| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
4. பியஸுத்தங்
4. Piyasuttaṃ
115. ஸாவத்தி²னிதா³னங் . ஏகமந்தங் நிஸின்னோ கோ² ராஜா பஸேனதி³ கோஸலோ ப⁴க³வந்தங் ஏதத³வோச – ‘‘இத⁴ மய்ஹங், ப⁴ந்தே, ரஹோக³தஸ்ஸ படிஸல்லீனஸ்ஸ ஏவங் சேதஸோ பரிவிதக்கோ உத³பாதி³ – ‘கேஸங் நு கோ² பியோ அத்தா, கேஸங் அப்பியோ அத்தா’தி? தஸ்ஸ மய்ஹங், ப⁴ந்தே, ஏதத³ஹோஸி – ‘யே ச கோ² கேசி காயேன து³ச்சரிதங் சரந்தி, வாசாய து³ச்சரிதங் சரந்தி, மனஸா து³ச்சரிதங் சரந்தி; தேஸங் அப்பியோ அத்தா’. கிஞ்சாபி தே ஏவங் வதெ³ய்யுங் – ‘பியோ நோ அத்தா’தி, அத² கோ² தேஸங் அப்பியோ அத்தா. தங் கிஸ்ஸ ஹேது? யஞ்ஹி அப்பியோ அப்பியஸ்ஸ கரெய்ய, தங் தே அத்தனாவ அத்தனோ கரொந்தி; தஸ்மா தேஸங் அப்பியோ அத்தா. யே ச கோ² கேசி காயேன ஸுசரிதங் சரந்தி, வாசாய ஸுசரிதங் சரந்தி, மனஸா ஸுசரிதங் சரந்தி; தேஸங் பியோ அத்தா. கிஞ்சாபி தே ஏவங் வதெ³ய்யுங் – ‘அப்பியோ நோ அத்தா’தி; அத² கோ² தேஸங் பியோ அத்தா. தங் கிஸ்ஸ ஹேது? யஞ்ஹி பியோ பியஸ்ஸ கரெய்ய, தங் தே அத்தனாவ அத்தனோ கரொந்தி; தஸ்மா தேஸங் பியோ அத்தா’’தி.
115. Sāvatthinidānaṃ . Ekamantaṃ nisinno kho rājā pasenadi kosalo bhagavantaṃ etadavoca – ‘‘idha mayhaṃ, bhante, rahogatassa paṭisallīnassa evaṃ cetaso parivitakko udapādi – ‘kesaṃ nu kho piyo attā, kesaṃ appiyo attā’ti? Tassa mayhaṃ, bhante, etadahosi – ‘ye ca kho keci kāyena duccaritaṃ caranti, vācāya duccaritaṃ caranti, manasā duccaritaṃ caranti; tesaṃ appiyo attā’. Kiñcāpi te evaṃ vadeyyuṃ – ‘piyo no attā’ti, atha kho tesaṃ appiyo attā. Taṃ kissa hetu? Yañhi appiyo appiyassa kareyya, taṃ te attanāva attano karonti; tasmā tesaṃ appiyo attā. Ye ca kho keci kāyena sucaritaṃ caranti, vācāya sucaritaṃ caranti, manasā sucaritaṃ caranti; tesaṃ piyo attā. Kiñcāpi te evaṃ vadeyyuṃ – ‘appiyo no attā’ti; atha kho tesaṃ piyo attā. Taṃ kissa hetu? Yañhi piyo piyassa kareyya, taṃ te attanāva attano karonti; tasmā tesaṃ piyo attā’’ti.
