| Library / Tipiṭaka / д̇ибидага • Tipiṭaka / д̇хаммабад̣̇абаал̣и • Dhammapadapāḷi |
16. бияаваг̇г̇о
16. Piyavaggo
209.
209.
аяог̇з яун̃ж̇амад̇д̇аанам̣, яог̇асмин̃жа аяож̇аяам̣;
Ayoge yuñjamattānaṃ, yogasmiñca ayojayaṃ;
ад̇т̇ам̣ хид̇ваа бияаг̇г̇аахий, бихзд̇ад̇д̇аануяог̇инам̣.
Atthaṃ hitvā piyaggāhī, pihetattānuyoginaṃ.
210.
210.
маа биязхи самааг̇ан̃чи, аббиязхи гуд̣̇аажанам̣;
Mā piyehi samāgañchi, appiyehi kudācanaṃ;
бияаанам̣ ад̣̇ассанам̣ д̣̇угкам̣, аббияаанан̃жа д̣̇ассанам̣.
Piyānaṃ adassanaṃ dukkhaṃ, appiyānañca dassanaṃ.
211.
211.
д̇асмаа бияам̣ на гаяираат̇а, бияаабааяо хи баабаго;
Tasmā piyaṃ na kayirātha, piyāpāyo hi pāpako;
г̇ант̇аа д̇зсам̣ на виж̇ж̇анд̇и, язсам̣ над̇т̇и бияааббияам̣.
Ganthā tesaṃ na vijjanti, yesaṃ natthi piyāppiyaṃ.
212.
212.
бияад̇о виббамуд̇д̇асса, над̇т̇и сого гуд̇о бхаяам̣.
Piyato vippamuttassa, natthi soko kuto bhayaṃ.
213.
213.
бзмад̇о ж̇ааяад̇ий сого, бзмад̇о ж̇ааяад̇ий бхаяам̣;
Pemato jāyatī soko, pemato jāyatī bhayaṃ;
бзмад̇о виббамуд̇д̇асса, над̇т̇и сого гуд̇о бхаяам̣.
Pemato vippamuttassa, natthi soko kuto bhayaṃ.
214.
214.
рад̇ияаа ж̇ааяад̇ий сого, рад̇ияаа ж̇ааяад̇ий бхаяам̣;
Ratiyā jāyatī soko, ratiyā jāyatī bhayaṃ;
рад̇ияаа виббамуд̇д̇асса, над̇т̇и сого гуд̇о бхаяам̣.
Ratiyā vippamuttassa, natthi soko kuto bhayaṃ.
215.
215.
гаамад̇о ж̇ааяад̇ий сого, гаамад̇о ж̇ааяад̇ий бхаяам̣;
Kāmato jāyatī soko, kāmato jāyatī bhayaṃ;
гаамад̇о виббамуд̇д̇асса, над̇т̇и сого гуд̇о бхаяам̣.
Kāmato vippamuttassa, natthi soko kuto bhayaṃ.
216.
216.
д̇ан̣хааяа ж̇ааяад̇ий 3 сого, д̇ан̣хааяа ж̇ааяад̇ий бхаяам̣;
Taṇhāya jāyatī 4 soko, taṇhāya jāyatī bhayaṃ;
д̇ан̣хааяа виббамуд̇д̇асса, над̇т̇и сого гуд̇о бхаяам̣.
Taṇhāya vippamuttassa, natthi soko kuto bhayaṃ.
217.
217.
сийлад̣̇ассанасамбаннам̣ , д̇хаммадтам̣ сажжавзд̣̇инам̣;
Sīladassanasampannaṃ , dhammaṭṭhaṃ saccavedinaṃ;
ад̇д̇ано гамма губ̣б̣аанам̣, д̇ам̣ ж̇ано гуруд̇з бияам̣.
Attano kamma kubbānaṃ, taṃ jano kurute piyaṃ.
218.
218.
чанд̣̇аж̇аад̇о анагкаад̇з, манасаа жа пудо сияаа;
Chandajāto anakkhāte, manasā ca phuṭo siyā;
гаамзсу жа аббадиб̣ад̣̇д̇хажид̇д̇о 5, уд̣̇д̇хам̣сод̇од̇и вужжад̇и.
Kāmesu ca appaṭibaddhacitto 6, uddhaṃsototi vuccati.
219.
219.
жираббаваасим̣ бурисам̣, д̣̇уурад̇о сод̇т̇имааг̇ад̇ам̣;
Cirappavāsiṃ purisaṃ, dūrato sotthimāgataṃ;
н̃аад̇имид̇д̇аа сухаж̇ж̇аа жа, абхинанд̣̇анд̇и ааг̇ад̇ам̣.
Ñātimittā suhajjā ca, abhinandanti āgataṃ.
220.
220.
д̇ат̇зва гад̇абун̃н̃амби, асмаа логаа барам̣ г̇ад̇ам̣;
Tatheva katapuññampi, asmā lokā paraṃ gataṃ;
бун̃н̃аани бадиг̇ан̣ханд̇и, бияам̣ н̃аад̇ийва ааг̇ад̇ам̣.
Puññāni paṭigaṇhanti, piyaṃ ñātīva āgataṃ.
бияаваг̇г̇о сол̣асамо нидтид̇о.
Piyavaggo soḷasamo niṭṭhito.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / д̇хаммабад̣̇а-адтагат̇аа • Dhammapada-aṭṭhakathā / 16. бияаваг̇г̇о • 16. Piyavaggo
