| Library / Tipiṭaka / ཏིཔིཊཀ • Tipiṭaka / པཊིསམྦྷིདཱམགྒ-ཨཊྛཀཐཱ • Paṭisambhidāmagga-aṭṭhakathā |
༡༢. ཕལཉཱཎནིདྡེསཝཎྞནཱ
12. Phalañāṇaniddesavaṇṇanā
༦༣. ཕལཉཱཎནིདྡེསེ ཏཾཔཡོགཔྤཊིཔྤསྶདྡྷཏྟཱཏི ཏསྶ ཨཛ྄ཛྷཏྟབཧིདྡྷཱ ཝུཊྛཱནཔཡོགསྶ པཊིཔྤསྶདྡྷཏྟཱ། མགྒོ ཧི སཀཀྑཎེ ཀིལེསཔྤཧཱནེན ཨུབྷཏོ ཝུཊྛཱནཔཡོགཾ ཀརོཏི ནཱམ, ཕལཀྑཎེ ཀིལེསཱནཾ པཧཱིནཏྟཱ མགྒསྶ ཨུབྷཏོ ཝུཊྛཱནཔཡོགོ པཊིཔྤསྶདྡྷོ ཝཱུཔསནྟོ ནཱམ ཧོཏི། ཨུཔྤཛྫཏཱིཏི མགྒཱནནྟརཾ སཀིཾ ཝཱ དྭིཀྑཏྟུཾ ཝཱ ཨུཔྤཛྫཏི, ཕལསམཱཔཏྟིཀཱལེ པན བཧུཀྑཏྟུཾ, ནིརོདྷཱ ཝུཊྛཧནྟསྶ དྭིཀྑཏྟུཾ ཨུཔྤཛྫཏི, སབྦམྤི ཧི ཏཾ པཡོགཔྤཊིཔྤསྶདྡྷཏྟཱ ཨུཔྤཛྫཏི། མགྒསྶེཏཾ ཕལནྟི ཕལཾ ཨཔེཀྑིཏྭཱ ནཔུཾསཀཝཙནཾ ཀཏཾ། སཀདཱགཱམིམགྒཀྑཎཱདཱིསུཔི ཨེཀེཀམགྒངྒཝསེནེཝ ཝུཊྛཱནཡོཛནཱ ཝེདིཏབྦཱ།
63. Phalañāṇaniddese taṃpayogappaṭippassaddhattāti tassa ajjhattabahiddhā vuṭṭhānapayogassa paṭippassaddhattā. Maggo hi sakakkhaṇe kilesappahānena ubhato vuṭṭhānapayogaṃ karoti nāma, phalakkhaṇe kilesānaṃ pahīnattā maggassa ubhato vuṭṭhānapayogo paṭippassaddho vūpasanto nāma hoti. Uppajjatīti maggānantaraṃ sakiṃ vā dvikkhattuṃ vā uppajjati, phalasamāpattikāle pana bahukkhattuṃ, nirodhā vuṭṭhahantassa dvikkhattuṃ uppajjati, sabbampi hi taṃ payogappaṭippassaddhattā uppajjati. Maggassetaṃ phalanti phalaṃ apekkhitvā napuṃsakavacanaṃ kataṃ. Sakadāgāmimaggakkhaṇādīsupi ekekamaggaṅgavaseneva vuṭṭhānayojanā veditabbā.
ཕལཉཱཎནིདྡེསཝཎྞནཱ ནིཊྛིཏཱ།
Phalañāṇaniddesavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཁུདྡཀནིཀཱཡ • Khuddakanikāya / པཊིསམྦྷིདཱམགྒཔཱལི༹ • Paṭisambhidāmaggapāḷi / ༡༢. ཕལཉཱཎནིདྡེསོ • 12. Phalañāṇaniddeso
