| Library / Tipiṭaka / တိပိဋက • Tipiṭaka / ထေရဂာထာပာဠိ • Theragāthāpāḷi |
၂. ပိဏ္ဍောလဘာရဒ္ဝာဇတ္ထေရဂာထာ
2. Piṇḍolabhāradvājattheragāthā
၁၂၃.
123.
‘‘နယိဒံ အနယေန ဇီဝိတံ၊ နာဟာရော ဟဒယသ္သ သန္တိကော။
‘‘Nayidaṃ anayena jīvitaṃ, nāhāro hadayassa santiko;
အာဟာရဋ္ဌိတိကော သမုသ္သယော၊ ဣတိ ဒိသ္ဝာန စရာမိ ဧသနံ။
Āhāraṭṭhitiko samussayo, iti disvāna carāmi esanaṃ.
၁၂၄.
124.
‘‘ပင္ကောတိ ဟိ နံ ပဝေဒယုံ၊ ယာယံ ဝန္ဒနပူဇနာ ကုလေသု။
‘‘Paṅkoti hi naṃ pavedayuṃ, yāyaṃ vandanapūjanā kulesu;
သုခုမံ သလ္လံ ဒုရုဗ္ဗဟံ၊ သက္ကာရော ကာပုရိသေန ဒုဇ္ဇဟော’’တိ။
Sukhumaṃ sallaṃ durubbahaṃ, sakkāro kāpurisena dujjaho’’ti.
ဣတ္ထံ သုဒံ အာယသ္မာ ပိဏ္ဍောလဘာရဒ္ဝာဇော ထေရော ဂာထာယော အဘာသိတ္ထာတိ။
Itthaṃ sudaṃ āyasmā piṇḍolabhāradvājo thero gāthāyo abhāsitthāti.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / ထေရဂာထာ-အဋ္ဌကထာ • Theragāthā-aṭṭhakathā / ၂. ပိဏ္ဍောလဘာရဒ္ဝာဇတ္ထေရဂာထာဝဏ္ဏနာ • 2. Piṇḍolabhāradvājattheragāthāvaṇṇanā
