| Library / Tipiṭaka / તિપિટક • Tipiṭaka / સંયુત્તનિકાય (ટીકા) • Saṃyuttanikāya (ṭīkā) |
૪. પિયસુત્તવણ્ણના
4. Piyasuttavaṇṇanā
૧૧૫. રહસિ ગતસ્સાતિ જનસમ્બાધતો અપક્કન્તસ્સ. નિલીનસ્સ તેનેવ જનવિવેકેન એકમન્તં નિસજ્જાય એકીભાવેન પટિસલ્લીનસ્સ વિય. તેનાહ ‘‘એકીભૂતસ્સા’’તિ. સબ્બઞ્ઞુભાસિતં કરોન્તો આહ તસ્સ વચનં ‘‘એવમેત’’ન્તિ સમ્પટિચ્છિત્વા તસ્સ વચનં તથાપચ્ચનુભાસન્તો. અન્તકેનાધિપન્નત્તા એવ ખેત્તવત્થુહિરઞ્ઞસુવણ્ણાદિ માનુસં ભવં જહતો. અનુગન્તિ અનુગતં, તમેવ અનુગામીતિ અત્થો. નિચયન્તિ ઉપરૂપરિ વડ્ઢિયા નિચિતભૂતં. સમ્પરાયિકન્તિ સમ્પરાય હિતં.
115.Rahasi gatassāti janasambādhato apakkantassa. Nilīnassa teneva janavivekena ekamantaṃ nisajjāya ekībhāvena paṭisallīnassa viya. Tenāha ‘‘ekībhūtassā’’ti. Sabbaññubhāsitaṃ karonto āha tassa vacanaṃ ‘‘evameta’’nti sampaṭicchitvā tassa vacanaṃ tathāpaccanubhāsanto. Antakenādhipannattā eva khettavatthuhiraññasuvaṇṇādi mānusaṃ bhavaṃ jahato. Anuganti anugataṃ, tameva anugāmīti attho. Nicayanti uparūpari vaḍḍhiyā nicitabhūtaṃ. Samparāyikanti samparāya hitaṃ.
પિયસુત્તવણ્ણના નિટ્ઠિતા.
Piyasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / સંયુત્તનિકાય • Saṃyuttanikāya / ૪. પિયસુત્તં • 4. Piyasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / સંયુત્તનિકાય (અટ્ઠકથા) • Saṃyuttanikāya (aṭṭhakathā) / ૪. પિયસુત્તવણ્ણના • 4. Piyasuttavaṇṇanā
