| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੩. ਪੇਸਲਸੁਤ੍ਤવਣ੍ਣਨਾ
3. Pesalasuttavaṇṇanā
੨੧੧. ਏਤੇਸਨ੍ਤਿ ਏਤੇਸਂ ਮਹਲ੍ਲਕਾਨਂ। ਨ ਪਾਲ਼ਿ ਆਗਚ੍ਛਤਿ ਅਪ੍ਪਗੁਣਭਾવਤੋ। ਨ ਚ ਪਾਲ਼ਿ ਉਪਟ੍ਠਾਤਿ, ਏਕਾਯ ਪਾਲ਼ਿਯਾ ਸਤਿ ਪਾਲ਼ਿਗਤਿਯਾ ਤਥਾ ਤਥਾ ਉਪਟ੍ਠਾਨਮ੍ਪਿ ਨੇਸਂ ਨਤ੍ਥੀਤਿ વਦਤਿ। ਨ ਅਟ੍ਠਕਥਾਤਿ ਏਤ੍ਥਾਪਿ ਏਸੇવ ਨਯੋ। ਸਿਥਿਲਧਨਿਤਾਦਿਤਂਤਂਬ੍ਯਞ੍ਜਨਬੁਦ੍ਧਿਂ ਅਹਾਪੇਤ੍વਾ ਉਚ੍ਚਾਰਣਂ ਪਦਬ੍ਯਞ੍ਜਨਮਧੁਰਤਾ। ਅਤਿਕ੍ਕਮਿਤ੍વਾ ਮਞ੍ਞਤਿ ਅਞ੍ਞੇ ਭਿਕ੍ਖੂ। ਹੀਲ਼ਨવਸੇਨ ਅਭਿਭવਿਤ੍વਾ ਪਟਿਭਾਨਸੁਤੇਨ ਅਤ੍ਤਾਨਂ ਪਸਂਸਤਿ ਸਮ੍ਭਾવੇਤਿ। ਮਾਨਸ੍ਸ ਪવਤ੍ਤਿਤਾਯ ਸਹਜਾਤਨਿਸ੍ਸਯਾਦਿਪਚ੍ਚਯਧਮ੍ਮਾ ਤਂਸਹਭੁਧਮ੍ਮਾ। ਮਾਨવਸੇਨ વਿਪ੍ਪਟਿਸਾਰੀ ਅਹੁવਾ। ਮਾ ਅਹੋਸੀਤਿ ਯੋਜਨਾ। વਣ੍ਣਭਣਨਨ੍ਤਿ ਪਰੇਹਿ ਕਿਰਿਯਮਾਨਂ ਗੁਣਾਭਿਤ੍ਥવਂ। ਅਖਿਲੋਤਿ ਪਞ੍ਚਚੇਤੋਖਿਲਰਹਿਤੋ। ਨਿਸ੍ਸੇਸਂ ਨવવਿਧਨ੍ਤਿ ਨવવਿਧਮ੍ਪਿ ਮਾਨਂ ਕਸ੍ਸਚਿ ਏਕਦੇਸਸ੍ਸਪਿ ਅਸੇਸਤੋ। વਿਜ੍ਜਾਯਾਤਿ ਅਗ੍ਗਮਗ੍ਗવਿਜ੍ਜਾਯ। ਅਚ੍ਚਨ੍ਤਮੇવ ਸਮਿਤਤਾਯ વੂਪਸਮਿਤਤਾਯ ਸਮਿਤਾવੀ।
211.Etesanti etesaṃ mahallakānaṃ. Na pāḷi āgacchati appaguṇabhāvato. Na ca pāḷi upaṭṭhāti, ekāya pāḷiyā sati pāḷigatiyā tathā tathā upaṭṭhānampi nesaṃ natthīti vadati. Na aṭṭhakathāti etthāpi eseva nayo. Sithiladhanitāditaṃtaṃbyañjanabuddhiṃ ahāpetvā uccāraṇaṃ padabyañjanamadhuratā. Atikkamitvā maññati aññe bhikkhū. Hīḷanavasena abhibhavitvā paṭibhānasutena attānaṃ pasaṃsati sambhāveti. Mānassa pavattitāya sahajātanissayādipaccayadhammā taṃsahabhudhammā. Mānavasena vippaṭisārī ahuvā. Mā ahosīti yojanā. Vaṇṇabhaṇananti parehi kiriyamānaṃ guṇābhitthavaṃ. Akhiloti pañcacetokhilarahito. Nissesaṃ navavidhanti navavidhampi mānaṃ kassaci ekadesassapi asesato. Vijjāyāti aggamaggavijjāya. Accantameva samitatāya vūpasamitatāya samitāvī.
ਪੇਸਲਸੁਤ੍ਤવਣ੍ਣਨਾ ਨਿਟ੍ਠਿਤਾ।
Pesalasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੩. ਪੇਸਲਸੁਤ੍ਤਂ • 3. Pesalasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੩. ਪੇਸਲਸੁਤ੍ਤવਣ੍ਣਨਾ • 3. Pesalasuttavaṇṇanā
