| Library / Tipiṭaka / တိပိဋက • Tipiṭaka / အပဒာနပာဠိ • Apadānapāḷi |
၅. ဖလဒာယကတ္ထေရအပဒာနံ
5. Phaladāyakattheraapadānaṃ
၂၀.
20.
‘‘ဘာဂီရထီနဒီတီရေ ၊ အဟောသိ အသ္သမော တဒာ။
‘‘Bhāgīrathīnadītīre , ahosi assamo tadā;
တမဟံ အသ္သမံ ဂစ္ဆိံ၊ ဖလဟတ္ထော အပေက္ခဝာ။
Tamahaṃ assamaṃ gacchiṃ, phalahattho apekkhavā.
၂၁.
21.
‘‘ဝိပသ္သိံ တတ္ထ အဒ္ဒက္ခိံ၊ ပီတရံသိံဝ ဘာဏုမံ။
‘‘Vipassiṃ tattha addakkhiṃ, pītaraṃsiṃva bhāṇumaṃ;
ယံ မေ အတ္ထိ ဖလံ သဗ္ဗံ၊ အဒာသိံ သတ္ထုနော အဟံ။
Yaṃ me atthi phalaṃ sabbaṃ, adāsiṃ satthuno ahaṃ.
၂၂.
22.
‘‘ဧကနဝုတိတော ကပ္ပေ၊ ယံ ဖလံ အဒဒိံ တဒာ။
‘‘Ekanavutito kappe, yaṃ phalaṃ adadiṃ tadā;
ဒုဂ္ဂတိံ နာဘိဇာနာမိ၊ ဖလဒာနသ္သိဒံ ဖလံ။
Duggatiṃ nābhijānāmi, phaladānassidaṃ phalaṃ.
၂၃.
23.
‘‘ပဋိသမ္ဘိဒာ စတသ္သော။ပေ.။ ကတံ ဗုဒ္ဓသ္သ သာသနံ’’။
‘‘Paṭisambhidā catasso…pe… kataṃ buddhassa sāsanaṃ’’.
ဣတ္ထံ သုဒံ အာယသ္မာ ဖလဒာယကော ထေရော ဣမာ ဂာထာယော အဘာသိတ္ထာတိ။
Itthaṃ sudaṃ āyasmā phaladāyako thero imā gāthāyo abhāsitthāti.
ဖလဒာယကတ္ထေရသ္သာပဒာနံ ပဉ္စမံ။
Phaladāyakattherassāpadānaṃ pañcamaṃ.
Related texts:
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / ခုဒ္ဒကနိကာယ (အဋ္ဌကထာ) • Khuddakanikāya (aṭṭhakathā) / အပဒာန-အဋ္ဌကထာ • Apadāna-aṭṭhakathā / ၁-၁၀. ပဒုမကေသရိယတ္ထေရအပဒာနာဒိဝဏ္ဏနာ • 1-10. Padumakesariyattheraapadānādivaṇṇanā
