| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੫. ਪਿਙ੍ਗਿਯਾਨੀਸੁਤ੍ਤવਣ੍ਣਨਾ
5. Piṅgiyānīsuttavaṇṇanā
੧੯੫. ਪਞ੍ਚਮੇ ਨੀਲਾਤਿ ਇਦਂ ਸਬ੍ਬਸਙ੍ਗਾਹਿਕਂ। ਨੀਲવਣ੍ਣਾਤਿਆਦਿ ਤਸ੍ਸੇવ વਿਭਾਗਦਸ੍ਸਨਂ। ਤਤ੍ਥ ਨ ਤੇਸਂ ਪਕਤਿવਣ੍ਣੋ ਨੀਲੋ, ਨੀਲવਿਲੇਪਨવਿਲਿਤ੍ਤਤ੍ਤਾ ਪਨੇਤਂ વੁਤ੍ਤਂ। ਨੀਲવਤ੍ਥਾਤਿ ਪਟਦੁਕੂਲਕੋਸੇਯ੍ਯਾਦੀਨਿਪਿ ਤੇਸਂ ਨੀਲਾਨੇવ ਹੋਨ੍ਤਿ। ਨੀਲਾਲਙ੍ਕਾਰਾਤਿ ਨੀਲਮਣੀਹਿ ਨੀਲਪੁਪ੍ਫੇਹਿ ਅਲਙ੍ਕਤਾ, ਤੇਸਂ ਹਤ੍ਥਾਲਙ੍ਕਾਰ-ਅਸ੍ਸਾਲਙ੍ਕਾਰ-ਰਥਾਲਙ੍ਕਾਰ-ਸਾਣਿવਿਤਾਨਕਞ੍ਚੁਕਾਪਿ ਸਬ੍ਬੇ ਨੀਲਾਯੇવ ਹੋਨ੍ਤਿ। ਇਮਿਨਾ ਨਯੇਨ ਸਬ੍ਬਪਦੇਸੁ ਅਤ੍ਥੋ વੇਦਿਤਬ੍ਬੋ।
195. Pañcame nīlāti idaṃ sabbasaṅgāhikaṃ. Nīlavaṇṇātiādi tasseva vibhāgadassanaṃ. Tattha na tesaṃ pakativaṇṇo nīlo, nīlavilepanavilittattā panetaṃ vuttaṃ. Nīlavatthāti paṭadukūlakoseyyādīnipi tesaṃ nīlāneva honti. Nīlālaṅkārāti nīlamaṇīhi nīlapupphehi alaṅkatā, tesaṃ hatthālaṅkāra-assālaṅkāra-rathālaṅkāra-sāṇivitānakañcukāpi sabbe nīlāyeva honti. Iminā nayena sabbapadesu attho veditabbo.
ਪਦੁਮਂ ਯਥਾਤਿ ਯਥਾ ਸਤਪਤ੍ਤਂ ਰਤ੍ਤਪਦੁਮਂ। ਕੋਕਨਦਨ੍ਤਿ ਤਸ੍ਸੇવ વੇવਚਨਂ। ਪਾਤੋਤਿ ਪਗੇવ ਸੁਰਿਯੁਗ੍ਗਮਨਕਾਲੇ । ਸਿਯਾਤਿ ਭવੇਯ੍ਯ। ਅવੀਤਗਨ੍ਧਨ੍ਤਿ ਅવਿਗਤਗਨ੍ਧਂ। ਅਙ੍ਗੀਰਸਨ੍ਤਿ ਭਗવਤੋ ਅਙ੍ਗਮਙ੍ਗੇਹਿ ਰਸ੍ਮਿਯੋ ਨਿਚ੍ਛਰਨ੍ਤਿ, ਤਸ੍ਮਾ ਅਙ੍ਗੀਰਸੋਤਿ વੁਚ੍ਚਤਿ। ਤਪਨ੍ਤਮਾਦਿਚ੍ਚਮਿવਨ੍ਤਲਿਕ੍ਖੇਤਿ ਦ੍વਿਸਹਸ੍ਸਦੀਪਪਰਿવਾਰੇਸੁ ਚਤੂਸੁ ਮਹਾਦੀਪੇਸੁ ਆਲੋਕਕਰਣવਸੇਨ ਅਨ੍ਤਲਿਕ੍ਖੇ ਤਪਨ੍ਤਂ ਆਦਿਚ੍ਚਂ વਿਯ વਿਰੋਚਮਾਨਂ। ਅਙ੍ਗੀਰਸਂ ਪਸ੍ਸਾਤਿ ਅਤ੍ਤਾਨਮੇવ વਾ ਮਹਾਜਨਂ વਾ ਸਨ੍ਧਾਯ ਏવਂ વਦਤਿ।
Padumaṃyathāti yathā satapattaṃ rattapadumaṃ. Kokanadanti tasseva vevacanaṃ. Pātoti pageva suriyuggamanakāle . Siyāti bhaveyya. Avītagandhanti avigatagandhaṃ. Aṅgīrasanti bhagavato aṅgamaṅgehi rasmiyo niccharanti, tasmā aṅgīrasoti vuccati. Tapantamādiccamivantalikkheti dvisahassadīpaparivāresu catūsu mahādīpesu ālokakaraṇavasena antalikkhe tapantaṃ ādiccaṃ viya virocamānaṃ. Aṅgīrasaṃ passāti attānameva vā mahājanaṃ vā sandhāya evaṃ vadati.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੫. ਪਿਙ੍ਗਿਯਾਨੀਸੁਤ੍ਤਂ • 5. Piṅgiyānīsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੫. ਪਿਙ੍ਗਿਯਾਨੀਸੁਤ੍ਤવਣ੍ਣਨਾ • 5. Piṅgiyānīsuttavaṇṇanā
