| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੧੦. ਫਸ੍ਸਮੂਲਕਸੁਤ੍ਤਂ
10. Phassamūlakasuttaṃ
੨੫੮. ‘‘ਤਿਸ੍ਸੋ ਇਮਾ, ਭਿਕ੍ਖવੇ, વੇਦਨਾ ਫਸ੍ਸਜਾ ਫਸ੍ਸਮੂਲਕਾ ਫਸ੍ਸਨਿਦਾਨਾ ਫਸ੍ਸਪਚ੍ਚਯਾ। ਕਤਮਾ ਤਿਸ੍ਸੋ? ਸੁਖਾ વੇਦਨਾ, ਦੁਕ੍ਖਾ વੇਦਨਾ, ਅਦੁਕ੍ਖਮਸੁਖਾ વੇਦਨਾ। ਸੁਖવੇਦਨਿਯਂ, ਭਿਕ੍ਖવੇ, ਫਸ੍ਸਂ ਪਟਿਚ੍ਚ ਉਪ੍ਪਜ੍ਜਤਿ ਸੁਖਾ વੇਦਨਾ। ਤਸ੍ਸੇવ ਸੁਖવੇਦਨਿਯਸ੍ਸ ਫਸ੍ਸਸ੍ਸ ਨਿਰੋਧਾ, ਯਂ ਤਜ੍ਜਂ વੇਦਯਿਤਂ ਸੁਖવੇਦਨਿਯਂ ਫਸ੍ਸਂ ਪਟਿਚ੍ਚ ਉਪ੍ਪਨ੍ਨਾ ਸੁਖਾ વੇਦਨਾ, ਸਾ ਨਿਰੁਜ੍ਝਤਿ, ਸਾ વੂਪਸਮ੍ਮਤਿ। ਦੁਕ੍ਖવੇਦਨਿਯਂ, ਭਿਕ੍ਖવੇ, ਫਸ੍ਸਂ ਪਟਿਚ੍ਚ ਉਪ੍ਪਜ੍ਜਤਿ ਦੁਕ੍ਖਾ વੇਦਨਾ। ਤਸ੍ਸੇવ ਦੁਕ੍ਖવੇਦਨਿਯਸ੍ਸ ਫਸ੍ਸਸ੍ਸ ਨਿਰੋਧਾ, ਯਂ ਤਜ੍ਜਂ વੇਦਯਿਤਂ ਦੁਕ੍ਖવੇਦਨਿਯਂ ਫਸ੍ਸਂ ਪਟਿਚ੍ਚ ਉਪ੍ਪਨ੍ਨਾ ਦੁਕ੍ਖਾ વੇਦਨਾ, ਸਾ ਨਿਰੁਜ੍ਝਤਿ, ਸਾ વੂਪਸਮ੍ਮਤਿ। ਅਦੁਕ੍ਖਮਸੁਖવੇਦਨਿਯਂ, ਭਿਕ੍ਖવੇ, ਫਸ੍ਸਂ ਪਟਿਚ੍ਚ ਉਪ੍ਪਜ੍ਜਤਿ ਅਦੁਕ੍ਖਮਸੁਖਾ વੇਦਨਾ। ਤਸ੍ਸੇવ ਅਦੁਕ੍ਖਮਸੁਖવੇਦਨਿਯਸ੍ਸ ਫਸ੍ਸਸ੍ਸ ਨਿਰੋਧਾ, ਯਂ ਤਜ੍ਜਂ વੇਦਯਿਤਂ ਅਦੁਕ੍ਖਮਸੁਖવੇਦਨਿਯਂ ਫਸ੍ਸਂ ਪਟਿਚ੍ਚ ਉਪ੍ਪਨ੍ਨਾ ਅਦੁਕ੍ਖਮਸੁਖਾ વੇਦਨਾ, ਸਾ ਨਿਰੁਜ੍ਝਤਿ, ਸਾ વੂਪਸਮ੍ਮਤਿ। ਸੇਯ੍ਯਥਾਪਿ , ਭਿਕ੍ਖવੇ, ਦ੍વਿਨ੍ਨਂ ਕਟ੍ਠਾਨਂ ਸਙ੍ਘਟ੍ਟਨਸਮੋਧਾਨਾ 1 ਉਸ੍ਮਾ ਜਾਯਤਿ, ਤੇਜੋ ਅਭਿਨਿਬ੍ਬਤ੍ਤਤਿ। ਤੇਸਂਯੇવ ਕਟ੍ਠਾਨਂ ਨਾਨਾਭਾવਾ વਿਨਿਕ੍ਖੇਪਾ, ਯਾ ਤਜ੍ਜਾ ਉਸ੍ਮਾ, ਸਾ ਨਿਰੁਜ੍ਝਤਿ, ਸਾ વੂਪਸਮ੍ਮਤਿ। ਏવਮੇવ ਖੋ, ਭਿਕ੍ਖવੇ, ਇਮਾ ਤਿਸ੍ਸੋ વੇਦਨਾ ਫਸ੍ਸਜਾ ਫਸ੍ਸਮੂਲਕਾ ਫਸ੍ਸਨਿਦਾਨਾ ਫਸ੍ਸਪਚ੍ਚਯਾ। ਤਜ੍ਜਂ ਫਸ੍ਸਂ ਪਟਿਚ੍ਚ ਤਜ੍ਜਾ વੇਦਨਾ ਉਪ੍ਪਜ੍ਜਨ੍ਤਿ। ਤਜ੍ਜਸ੍ਸ ਫਸ੍ਸਸ੍ਸ ਨਿਰੋਧਾ ਤਜ੍ਜਾ વੇਦਨਾ ਨਿਰੁਜ੍ਝਨ੍ਤੀ’’ਤਿ। ਦਸਮਂ।
258. ‘‘Tisso imā, bhikkhave, vedanā phassajā phassamūlakā phassanidānā phassapaccayā. Katamā tisso? Sukhā vedanā, dukkhā vedanā, adukkhamasukhā vedanā. Sukhavedaniyaṃ, bhikkhave, phassaṃ paṭicca uppajjati sukhā vedanā. Tasseva sukhavedaniyassa phassassa