| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
45. бавааран̣аанид̣̇д̣̇зсаван̣н̣анаа
45. Pavāraṇāniddesavaṇṇanā
433. ‘‘ан̃н̃аман̃н̃аббавааран̣аа’’д̇яаад̣̇ийнам̣ ан̃н̃аман̃н̃зхи гаад̇аб̣б̣аа бавааран̣аа. д̇ад̇т̇а д̇ин̣н̣ам̣ жад̇уннан̃жа г̇ан̣ан̃ад̇д̇им̣ табзд̇ваа ан̃н̃аман̃н̃аббавааран̣аа, д̣̇виннам̣ бана адтабзд̇ваава. ад̇хидтаананд̇и ад̇хидтаанаббавааран̣аа, яубажжаяанд̇аанам̣ бхаавз нияад̇анабум̣сагад̇д̇аа ‘‘ад̇хидтаана’’нд̇и вуд̇д̇ам̣. сзсаа бан̃жаад̣̇ийхи гаад̇аб̣б̣аа авасзсаа сан̇гхаббавааран̣аа сан̇гхавасзна н̃ад̇д̇им̣ табзд̇ваа гаад̇аб̣б̣аа. зд̇зна навасу сан̇гхаббавааран̣аад̣̇аяо д̇иссо д̣̇ассид̇аа. нава хи бавааран̣аа жаад̇уд̣̇д̣̇асий баннарасий саамаг̇г̇ийд̇и д̣̇ивасавасзна, д̇зваажий д̣̇взваажий згаваажийд̇и гад̇д̇аб̣б̣аагааравасзна, сан̇гхз бавааран̣аа, г̇ан̣з бавааран̣аа, буг̇г̇алз бавааран̣аад̇и гаарагавасзна жа. д̇ад̇т̇а буримавассам̣вуд̇т̇аанам̣ буб̣б̣агад̇д̇игабун̣н̣амаа ваа д̇зсам̣язва сажз бхан̣д̣анагаарагзхи убад̣̇д̣̇уд̇аа бавааран̣ам̣ бажжуггад̣дханд̇и, ат̇а гад̇д̇игамаасасса гаал̣абагкажаад̇уд̣̇д̣̇асо ваа бажчимагад̇д̇игабун̣н̣амаа ваа бажчимавассам̣вуд̇т̇аанан̃жа бажчимагад̇д̇игабун̣н̣амаа зва ваа бавааран̣аад̣̇ивасаа хонд̇и. ид̣̇ам̣ бана багад̇ижаарид̇д̇ам̣. д̇ат̇ааруубаббажжаяз сад̇и д̣̇виннам̣ гад̇д̇игабун̣н̣амаанам̣ буримзсу жаад̇уд̣̇д̣̇асзсуби бавааран̣ам̣ гаад̇ум̣ ваддад̇и. бхиннасса бана сан̇гхасса саамаг̇г̇ияам̣ яо гожи д̣̇ивасо бавааран̣аад̣̇ивасо ход̇и. имаа д̣̇ивасавасзна д̇иссо бавааран̣аа. гад̇д̇аб̣б̣аагааравасзна бана вагкамаананаязна вин̃н̃аад̇аб̣б̣аа.
433.‘‘Aññamaññappavāraṇā’’tyādīnaṃ aññamaññehi kātabbā pavāraṇā. Tattha tiṇṇaṃ catunnañca gaṇañattiṃ ṭhapetvā aññamaññappavāraṇā, dvinnaṃ pana aṭṭhapetvāva. Adhiṭṭhānanti adhiṭṭhānappavāraṇā, yupaccayantānaṃ bhāve niyatanapuṃsakattā ‘‘adhiṭṭhāna’’nti vuttaṃ. Sesā pañcādīhi kātabbā avasesā saṅghappavāraṇā saṅghavasena ñattiṃ ṭhapetvā kātabbā. Etena navasu saṅghappavāraṇādayo tisso dassitā. Nava hi pavāraṇā cātuddasī pannarasī sāmaggīti divasavasena, tevācī dvevācī ekavācīti kattabbākāravasena, saṅghe pavāraṇā, gaṇe pavāraṇā, puggale pavāraṇāti kārakavasena ca. Tattha purimavassaṃvutthānaṃ pubbakattikapuṇṇamā vā tesaṃyeva sace bhaṇḍanakārakehi upaddutā pavāraṇaṃ paccukkaḍḍhanti, atha kattikamāsassa kāḷapakkhacātuddaso vā pacchimakattikapuṇṇamā vā pacchimavassaṃvutthānañca pacchimakattikapuṇṇamā eva vā pavāraṇādivasā honti. Idaṃ pana pakaticārittaṃ. Tathārūpappaccaye sati dvinnaṃ kattikapuṇṇamānaṃ purimesu cātuddasesupi pavāraṇaṃ kātuṃ vaṭṭati. Bhinnassa pana saṅghassa sāmaggiyaṃ yo koci divaso pavāraṇādivaso hoti. Imā divasavasena tisso pavāraṇā. Kattabbākāravasena pana vakkhamānanayena viññātabbā.
