| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੨. ਪੋਕ੍ਖਰਣੀਸੁਤ੍ਤਂ
2. Pokkharaṇīsuttaṃ
੧੧੨੨. ‘‘ਸੇਯ੍ਯਥਾਪਿ, ਭਿਕ੍ਖવੇ, ਪੋਕ੍ਖਰਣੀ ਪਞ੍ਞਾਸਯੋਜਨਾਨਿ ਆਯਾਮੇਨ, ਪਞ੍ਞਾਸਯੋਜਨਾਨਿ વਿਤ੍ਥਾਰੇਨ, ਪਞ੍ਞਾਸਯੋਜਨਾਨਿ ਉਬ੍ਬੇਧੇਨ, ਪੁਣ੍ਣਾ ਉਦਕਸ੍ਸ ਸਮਤਿਤ੍ਤਿਕਾ ਕਾਕਪੇਯ੍ਯਾ। ਤਤੋ ਪੁਰਿਸੋ ਕੁਸਗ੍ਗੇਨ ਉਦਕਂ ਉਦ੍ਧਰੇਯ੍ਯ। ਤਂ ਕਿਂ ਮਞ੍ਞਥ, ਭਿਕ੍ਖવੇ, ਕਤਮਂ ਨੁ ਖੋ ਬਹੁਤਰਂ – ਯਂ વਾ ਕੁਸਗ੍ਗੇਨ ਉਬ੍ਭਤਂ, ਯਂ વਾ ਪੋਕ੍ਖਰਣਿਯਾ ਉਦਕ’’ਨ੍ਤਿ? ‘‘ਏਤਦੇવ, ਭਨ੍ਤੇ, ਬਹੁਤਰਂ, ਯਦਿਦਂ – ਪੋਕ੍ਖਰਣਿਯਾ ਉਦਕਂ; ਅਪ੍ਪਮਤ੍ਤਕਂ ਕੁਸਗ੍ਗੇਨ ਉਦਕਂ ਉਬ੍ਭਤਂ। ਸਙ੍ਖਮ੍ਪਿ ਨ ਉਪੇਤਿ, ਉਪਨਿਧਮ੍ਪਿ ਨ ਉਪੇਤਿ, ਕਲਭਾਗਮ੍ਪਿ ਨ ਉਪੇਤਿ ਪੋਕ੍ਖਰਣਿਯਾ ਉਦਕਂ ਉਪਨਿਧਾਯ ਕੁਸਗ੍ਗੇਨ ਉਦਕਂ ਉਬ੍ਭਤ’’ਨ੍ਤਿ। ‘‘ਏવਮੇવ ਖੋ, ਭਿਕ੍ਖવੇ, ਅਰਿਯਸਾવਕਸ੍ਸ…ਪੇ॰… ਯੋਗੋ ਕਰਣੀਯੋ’’ਤਿ। ਦੁਤਿਯਂ।
1122. ‘‘Seyyathāpi, bhikkhave, pokkharaṇī paññāsayojanāni āyāmena, paññāsayojanāni vitthārena, paññāsayojanāni ubbedhena, puṇṇā udakassa samatittikā kākapeyyā. Tato puriso kusaggena udakaṃ uddhareyya. Taṃ kiṃ maññatha, bhikkhave, katamaṃ nu kho bahutaraṃ – yaṃ vā kusaggena ubbhataṃ, yaṃ vā pokkharaṇiyā udaka’’nti? ‘‘Etadeva, bhante, bahutaraṃ, yadidaṃ – pokkharaṇiyā udakaṃ; appamattakaṃ kusaggena udakaṃ ubbhataṃ. Saṅkhampi na upeti, upanidhampi na upeti, kalabhāgampi na upeti pokkharaṇiyā udakaṃ upanidhāya kusaggena udakaṃ ubbhata’’nti. ‘‘Evameva kho, bhikkhave, ariyasāvakassa…pe… yogo karaṇīyo’’ti. Dutiyaṃ.
