| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၂. ဖသ္သနာနတ္တသုတ္တဝဏ္ဏနာ
2. Phassanānattasuttavaṇṇanā
၈၆. ဇာတိပသုတိအာရမ္မဏာဒိဘေဒေန နာနာဘာဝော ဖသ္သော။ ဇာတိပစ္စယဘေဒေန ဟိ ပစ္စယုပ္ပန္နသ္သ ဘေဒော ဟောတိယေဝ။ ဓမ္မပရိစ္ဆေဒဝသေန ဓာတုဒေသနာယံ တိသ္သော မနနမတ္တာ ဓာတုယောဝ မနောဓာတုယော။ ကိရိယာမယသ္သ စိတ္တုပ္ပတ္တိဝိဘာဂေန ပစ္စယုပ္ပန္နသ္သ ဝသေန ဓာတုဒေသနာယံ မနနဋ္ဌေန ဓာတုတာယ သာမညတော မနောဒ္ဝာရာဝဇ္ဇနံ ‘‘မနောဓာတူ’’တိ အဓိပ္ပေတန္တိ ဝုတ္တံ ‘‘မနောသမ္ဖသ္သော မနောဒ္ဝာရေ ပဌမဇဝနသမ္ပယုတ္တော’’တိအာဒိ။ တသ္မာတိ ယသ္မာ ကာမံ သမ္ပဋိစ္ဆနမနောဓာတုအနန္တရံ ဥပ္ပဇ္ဇမာနော သန္တီရဏဝိညာဏဓာတုယာ သမ္ပယုတ္တော ဖသ္သောပိ မနောသမ္ဖသ္သော ဧဝ နာမ, ဒုဗ္ဗလတ္တာ ပန သော သဗ္ဗဘဝေသု အသမ္ဘဝတော စ ဂဟိတော အနဝသေသတော ဂဟဏံ န ဟောတီတိ မနောဒ္ဝာရေ ဇဝနသမ္ဖသ္သော ဟောတိ, တသ္မာ။ အယမေတ္ထ အတ္ထောတိ အယံ ဣဓ အဓိပ္ပာယာနုဂတော အတ္ထော။
86. Jātipasutiārammaṇādibhedena nānābhāvo phasso. Jātipaccayabhedena hi paccayuppannassa bhedo hotiyeva. Dhammaparicchedavasena dhātudesanāyaṃ tisso mananamattā dhātuyova manodhātuyo. Kiriyāmayassa cittuppattivibhāgena paccayuppannassa vasena dhātudesanāyaṃ mananaṭṭhena dhātutāya sāmaññato manodvārāvajjanaṃ ‘‘manodhātū’’ti adhippetanti vuttaṃ ‘‘manosamphasso manodvāre paṭhamajavanasampayutto’’tiādi. Tasmāti yasmā kāmaṃ sampaṭicchanamanodhātuanantaraṃ uppajjamāno santīraṇaviññāṇadhātuyā sampayutto phassopi manosamphasso eva nāma, dubbalattā pana so sabbabhavesu asambhavato ca gahito anavasesato gahaṇaṃ na hotīti manodvāre javanasamphasso hoti, tasmā. Ayamettha atthoti ayaṃ idha adhippāyānugato attho.
ဖသ္သနာနတ္တသုတ္တဝဏ္ဏနာ နိဋ္ဌိတာ။
Phassanānattasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၂. ဖသ္သနာနတ္တသုတ္တံ • 2. Phassanānattasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၂. ဖသ္သနာနတ္တသုတ္တဝဏ္ဏနာ • 2. Phassanānattasuttavaṇṇanā
