| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૨. ફગ્ગુનસુત્તવણ્ણના
2. Phaggunasuttavaṇṇanā
૫૬. દુતિયે સમધોસીતિ સમન્તતો અધોસિ. સબ્બભાગેન પરિફન્દનચલનાકારેન અપચિતિં દસ્સેતિ. વત્તં કિરેતં બાળ્હગિલાનેનપિ વુડ્ઢતરં દિસ્વા ઉટ્ઠિતાકારેન અપચિતિ દસ્સેતબ્બા. તેન પન ‘‘મા ચલિ મા ચલી’’તિ વત્તબ્બો, તં પન ચલનં ઉટ્ઠાનાકારદસ્સનં હોતીતિ આહ ‘‘ઉટ્ઠાનાકારં દસ્સેતી’’તિ. સન્તિમાનિ આસનાનીતિ પઠમમેવ પઞ્ઞત્થાસનં સન્ધાય વદતિ. બુદ્ધકાલસ્મિઞ્હિ એકસ્સપિ ભિક્ખુનો વસનટ્ઠાને – ‘‘સચે સત્થા આગચ્છિસ્સતિ, આસનં પઞ્ઞત્તમેવ હોતૂ’’તિ અન્તમસો ફલકમત્તમ્પિ પણ્ણસન્થારમત્તમ્પિ પઞ્ઞત્તમેવ. ખમનીયં યાપનીયન્તિ કચ્ચિ દુક્ખં ખમિતું, ઇરિયાપથં વા યાપેતું સક્કાતિ પુચ્છતિ. સીસવેદનાતિ કુતોચિ નિક્ખમિતું અલભમાનેહિ વાતેહિ સમુટ્ઠાપિતા બલવતિયો સીસવેદના હોન્તિ.
56. Dutiye samadhosīti samantato adhosi. Sabbabhāgena pariphandanacalanākārena apacitiṃ dasseti. Vattaṃ kiretaṃ bāḷhagilānenapi vuḍḍhataraṃ disvā uṭṭhitākārena apaciti dassetabbā. Tena pana ‘‘mā cali mā calī’’ti vattabbo, taṃ pana calanaṃ uṭṭhānākāradassanaṃ hotīti āha ‘‘uṭṭhānākāraṃ dassetī’’ti. Santimāni āsanānīti paṭhamameva paññatthāsanaṃ sandhāya vadati. Buddhakālasmiñhi ekassapi bhikkhuno vasanaṭṭhāne – ‘‘sace satthā āgacchissati, āsanaṃ paññattameva hotū’’ti antamaso phalakamattampi paṇṇasanthāramattampi paññattameva. Khamanīyaṃ yāpanīyanti kacci dukkhaṃ khamituṃ, iriyāpathaṃ vā yāpetuṃ sakkāti pucchati. Sīsavedanāti kutoci nikkhamituṃ alabhamānehi vātehi samuṭṭhāpitā balavatiyo sīsavedanā honti.
ફગ્ગુનસુત્તવણ્ણના નિટ્ઠિતા.
Phaggunasuttavaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૨. ફગ્ગુનસુત્તં • 2. Phaggunasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૨. ફગ્ગુનસુત્તવણ્ણના • 2. Phaggunasuttavaṇṇanā
