| Library / Tipiṭaka / ತಿಪಿಟಕ • Tipiṭaka / ಪೇತವತ್ಥುಪಾಳಿ • Petavatthupāḷi |
೪. ಪಿಟ್ಠಧೀತಲಿಕಪೇತವತ್ಥು
4. Piṭṭhadhītalikapetavatthu
೧೦.
10.
‘‘ಯಂ ಕಿಞ್ಚಾರಮ್ಮಣಂ ಕತ್ವಾ, ದಜ್ಜಾ ದಾನಂ ಅಮಚ್ಛರೀ।
‘‘Yaṃ kiñcārammaṇaṃ katvā, dajjā dānaṃ amaccharī;
ಪುಬ್ಬಪೇತೇ ಚ ಆರಬ್ಭ, ಅಥ ವಾ ವತ್ಥುದೇವತಾ॥
Pubbapete ca ārabbha, atha vā vatthudevatā.
೧೧.
11.
ಕುವೇರಂ ಧತರಟ್ಠಞ್ಚ, ವಿರೂಪಕ್ಖಂ ವಿರೂಳ್ಹಕಂ।
Kuveraṃ dhataraṭṭhañca, virūpakkhaṃ virūḷhakaṃ;
ತೇ ಚೇವ ಪೂಜಿತಾ ಹೋನ್ತಿ, ದಾಯಕಾ ಚ ಅನಿಪ್ಫಲಾ॥
Te ceva pūjitā honti, dāyakā ca anipphalā.
೧೨.
12.
‘‘ನ ಹಿ ರುಣ್ಣಂ ವಾ ಸೋಕೋ ವಾ, ಯಾ ಚಞ್ಞಾ ಪರಿದೇವನಾ।
‘‘Na hi ruṇṇaṃ vā soko vā, yā caññā paridevanā;
ನ ತಂ ಪೇತಸ್ಸ ಅತ್ಥಾಯ, ಏವಂ ತಿಟ್ಠನ್ತಿ ಞಾತಯೋ॥
Na taṃ petassa atthāya, evaṃ tiṭṭhanti ñātayo.
೧೩.
13.
‘‘ಅಯಞ್ಚ ಖೋ ದಕ್ಖಿಣಾ ದಿನ್ನಾ, ಸಙ್ಘಮ್ಹಿ ಸುಪ್ಪತಿಟ್ಠಿತಾ।
‘‘Ayañca kho dakkhiṇā dinnā, saṅghamhi suppatiṭṭhitā;
ದೀಘರತ್ತಂ ಹಿತಾಯಸ್ಸ, ಠಾನಸೋ ಉಪಕಪ್ಪತೀ’’ತಿ॥
Dīgharattaṃ hitāyassa, ṭhānaso upakappatī’’ti.
ಪಿಟ್ಠಧೀತಲಿಕಪೇತವತ್ಥು ಚತುತ್ಥಂ।
Piṭṭhadhītalikapetavatthu catutthaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಪೇತವತ್ಥು-ಅಟ್ಠಕಥಾ • Petavatthu-aṭṭhakathā / ೪. ಪಿಟ್ಠಧೀತಲಿಕಪೇತವತ್ಥುವಣ್ಣನಾ • 4. Piṭṭhadhītalikapetavatthuvaṇṇanā