nirodhā, yaṃ tajjaṃ vedayitaṃ sukhavedaniyaṃ phassaṃ paṭicca uppannā sukhā vedanā, sā nirujjhati, sā vūpasammati. Dukkhavedaniyaṃ, bhikkhave, phassaṃ paṭicca uppajjati dukkhā vedanā. Tasseva dukkhavedaniyassa phassassa nirodhā, yaṃ tajjaṃ vedayitaṃ dukkhavedaniyaṃ phassaṃ paṭicca uppannā dukkhā vedanā, sā nirujjhati, sā vūpasammati. Adukkhamasukhavedaniyaṃ, bhikkhave, phassaṃ paṭicca uppajjati adukkhamasukhā vedanā. Tasseva adukkhamasukhavedaniyassa phassassa nirodhā, yaṃ tajjaṃ vedayitaṃ adukkhamasukhavedaniyaṃ phassaṃ paṭicca uppannā adukkhamasukhā vedanā, sā nirujjhati, sā vūpasammati. Seyyathāpi , bhikkhave, dvinnaṃ kaṭṭhānaṃ saṅghaṭṭanasamodhānā 2 usmā jāyati, tejo abhinibbattati. Tesaṃyeva kaṭṭhānaṃ nānābhāvā vinikkhepā, yā tajjā usmā, sā nirujjhati, sā vūpasammati. Evameva kho, bhikkhave, imā tisso vedanā phassajā phassamūlakā phassanidānā phassapaccayā. Tajjaṃ phassaṃ paṭicca tajjā vedanā uppajjanti. Tajjassa phassassa nirodhā tajjā vedanā nirujjhantī’’ti. Dasamaṃ.
ਸਗਾਥਾવਗ੍ਗੋ ਪਠਮੋ ।
Sagāthāvaggo paṭhamo .
ਤਸ੍ਸੁਦ੍ਦਾਨਂ –
Tassuddānaṃ –
ਸਮਾਧਿ ਸੁਖਂ ਪਹਾਨੇਨ, ਪਾਤਾਲਂ ਦਟ੍ਠਬ੍ਬੇਨ ਚ।
Samādhi sukhaṃ pahānena, pātālaṃ daṭṭhabbena ca;
ਸਲ੍ਲੇਨ ਚੇવ ਗੇਲਞ੍ਞਾ, ਅਨਿਚ੍ਚ ਫਸ੍ਸਮੂਲਕਾਤਿ॥
Sallena ceva gelaññā, anicca phassamūlakāti.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੧੦. ਫਸ੍ਸਮੂਲਕਸੁਤ੍ਤવਣ੍ਣਨਾ • 10. Phassamūlakasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੦. ਫਸ੍ਸਮੂਲਕਸੁਤ੍ਤવਣ੍ਣਨਾ • 10. Phassamūlakasuttavaṇṇanā
