| Library / Tipiṭaka / তিপিটক • Tipiṭaka / সংযুত্তনিকায (অট্ঠকথা) • Saṃyuttanikāya (aṭṭhakathā) |
৩. পেসলসুত্তৰণ্ণনা
3. Pesalasuttavaṇṇanā
২১১. ততিযে অতিমঞ্ঞতীতি ‘‘কিং ইমে মহল্লকা? ন এতেসং পাল়ি, ন অট্ঠকথা, ন পদব্যঞ্জনমধুরতা, অম্হাকং পন পাল়িপি অট্ঠকথাপি নযসতেন নযসহস্সেন উপট্ঠাতী’’তি অতিক্কমিত্ৰা মঞ্ঞতি। গোতমাতি গোতমবুদ্ধসাৰকত্তা অত্তানং আলপতি। মানপথন্তি মানারম্মণঞ্চেৰ মানসহভুনো চ ধম্মে। ৰিপ্পটিসারীহুৰাতি ৰিপ্পটিসারী অহুৰা, অহোসীতি অত্থো। মগ্গজিনোতি মগ্গেন জিতকিলেসো। কিত্তিঞ্চ সুখঞ্চাতি ৰণ্ণভণনঞ্চ কাযিকচেতসিকসুখঞ্চ। অখিলোধ পধানৰাতি অখিলো ইধ পধানৰা ৰীরিযসম্পন্নো। ৰিসুদ্ধোতি ৰিসুদ্ধো ভৰেয্য। অসেসন্তি নিস্সেসং নৰৰিধং। ৰিজ্জাযন্তকরোতি ৰিজ্জায কিলেসানং অন্তকরো। সমিতাৰীতি রাগাদীনং সমিততায সমিতাৰী। ততিযং।
211. Tatiye atimaññatīti ‘‘kiṃ ime mahallakā? Na etesaṃ pāḷi, na aṭṭhakathā, na padabyañjanamadhuratā, amhākaṃ pana pāḷipi aṭṭhakathāpi nayasatena nayasahassena upaṭṭhātī’’ti atikkamitvā maññati. Gotamāti gotamabuddhasāvakattā attānaṃ ālapati. Mānapathanti mānārammaṇañceva mānasahabhuno ca dhamme. Vippaṭisārīhuvāti vippaṭisārī ahuvā, ahosīti attho. Maggajinoti maggena jitakileso. Kittiñca sukhañcāti vaṇṇabhaṇanañca kāyikacetasikasukhañca. Akhilodha padhānavāti akhilo idha padhānavā vīriyasampanno. Visuddhoti visuddho bhaveyya. Asesanti nissesaṃ navavidhaṃ. Vijjāyantakaroti vijjāya kilesānaṃ antakaro. Samitāvīti rāgādīnaṃ samitatāya samitāvī. Tatiyaṃ.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৩. পেসলসুত্তং • 3. Pesalasuttaṃ
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ৩. পেসলসুত্তৰণ্ণনা • 3. Pesalasuttavaṇṇanā
