| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
7. ப²லதா³யகத்தே²ரஅபதா³னங்
7. Phaladāyakattheraapadānaṃ
75.
75.
‘‘அஜ்ஜா²யகோ மந்தத⁴ரோ, திண்ணங் வேதா³ன பாரகூ³;
‘‘Ajjhāyako mantadharo, tiṇṇaṃ vedāna pāragū;
ஹிமவந்தஸ்ஸாவிதூ³ரே, வஸாமி அஸ்ஸமே அஹங்.
Himavantassāvidūre, vasāmi assame ahaṃ.
76.
76.
‘‘அக்³கி³ஹுத்தஞ்ச மே அத்தி², புண்ட³ரீகப²லானி ச;
‘‘Aggihuttañca me atthi, puṇḍarīkaphalāni ca;
புடகே நிக்கி²பித்வான, து³மக்³கே³ லக்³கி³தங் மயா.
Puṭake nikkhipitvāna, dumagge laggitaṃ mayā.
77.
77.
‘‘பது³முத்தரோ லோகவிதூ³, ஆஹுதீனங் படிக்³க³ஹோ;
‘‘Padumuttaro lokavidū, āhutīnaṃ paṭiggaho;
மமுத்³த⁴ரிதுகாமோ ஸோ, பி⁴க்க²ந்தோ மமுபாக³மி.
Mamuddharitukāmo so, bhikkhanto mamupāgami.
78.
78.
‘‘பஸன்னசித்தோ ஸுமனோ, ப²லங் பு³த்³த⁴ஸ்ஸதா³ஸஹங்;
‘‘Pasannacitto sumano, phalaṃ buddhassadāsahaṃ;
வித்திஸஞ்ஜனநோ மய்ஹங், தி³ட்ட²த⁴ம்மஸுகா²வஹோ.
Vittisañjanano mayhaṃ, diṭṭhadhammasukhāvaho.
79.
79.
‘‘ஸுவண்ணவண்ணோ ஸம்பு³த்³தோ⁴, ஆஹுதீனங் படிக்³க³ஹோ;
‘‘Suvaṇṇavaṇṇo sambuddho, āhutīnaṃ paṭiggaho;
அந்தலிக்கே² டி²தோ ஸத்தா², இமங் கா³த²ங் அபா⁴ஸத².
Antalikkhe ṭhito satthā, imaṃ gāthaṃ abhāsatha.
80.
80.
‘‘‘இமினா ப²லதா³னேன, சேதனாபணிதீ⁴ஹி ச;
‘‘‘Iminā phaladānena, cetanāpaṇidhīhi ca;
கப்பானங் ஸதஸஹஸ்ஸங், து³க்³க³திங் நுபபஜ்ஜஸி’.
Kappānaṃ satasahassaṃ, duggatiṃ nupapajjasi’.
81.
81.
‘‘தேனேவ ஸுக்கமூலேன, அனுபொ⁴த்வான ஸம்பதா³;
‘‘Teneva sukkamūlena, anubhotvāna sampadā;
பத்தொம்ஹி அசலங் டா²னங், ஹித்வா ஜயபராஜயங்.
Pattomhi acalaṃ ṭhānaṃ, hitvā jayaparājayaṃ.
82.
82.
‘‘இதோ ஸத்தஸதே கப்பே, ராஜா ஆஸிங் ஸுமங்க³லோ;
‘‘Ito sattasate kappe, rājā āsiṃ sumaṅgalo;
ஸத்தரதனஸம்பன்னோ சக்கவத்தீ மஹப்³ப³லோ.
Sattaratanasampanno cakkavattī mahabbalo.
83.
83.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா ப²லதா³யகோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā phaladāyako thero imā gāthāyo abhāsitthāti.
ப²லதா³யகத்தே²ரஸ்ஸாபதா³னங் ஸத்தமங்.
Phaladāyakattherassāpadānaṃ sattamaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 7. ப²லதா³யகத்தே²ரஅபதா³னவண்ணனா • 7. Phaladāyakattheraapadānavaṇṇanā
