মহানিসংসং। অপ্পগ্ঘতাযাতি ৰিপাকগ্ঘেন অপ্পগ্ঘতায। কাসিকং ৰত্থন্তি তীহি কপ্পাসঅংসূহি সুত্তং কন্তিত্ৰা কতৰত্থং, তঞ্চ খো কাসিরট্ঠেযেৰ উট্ঠিতং। সেসং উত্তানমেৰ। সীলং পনেত্থ মিস্সকং কথিতন্তি।
100. Aṭṭhame navoti karaṇaṃ upādāya vuccati. Potthakoti vākamayavatthaṃ. Majjhimoti paribhogamajjhimo. Jiṇṇoti paribhogajiṇṇo. Ukkhaliparimajjananti ukkhaliparipuñchanaṃ dussīloti nissīlo. Dubbaṇṇatāyāti guṇavaṇṇābhāvena dubbaṇṇatāya. Diṭṭhānugatiṃ āpajjantīti tena kataṃ anukaronti. Na mahapphalaṃ hotīti vipākaphalena mahapphalaṃ na hoti. Na mahānisaṃsanti vipākānisaṃseneva na mahānisaṃsaṃ. Appagghatāyāti vipākagghena appagghatāya. Kāsikaṃ vatthanti tīhi kappāsaaṃsūhi suttaṃ kantitvā katavatthaṃ, tañca kho kāsiraṭṭheyeva uṭṭhitaṃ. Sesaṃ uttānameva. Sīlaṃ panettha missakaṃ kathitanti.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ৮. পোত্থকসুত্তং • 8. Potthakasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ৮. পোত্থকসুত্তৰণ্ণনা • 8. Potthakasuttavaṇṇanā
