| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၂. ဖဂ္ဂုနသုတ္တဝဏ္ဏနာ
2. Phaggunasuttavaṇṇanā
၅၆. ဒုတိယေ သမဓောသီတိ ဥဋ္ဌာနာကာရံ ဒသ္သေသိ။ ပဋိက္ကမန္တီတိ ပရိဟာယန္တိ။ နော အဘိက္ကမန္တီတိ န ဝဍ္ဎန္တိ။ သီသဝေဌနံ ဒဒေယ္ယာတိ သီသံ ဝေဌေတ္ဝာ ဒဏ္ဍကေန သမ္ပရိဝတ္တကံ ဗန္ဓေယ္ယ။ ဣန္ဒ္ရိယာနိ ဝိပ္ပသီဒိံသူတိ တသ္မိံ မရဏသမယေ ဆ ဣန္ဒ္ရိယာနိ ဝိပ္ပသန္နာနိ အဟေသုံ။ အတ္ထုပပရိက္ခာယာတိ အတ္ထာနတ္ထံ ကာရဏာကာရဏံ ဥပပရိက္ခနေ။ အနုတ္တရေ ဥပဓိသင္ခယေတိ နိဗ္ဗာနေ။ အဝိမုတ္တံ ဟောတီတိ အရဟတ္တဖလေန အဓိမုတ္တံ ဟောတိ။
56. Dutiye samadhosīti uṭṭhānākāraṃ dassesi. Paṭikkamantīti parihāyanti. No abhikkamantīti na vaḍḍhanti. Sīsaveṭhanaṃ dadeyyāti sīsaṃ veṭhetvā daṇḍakena samparivattakaṃ bandheyya. Indriyāni vippasīdiṃsūti tasmiṃ maraṇasamaye cha indriyāni vippasannāni ahesuṃ. Atthupaparikkhāyāti atthānatthaṃ kāraṇākāraṇaṃ upaparikkhane. Anuttare upadhisaṅkhayeti nibbāne. Avimuttaṃ hotīti arahattaphalena adhimuttaṃ hoti.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၂. ဖဂ္ဂုနသုတ္တံ • 2. Phaggunasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၂. ဖဂ္ဂုနသုတ္တဝဏ္ဏနာ • 2. Phaggunasuttavaṇṇanā
