| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೫. ಫಲದಾಯಕತ್ಥೇರಅಪದಾನಂ
5. Phaladāyakattheraapadānaṃ
೨೦.
20.
‘‘ಭಾಗೀರಥೀನದೀತೀರೇ , ಅಹೋಸಿ ಅಸ್ಸಮೋ ತದಾ।
‘‘Bhāgīrathīnadītīre , ahosi assamo tadā;
ತಮಹಂ ಅಸ್ಸಮಂ ಗಚ್ಛಿಂ, ಫಲಹತ್ಥೋ ಅಪೇಕ್ಖವಾ॥
Tamahaṃ assamaṃ gacchiṃ, phalahattho apekkhavā.
೨೧.
21.
‘‘ವಿಪಸ್ಸಿಂ ತತ್ಥ ಅದ್ದಕ್ಖಿಂ, ಪೀತರಂಸಿಂವ ಭಾಣುಮಂ।
‘‘Vipassiṃ tattha addakkhiṃ, pītaraṃsiṃva bhāṇumaṃ;
ಯಂ ಮೇ ಅತ್ಥಿ ಫಲಂ ಸಬ್ಬಂ, ಅದಾಸಿಂ ಸತ್ಥುನೋ ಅಹಂ॥
Yaṃ me atthi phalaṃ sabbaṃ, adāsiṃ satthuno ahaṃ.
೨೨.
22.
‘‘ಏಕನವುತಿತೋ ಕಪ್ಪೇ, ಯಂ ಫಲಂ ಅದದಿಂ ತದಾ।
‘‘Ekanavutito kappe, yaṃ phalaṃ adadiṃ tadā;
ದುಗ್ಗತಿಂ ನಾಭಿಜಾನಾಮಿ, ಫಲದಾನಸ್ಸಿದಂ ಫಲಂ॥
Duggatiṃ nābhijānāmi, phaladānassidaṃ phalaṃ.
೨೩.
23.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಫಲದಾಯಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā phaladāyako thero imā gāthāyo abhāsitthāti.
ಫಲದಾಯಕತ್ಥೇರಸ್ಸಾಪದಾನಂ ಪಞ್ಚಮಂ।
Phaladāyakattherassāpadānaṃ pañcamaṃ.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೧-೧೦. ಪದುಮಕೇಸರಿಯತ್ಥೇರಅಪದಾನಾದಿವಣ್ಣನಾ • 1-10. Padumakesariyattheraapadānādivaṇṇanā
