| Library / Tipiṭaka / തിപിടക • Tipiṭaka / പേതവത്ഥുപാളി • Petavatthupāḷi |
൪. പിട്ഠധീതലികപേതവത്ഥു
4. Piṭṭhadhītalikapetavatthu
൧൦.
10.
‘‘യം കിഞ്ചാരമ്മണം കത്വാ, ദജ്ജാ ദാനം അമച്ഛരീ;
‘‘Yaṃ kiñcārammaṇaṃ katvā, dajjā dānaṃ amaccharī;
പുബ്ബപേതേ ച ആരബ്ഭ, അഥ വാ വത്ഥുദേവതാ.
Pubbapete ca ārabbha, atha vā vatthudevatā.
൧൧.
11.
കുവേരം ധതരട്ഠഞ്ച, വിരൂപക്ഖം വിരൂള്ഹകം;
Kuveraṃ dhataraṭṭhañca, virūpakkhaṃ virūḷhakaṃ;
തേ ചേവ പൂജിതാ ഹോന്തി, ദായകാ ച അനിപ്ഫലാ.
Te ceva pūjitā honti, dāyakā ca anipphalā.
൧൨.
12.
‘‘ന ഹി രുണ്ണം വാ സോകോ വാ, യാ ചഞ്ഞാ പരിദേവനാ;
‘‘Na hi ruṇṇaṃ vā soko vā, yā caññā paridevanā;
ന തം പേതസ്സ അത്ഥായ, ഏവം തിട്ഠന്തി ഞാതയോ.
Na taṃ petassa atthāya, evaṃ tiṭṭhanti ñātayo.
൧൩.
13.
‘‘അയഞ്ച ഖോ ദക്ഖിണാ ദിന്നാ, സങ്ഘമ്ഹി സുപ്പതിട്ഠിതാ;
‘‘Ayañca kho dakkhiṇā dinnā, saṅghamhi suppatiṭṭhitā;
ദീഘരത്തം ഹിതായസ്സ, ഠാനസോ ഉപകപ്പതീ’’തി.
Dīgharattaṃ hitāyassa, ṭhānaso upakappatī’’ti.
പിട്ഠധീതലികപേതവത്ഥു ചതുത്ഥം.
Piṭṭhadhītalikapetavatthu catutthaṃ.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / പേതവത്ഥു-അട്ഠകഥാ • Petavatthu-aṭṭhakathā / ൪. പിട്ഠധീതലികപേതവത്ഥുവണ്ണനാ • 4. Piṭṭhadhītalikapetavatthuvaṇṇanā
