| Library / Tipiṭaka / ติปิฎก • Tipiṭaka / สุตฺตนิปาตปาฬิ • Suttanipātapāḷi |
๑๔. โปสาลมาณวปุจฺฉา
14. Posālamāṇavapucchā
๑๑๑๘.
1118.
‘‘โย อตีตํ อาทิสติ, (อิจฺจายสฺมา โปสาโล) อเนโช ฉินฺนสํสโย;
‘‘Yo atītaṃ ādisati, (iccāyasmā posālo) anejo chinnasaṃsayo;
ปารคุํ สพฺพธมฺมานํ, อตฺถิ ปเญฺหน อาคมํฯ
Pāraguṃ sabbadhammānaṃ, atthi pañhena āgamaṃ.
๑๑๑๙.
1119.
‘‘วิภูตรูปสญฺญิสฺส , สพฺพกายปฺปหายิโน;
‘‘Vibhūtarūpasaññissa , sabbakāyappahāyino;
อชฺฌตฺตญฺจ พหิทฺธา จ, นตฺถิ กิญฺจีติ ปสฺสโต;
Ajjhattañca bahiddhā ca, natthi kiñcīti passato;
ญาณํ สกฺกานุปุจฺฉามิ, กถํ เนโยฺย ตถาวิโธ’’ฯ
Ñāṇaṃ sakkānupucchāmi, kathaṃ neyyo tathāvidho’’.
๑๑๒๐.
1120.
‘‘วิญฺญาณฎฺฐิติโย สพฺพา, (โปสาลาติ ภควา) อภิชานํ ตถาคโต;
‘‘Viññāṇaṭṭhitiyo sabbā, (posālāti bhagavā) abhijānaṃ tathāgato;
ติฎฺฐนฺตเมนํ ชานาติ, วิมุตฺตํ ตปฺปรายณํฯ
Tiṭṭhantamenaṃ jānāti, vimuttaṃ tapparāyaṇaṃ.
๑๑๒๑.
1121.
‘‘อากิญฺจญฺญสมฺภวํ ญตฺวา, นนฺที สํโยชนํ อิติ;
‘‘Ākiñcaññasambhavaṃ ñatvā, nandī saṃyojanaṃ iti;
เอวเมตํ อภิญฺญาย, ตโต ตตฺถ วิปสฺสติ;
Evametaṃ abhiññāya, tato tattha vipassati;
โปสาลมาณวปุจฺฉา จุทฺทสมา นิฎฺฐิตาฯ
Posālamāṇavapucchā cuddasamā niṭṭhitā.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / สุตฺตนิปาต-อฎฺฐกถา • Suttanipāta-aṭṭhakathā / ๑๔. โปสาลสุตฺตวณฺณนา • 14. Posālasuttavaṇṇanā