434. ‘‘буб̣б̣агижжз’’д̇иаад̣̇ийсу –
434.‘‘Pubbakicce’’tiādīsu –
‘‘саммаж̇ж̇аний бад̣̇ийбо жа, уд̣̇агам̣ аасанзна жа;
‘‘Sammajjanī padīpo ca, udakaṃ āsanena ca;
бавааран̣ааяа зд̇аани, буб̣б̣агаран̣анд̇и вужжад̇и.
Pavāraṇāya etāni, pubbakaraṇanti vuccati.
‘‘чанд̣̇аббавааран̣аа уд̇угкаанам̣, бхигкуг̇ан̣анаа жа оваад̣̇о;
‘‘Chandappavāraṇā utukkhānaṃ, bhikkhugaṇanā ca ovādo;
бавааран̣ааяа зд̇аани, буб̣б̣агижжанд̇и вужжад̇и.
Pavāraṇāya etāni, pubbakiccanti vuccati.
‘‘бавааран̣аа яаавад̇игаа жа бхигкуу гаммаббад̇д̇аа,
‘‘Pavāraṇā yāvatikā ca bhikkhū kammappattā,
сабхааг̇аабад̇д̇ияо жа на виж̇ж̇анд̇и;
Sabhāgāpattiyo ca na vijjanti;
важ̇ж̇анийяаа жа буг̇г̇алаа д̇асмим̣ на хонд̇и,
Vajjanīyā ca puggalā tasmiṃ na honti,
бад̇д̇агалланд̇и вужжад̇ий’’д̇и. –
Pattakallanti vuccatī’’ti. –
звам̣ адтагат̇ааяам̣ вуд̇д̇аа буб̣б̣агижжаад̣̇аяо взд̣̇ид̇аб̣б̣аа. н̃ад̇д̇инд̇и ид̣̇аани вагкамаанам̣ сааман̃н̃ам̣ сан̇гхан̃ад̇д̇им̣. звам̣ бана н̃ад̇д̇ияаа табид̇ааяа гааран̣з сад̇и д̇зваажигад̣̇взваажигазгаваажигасамаанавассигавасзнаби баваарзд̇ум̣ ваддад̇и. аяамзва бана н̃ад̇д̇и ‘‘сан̇гхо баваарзяяаа’’д̇и зд̇т̇а ‘‘сан̇гхо д̇зваажигам̣ баваарзяяа, сан̇гхо д̣̇взваажигам̣ баваарзяяа, сан̇гхо згаваажигам̣ баваарзяяа, сан̇гхо самаанавассигам̣ баваарзяяаа’’д̇иби табзд̇ум̣ ваддад̇и. жаад̇уд̣̇д̣̇асияам̣ бана саамаг̇г̇ияан̃жа ‘‘жаад̇уд̣̇д̣̇асий саамаг̇г̇ий’’д̇и вад̇д̇аб̣б̣ам̣.
Evaṃ aṭṭhakathāyaṃ vuttā pubbakiccādayo veditabbā. Ñattinti idāni vakkhamānaṃ sāmaññaṃ saṅghañattiṃ. Evaṃ pana ñattiyā ṭhapitāya kāraṇe sati tevācikadvevācikaekavācikasamānavassikavasenapi pavāretuṃ vaṭṭati. Ayameva pana ñatti ‘‘saṅgho pavāreyyā’’ti ettha ‘‘saṅgho tevācikaṃ pavāreyya, saṅgho dvevācikaṃ pavāreyya, saṅgho ekavācikaṃ pavāreyya, saṅgho samānavassikaṃ pavāreyyā’’tipi ṭhapetuṃ vaṭṭati. Cātuddasiyaṃ pana sāmaggiyañca ‘‘cātuddasī sāmaggī’’ti vattabbaṃ.
