| Library / Tipiṭaka / তিপিটক • Tipiṭaka / থেরগাথাপাল়ি • Theragāthāpāḷi |
২. পিণ্ডোলভারদ্ৰাজত্থেরগাথা
2. Piṇḍolabhāradvājattheragāthā
১২৩.
123.
‘‘নযিদং অনযেন জীৰিতং, নাহারো হদযস্স সন্তিকো।
‘‘Nayidaṃ anayena jīvitaṃ, nāhāro hadayassa santiko;
আহারট্ঠিতিকো সমুস্সযো, ইতি দিস্ৰান চরামি এসনং॥
Āhāraṭṭhitiko samussayo, iti disvāna carāmi esanaṃ.
১২৪.
124.
‘‘পঙ্কোতি হি নং পৰেদযুং, যাযং ৰন্দনপূজনা কুলেসু।
‘‘Paṅkoti hi naṃ pavedayuṃ, yāyaṃ vandanapūjanā kulesu;
সুখুমং সল্লং দুরুব্বহং, সক্কারো কাপুরিসেন দুজ্জহো’’তি॥
Sukhumaṃ sallaṃ durubbahaṃ, sakkāro kāpurisena dujjaho’’ti.
ইত্থং সুদং আযস্মা পিণ্ডোলভারদ্ৰাজো থেরো গাথাযো অভাসিত্থাতি।
Itthaṃ sudaṃ āyasmā piṇḍolabhāradvājo thero gāthāyo abhāsitthāti.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / থেরগাথা-অট্ঠকথা • Theragāthā-aṭṭhakathā / ২. পিণ্ডোলভারদ্ৰাজত্থেরগাথাৰণ্ণনা • 2. Piṇḍolabhāradvājattheragāthāvaṇṇanā
