| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៣. បេសលសុត្តវណ្ណនា
3. Pesalasuttavaṇṇanā
២១១. ឯតេសន្តិ ឯតេសំ មហល្លកានំ។ ន បាឡិ អាគច្ឆតិ អប្បគុណភាវតោ។ ន ច បាឡិ ឧបដ្ឋាតិ, ឯកាយ បាឡិយា សតិ បាឡិគតិយា តថា តថា ឧបដ្ឋានម្បិ នេសំ នត្ថីតិ វទតិ។ ន អដ្ឋកថាតិ ឯត្ថាបិ ឯសេវ នយោ។ សិថិលធនិតាទិតំតំព្យញ្ជនពុទ្ធិំ អហាបេត្វា ឧច្ចារណំ បទព្យញ្ជនមធុរតា។ អតិក្កមិត្វា មញ្ញតិ អញ្ញេ ភិក្ខូ។ ហីឡនវសេន អភិភវិត្វា បដិភានសុតេន អត្តានំ បសំសតិ សម្ភាវេតិ។ មានស្ស បវត្តិតាយ សហជាតនិស្សយាទិបច្ចយធម្មា តំសហភុធម្មា។ មានវសេន វិប្បដិសារី អហុវា។ មា អហោសីតិ យោជនា។ វណ្ណភណនន្តិ បរេហិ កិរិយមានំ គុណាភិត្ថវំ។ អខិលោតិ បញ្ចចេតោខិលរហិតោ។ និស្សេសំ នវវិធន្តិ នវវិធម្បិ មានំ កស្សចិ ឯកទេសស្សបិ អសេសតោ។ វិជ្ជាយាតិ អគ្គមគ្គវិជ្ជាយ។ អច្ចន្តមេវ សមិតតាយ វូបសមិតតាយ សមិតាវី។
211.Etesanti etesaṃ mahallakānaṃ. Na pāḷi āgacchati appaguṇabhāvato. Na ca pāḷi upaṭṭhāti, ekāya pāḷiyā sati pāḷigatiyā tathā tathā upaṭṭhānampi nesaṃ natthīti vadati. Na aṭṭhakathāti etthāpi eseva nayo. Sithiladhanitāditaṃtaṃbyañjanabuddhiṃ ahāpetvā uccāraṇaṃ padabyañjanamadhuratā. Atikkamitvā maññati aññe bhikkhū. Hīḷanavasena abhibhavitvā paṭibhānasutena attānaṃ pasaṃsati sambhāveti. Mānassa pavattitāya sahajātanissayādipaccayadhammā taṃsahabhudhammā. Mānavasena vippaṭisārī ahuvā. Mā ahosīti yojanā. Vaṇṇabhaṇananti parehi kiriyamānaṃ guṇābhitthavaṃ. Akhiloti pañcacetokhilarahito. Nissesaṃ navavidhanti navavidhampi mānaṃ kassaci ekadesassapi asesato. Vijjāyāti aggamaggavijjāya. Accantameva samitatāya vūpasamitatāya samitāvī.
បេសលសុត្តវណ្ណនា និដ្ឋិតា។
Pesalasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៣. បេសលសុត្តំ • 3. Pesalasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៣. បេសលសុត្តវណ្ណនា • 3. Pesalasuttavaṇṇanā
