| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೨. ಫಗ್ಗುನಸುತ್ತವಣ್ಣನಾ
2. Phaggunasuttavaṇṇanā
೫೬. ದುತಿಯೇ ಸಮಧೋಸೀತಿ ಉಟ್ಠಾನಾಕಾರಂ ದಸ್ಸೇಸಿ। ಪಟಿಕ್ಕಮನ್ತೀತಿ ಪರಿಹಾಯನ್ತಿ। ನೋ ಅಭಿಕ್ಕಮನ್ತೀತಿ ನ ವಡ್ಢನ್ತಿ। ಸೀಸವೇಠನಂ ದದೇಯ್ಯಾತಿ ಸೀಸಂ ವೇಠೇತ್ವಾ ದಣ್ಡಕೇನ ಸಮ್ಪರಿವತ್ತಕಂ ಬನ್ಧೇಯ್ಯ। ಇನ್ದ್ರಿಯಾನಿ ವಿಪ್ಪಸೀದಿಂಸೂತಿ ತಸ್ಮಿಂ ಮರಣಸಮಯೇ ಛ ಇನ್ದ್ರಿಯಾನಿ ವಿಪ್ಪಸನ್ನಾನಿ ಅಹೇಸುಂ। ಅತ್ಥುಪಪರಿಕ್ಖಾಯಾತಿ ಅತ್ಥಾನತ್ಥಂ ಕಾರಣಾಕಾರಣಂ ಉಪಪರಿಕ್ಖನೇ। ಅನುತ್ತರೇ ಉಪಧಿಸಙ್ಖಯೇತಿ ನಿಬ್ಬಾನೇ। ಅವಿಮುತ್ತಂ ಹೋತೀತಿ ಅರಹತ್ತಫಲೇನ ಅಧಿಮುತ್ತಂ ಹೋತಿ।
56. Dutiye samadhosīti uṭṭhānākāraṃ dassesi. Paṭikkamantīti parihāyanti. No abhikkamantīti na vaḍḍhanti. Sīsaveṭhanaṃ dadeyyāti sīsaṃ veṭhetvā daṇḍakena samparivattakaṃ bandheyya. Indriyāni vippasīdiṃsūti tasmiṃ maraṇasamaye cha indriyāni vippasannāni ahesuṃ. Atthupaparikkhāyāti atthānatthaṃ kāraṇākāraṇaṃ upaparikkhane. Anuttare upadhisaṅkhayeti nibbāne. Avimuttaṃ hotīti arahattaphalena adhimuttaṃ hoti.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೨. ಫಗ್ಗುನಸುತ್ತಂ • 2. Phaggunasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೨. ಫಗ್ಗುನಸುತ್ತವಣ್ಣನಾ • 2. Phaggunasuttavaṇṇanā
