| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
५. फासुविहारसुत्तवण्णना
5. Phāsuvihārasuttavaṇṇanā
१०५. पञ्चमे मेत्तं कायकम्मन्ति मेत्तचित्तेन पवत्तितं कायकम्मं। आवि चेव रहो चाति सम्मुखे चेव परम्मुखे च। इतरेसुपि एसेव नयो। यानि तानि सीलानीतिआदि चतुपारिसुद्धिसीलवसेन वुत्तं। समाधिसंवत्तनिकानीति मग्गसमाधिफलसमाधिनिब्बत्तकानि। सीलसामञ्ञगतोति समानसीलतं गतो, एकसदिससीलो हुत्वाति अत्थो। तक्करस्साति यो नं करोति, तस्स। इति इमस्मिं सुत्ते सीलं मिस्सकं कथितं, दिट्ठि विपस्सनासम्मादिट्ठीति।
105. Pañcame mettaṃ kāyakammanti mettacittena pavattitaṃ kāyakammaṃ. Āvi ceva raho cāti sammukhe ceva parammukhe ca. Itaresupi eseva nayo. Yāni tāni sīlānītiādi catupārisuddhisīlavasena vuttaṃ. Samādhisaṃvattanikānīti maggasamādhiphalasamādhinibbattakāni. Sīlasāmaññagatoti samānasīlataṃ gato, ekasadisasīlo hutvāti attho. Takkarassāti yo naṃ karoti, tassa. Iti imasmiṃ sutte sīlaṃ missakaṃ kathitaṃ, diṭṭhi vipassanāsammādiṭṭhīti.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ५. फासुविहारसुत्तं • 5. Phāsuvihārasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ५. फासुविहारसुत्तवण्णना • 5. Phāsuvihārasuttavaṇṇanā
