| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੬. ਪਿਯਙ੍ਕਰਸੁਤ੍ਤવਣ੍ਣਨਾ
6. Piyaṅkarasuttavaṇṇanā
੨੪੦. ਪਚ੍ਚਨ੍ਤੇਤਿ ਪਰਿਯਨ੍ਤੇ। ਪਾਟਿਯੇਕ੍ਕਨ੍ਤਿ ਸਙ੍ਗੀਤਿਕਾਲੇ વਿਸੁਂ। ਯਮਕવਗ੍ਗਾਦਿਕਾ ਬ੍ਰਾਹ੍ਮਣવਗ੍ਗਪਰਿਯੋਸਾਨਾ ਛਬ੍ਬੀਸਤਿ વਗ੍ਗਾ ਏਤਿਸ੍ਸਾਤਿ ਛਬ੍ਬੀਸਤਿવਗ੍ਗਾ, ਤਨ੍ਤੀਤਿ ਪਾਲ਼ਿ। ਉਚ੍ਚਾਰਪਸ੍ਸਾવਾਦਿ ਏવਰੂਪਂ ਦੁਬ੍ਭੋਜਨਂ, ‘‘ਅਸੁਚਿਜੇਗੁਚ੍ਛਭਾવੇਨ ਦੁਟ੍ਠੁ ਭੋਜਨ’’ਨ੍ਤਿ ਕਤ੍વਾ, ਦੁਬ੍ਭੋਜਨਗ੍ਗਹਣੇਨ વਾ વਨ੍ਤਗਬ੍ਭਮਲਾਦੀਨਿ ਅਤਿਦਿਸਤਿ। ਛવਿਆਦੀਨਿ ਛੇਤ੍વਾਤਿ ਛવਿਆਦੀਨਿ ਅਤਿવਿਜ੍ਝ ਅਤਿવਿਯ ਪવਿਸਿਤ੍વਾ। ਅਟ੍ਠਿਮਿਞ੍ਜਂ ਆਹਚ੍ਚ ਅਟ੍ਠਾਸਿ ਪੀਤਿਸਮੁਟ੍ਠਾਨਉਲ਼ਾਰੋਲ਼ਾਰਰੂਪਪ੍ਪવਤ੍ਤਿਯਾ। ਤੇਨਾਹ ‘‘ਹਦਯਙ੍ਗਮਨੀਯੋ ਹੁਤ੍વਾ’’ਤਿ।
240.Paccanteti pariyante. Pāṭiyekkanti saṅgītikāle visuṃ. Yamakavaggādikā brāhmaṇavaggapariyosānā chabbīsati vaggā etissāti chabbīsativaggā, tantīti pāḷi. Uccārapassāvādi evarūpaṃ dubbhojanaṃ, ‘‘asucijegucchabhāvena duṭṭhu bhojana’’nti katvā, dubbhojanaggahaṇena vā vantagabbhamalādīni atidisati. Chaviādīni chetvāti chaviādīni ativijjha ativiya pavisitvā. Aṭṭhimiñjaṃ āhacca aṭṭhāsi pītisamuṭṭhānauḷāroḷārarūpappavattiyā. Tenāha ‘‘hadayaṅgamanīyo hutvā’’ti.
ਧਮ੍ਮਤਾਯ ਸਮਾਦਿਣ੍ਣਨ੍ਤਿ ਕਸ੍ਸਚਿ ਸਨ੍ਤਿਕੇ ਅਗ੍ਗਹੇਤ੍વਾ ਸਯਮੇવ ਤਸ੍ਮਿਂ ਖਣੇ ਸਂਯਤਾ ਹੋਮਾਤਿ ਯਥਾਸਂਯਤਾ। ਤਤਿਯਪਦੇਨਾਤਿ ‘‘ਸਿਕ੍ਖੇਮ ਸੁਸੀਲ੍ਯ’’ਨ੍ਤਿ ਇਮਿਨਾ ਪਦੇਨ। ਸੇਸਾਤਿ વੁਤ੍ਤਾવਸੇਸਾ। ਤਿਸ੍ਸੋ ਅਦਿਨ੍ਨਾਦਾਨਮਿਚ੍ਛਾਚਾਰਸੁਰਾਪਾਨવਿਰਤਿਯੋ। ਗਹਿਤਾ ਗੋਬਲੀਬਦ੍ਦਞਾਯੇਨ। ਛਾਤਕਂ ਦੁਬ੍ਭਿਕ੍ਖਞ੍ਚ ਏਤ੍ਥਾਤਿ ਛਾਤਕਦੁਬ੍ਭਿਕ੍ਖਾ, ਜਿਘਚ੍ਛਾਦੁਬ੍ਭਿਕ੍ਖਾਬਹੁਲਾਯਾਤਿ ਅਤ੍ਥੋ। ਪਿਸਾਚਯਕ੍ਖਯੋਨਿਯਾਤਿ ਪੇਤ੍ਤਿવਿਸਯਸਦਿਸਯਕ੍ਖਯੋਨਿਯਾ ਅਪਿ ਨਾਮ ਮੁਚ੍ਚੇਮਾਤਿ ਯੋਜਨਾ।
Dhammatāyasamādiṇṇanti kassaci santike aggahetvā sayameva tasmiṃ khaṇe saṃyatā homāti yathāsaṃyatā. Tatiyapadenāti ‘‘sikkhema susīlya’’nti iminā padena. Sesāti vuttāvasesā. Tisso adinnādānamicchācārasurāpānaviratiyo. Gahitā gobalībaddañāyena. Chātakaṃ dubbhikkhañca etthāti chātakadubbhikkhā, jighacchādubbhikkhābahulāyāti attho. Pisācayakkhayoniyāti pettivisayasadisayakkhayoniyā api nāma muccemāti yojanā.
ਪਿਯਙ੍ਕਰਸੁਤ੍ਤવਣ੍ਣਨਾ ਨਿਟ੍ਠਿਤਾ।
Piyaṅkarasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੬. ਪਿਯਙ੍ਕਰਸੁਤ੍ਤਂ • 6. Piyaṅkarasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੬. ਪਿਯਙ੍ਕਰਸੁਤ੍ਤવਣ੍ਣਨਾ • 6. Piyaṅkarasuttavaṇṇanā
