| Library / Tipiṭaka / តិបិដក • Tipiṭaka / សុត្តនិបាតបាឡិ • Suttanipātapāḷi |
១៦. បិង្គិយមាណវបុច្ឆា
16. Piṅgiyamāṇavapucchā
១១២៦.
1126.
‘‘ជិណ្ណោហមស្មិ អពលោ វីតវណ្ណោ, (ឥច្ចាយស្មា បិង្គិយោ)
‘‘Jiṇṇohamasmi abalo vītavaṇṇo, (iccāyasmā piṅgiyo)
នេត្តា ន សុទ្ធា សវនំ ន ផាសុ;
Nettā na suddhā savanaṃ na phāsu;
មាហំ នស្សំ មោមុហោ អន្តរាវ
Māhaṃ nassaṃ momuho antarāva
អាចិក្ខ ធម្មំ យមហំ វិជញ្ញំ;
Ācikkha dhammaṃ yamahaṃ vijaññaṃ;
ជាតិជរាយ ឥធ វិប្បហានំ’’។
Jātijarāya idha vippahānaṃ’’.
១១២៧.
1127.
‘‘ទិស្វាន រូបេសុ វិហញ្ញមានេ, (បិង្គិយាតិ ភគវា)
‘‘Disvāna rūpesu vihaññamāne, (piṅgiyāti bhagavā)
រុប្បន្តិ រូបេសុ ជនា បមត្តា;
Ruppanti rūpesu janā pamattā;
តស្មា តុវំ បិង្គិយ អប្បមត្តោ,
Tasmā tuvaṃ piṅgiya appamatto,
ជហស្សុ រូបំ អបុនព្ភវាយ’’។
Jahassu rūpaṃ apunabbhavāya’’.
១១២៨.
1128.
‘‘ទិសា ចតស្សោ វិទិសា ចតស្សោ, ឧទ្ធំ អធោ ទស ទិសា ឥមាយោ;
‘‘Disā catasso vidisā catasso, uddhaṃ adho dasa disā imāyo;
អាចិក្ខ ធម្មំ យមហំ វិជញ្ញំ, ជាតិជរាយ ឥធ វិប្បហានំ’’។
Ācikkha dhammaṃ yamahaṃ vijaññaṃ, jātijarāya idha vippahānaṃ’’.
១១២៩.
1129.
‘‘តណ្ហាធិបន្នេ មនុជេ បេក្ខមានោ, (បិង្គិយាតិ ភគវា)
‘‘Taṇhādhipanne manuje pekkhamāno, (piṅgiyāti bhagavā)
សន្តាបជាតេ ជរសា បរេតេ;
Santāpajāte jarasā parete;
តស្មា តុវំ បិង្គិយ អប្បមត្តោ, ជហស្សុ តណ្ហំ អបុនព្ភវាយា’’តិ។
Tasmā tuvaṃ piṅgiya appamatto, jahassu taṇhaṃ apunabbhavāyā’’ti.
បិង្គិយមាណវបុច្ឆា សោឡសមា និដ្ឋិតា។
Piṅgiyamāṇavapucchā soḷasamā niṭṭhitā.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / សុត្តនិបាត-អដ្ឋកថា • Suttanipāta-aṭṭhakathā / ១៦. បិង្គិយសុត្តវណ្ណនា • 16. Piṅgiyasuttavaṇṇanā