‘‘ஏவமேதங், மஹாராஜ, ஏவமேதங், மஹாராஜ! யே ஹி கேசி, மஹாராஜ, காயேன து³ச்சரிதங் சரந்தி, வாசாய து³ச்சரிதங் சரந்தி, மனஸா து³ச்சரிதங் சரந்தி; தேஸங் அப்பியோ அத்தா. கிஞ்சாபி தே ஏவங் வதெ³ய்யுங் – ‘பியோ நோ அத்தா’தி, அத² கோ² தேஸங் அப்பியோ அத்தா. தங் கிஸ்ஸ ஹேது? யஞ்ஹி, மஹாராஜ, அப்பியோ அப்பியஸ்ஸ கரெய்ய, தங் தே அத்தனாவ அத்தனோ கரொந்தி; தஸ்மா தேஸங் அப்பியோ அத்தா. யே ச கோ² கேசி, மஹாராஜ , காயேன ஸுசரிதங் சரந்தி, வாசாய ஸுசரிதங் சரந்தி, மனஸா ஸுசரிதங் சரந்தி; தேஸங் பியோ அத்தா. கிஞ்சாபி தே ஏவங் வதெ³ய்யுங் – ‘அப்பியோ நோ அத்தா’தி; அத² கோ² தேஸங் பியோ அத்தா. தங் கிஸ்ஸ ஹேது? யஞ்ஹி மஹாராஜ, பியோ பியஸ்ஸ கரெய்ய, தங் தே அத்தனாவ அத்தனோ கரொந்தி; தஸ்மா தேஸங் பியோ அத்தா’’தி. இத³மவோச…பே॰…
‘‘Evametaṃ, mahārāja, evametaṃ, mahārāja! Ye hi keci, mahārāja, kāyena duccaritaṃ caranti, vācāya duccaritaṃ caranti, manasā duccaritaṃ caranti; tesaṃ appiyo attā. Kiñcāpi te evaṃ vadeyyuṃ – ‘piyo no attā’ti, atha kho tesaṃ appiyo attā. Taṃ kissa hetu? Yañhi, mahārāja, appiyo appiyassa kareyya, taṃ te attanāva attano karonti; tasmā tesaṃ appiyo attā. Ye ca kho keci, mahārāja , kāyena sucaritaṃ caranti, vācāya sucaritaṃ caranti, manasā sucaritaṃ caranti; tesaṃ piyo attā. Kiñcāpi te evaṃ vadeyyuṃ – ‘appiyo no attā’ti; atha kho tesaṃ piyo attā. Taṃ kissa hetu? Yañhi mahārāja, piyo piyassa kareyya, taṃ te attanāva attano karonti; tasmā tesaṃ piyo attā’’ti. Idamavoca…pe…
‘‘அத்தானஞ்சே பியங் ஜஞ்ஞா, ந நங் பாபேன ஸங்யுஜே;
‘‘Attānañce piyaṃ jaññā, na naṃ pāpena saṃyuje;
ந ஹி தங் ஸுலப⁴ங் ஹோதி, ஸுக²ங் து³க்கடகாரினா.
Na hi taṃ sulabhaṃ hoti, sukhaṃ dukkaṭakārinā.
‘‘அந்தகேனாதி⁴பன்னஸ்ஸ, ஜஹதோ மானுஸங் ப⁴வங்;
‘‘Antakenādhipannassa, jahato mānusaṃ bhavaṃ;
கிஞ்ஹி தஸ்ஸ ஸகங் ஹோதி, கிஞ்ச ஆதா³ய க³ச்ச²தி;
Kiñhi tassa sakaṃ hoti, kiñca ādāya gacchati;
‘‘உபோ⁴ புஞ்ஞஞ்ச பாபஞ்ச, யங் மச்சோ குருதே இத⁴;
‘‘Ubho puññañca pāpañca, yaṃ macco kurute idha;
‘‘தஸ்மா கரெய்ய கல்யாணங், நிசயங் ஸம்பராயிகங்;
‘‘Tasmā kareyya kalyāṇaṃ, nicayaṃ samparāyikaṃ;
புஞ்ஞானி பரலோகஸ்மிங், பதிட்டா² ஹொந்தி பாணின’’ந்த்ந்த்தி.
Puññāni paralokasmiṃ, patiṭṭhā honti pāṇina’’ntntti.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 4. பியஸுத்தவண்ணனா • 4. Piyasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 4. பியஸுத்தவண்ணனா • 4. Piyasuttavaṇṇanā