437. т̇зрзсу уггудигам̣ нисаж̇ж̇а баваарзнд̇зсу наво яаава саяам̣ баваарзд̇и, д̇аава уггудиго зва ажчад̇ууд̇и яож̇анаа. ажчад̇ууд̇и нисийд̣̇зяяа.
437. Theresu ukkuṭikaṃ nisajja pavārentesu navo yāva sayaṃ pavāreti, tāva ukkuṭiko eva acchatūti yojanā. Acchatūti nisīdeyya.
440-2. д̇хаммасаагажчаа жа галахо жаад̇и д̣̇ванд̣̇о. рад̇д̇ияаа кзбид̇абхаавад̇о д̇зваажигааяа огаасз асад̇и д̣̇асавид̇хз ваа анд̇арааяз сад̇и ‘‘сун̣аад̇у мз…бз… самаанавассигам̣ баваарзяяаа’’д̇и ануруубад̇о н̃ад̇д̇им̣ вад̇ваа яат̇аатабид̇ан̃ад̇д̇ияаа ануруубзна баваарзяяаад̇и самб̣анд̇хо взд̣̇ид̇аб̣б̣о. ануруубад̇од̇и ‘‘сун̣аад̇у мз…бз… д̣̇аанам̣ д̣̇знд̇зхи рад̇д̇и кзбид̇аа, сажз…бз… рад̇д̇и вибхааяиссад̇и, яад̣̇и сан̇гхасса бад̇д̇агалла’’нд̇иаад̣̇инаа д̇зна кзбид̇арад̇д̇ияаа ануруубзна. ‘‘сун̣аад̇у мз бханд̇з сан̇гхо, аяам̣ рааж̇анд̇арааяо, сажз сан̇гхо д̇зваажигам̣…бз… сан̇гхо бхависсад̇и, ат̇ааяам̣ рааж̇анд̇арааяо бхависсад̇и, яад̣̇и сан̇гхасса бад̇д̇агалла’’нд̇иаад̣̇инаа рааж̇анд̇арааяаад̣̇ийнам̣ ануруубзна ваад̇и ад̇т̇о. ‘‘ат̇ааяам̣ б̣рахмажарияанд̇арааяо бхависсад̇ий’’д̇и бана бзяяаалавасзна анд̇з вуд̇д̇ам̣ б̣рахмажарияанд̇арааяам̣ г̇ахзд̇ваа вуд̇д̇ам̣. ‘‘д̣̇взваажига’’нд̇иаад̣̇игам̣ бана висум̣ висум̣ вад̇д̇аб̣б̣амби лан̇гханаггамзна самбин̣д̣зд̇ваа вуд̇д̇ам̣. важанасамаяз бана ‘‘д̣̇взваажигам̣ баваарзяяа’’ижжаад̣̇инаа вад̇д̇аб̣б̣ам̣. ааг̇ажчзяяум̣ яад̣̇и самаааад̣̇игаа жаад̇и ‘‘ааг̇ажчзяяум̣ яад̣̇и самаа’’ижжаад̣̇аяо убосат̇з вуд̇д̇аа г̇аат̇ааяо жа. зд̇т̇аад̇и зд̇иссам̣ бавааран̣ааяам̣. аяамзва жа аахаран̣аггамо –
440-2. Dhammasākacchā ca kalaho cāti dvando. Rattiyā khepitabhāvato tevācikāya okāse asati dasavidhe vā antarāye sati ‘‘suṇātu me…pe… samānavassikaṃ pavāreyyā’’ti anurūpato ñattiṃ vatvā yathāṭhapitañattiyā anurūpena pavāreyyāti sambandho veditabbo. Anurūpatoti ‘‘suṇātu me…pe… dānaṃ dentehi ratti khepitā, sace…pe… ratti vibhāyissati, yadi saṅghassa pattakalla’’ntiādinā tena khepitarattiyā anurūpena. ‘‘Suṇātu me bhante saṅgho, ayaṃ rājantarāyo, sace saṅgho tevācikaṃ…pe… saṅgho bhavissati, athāyaṃ rājantarāyo bhavissati, yadi saṅghassa pattakalla’’ntiādinā rājantarāyādīnaṃ anurūpena vāti attho. ‘‘Athāyaṃ brahmacariyantarāyo bhavissatī’’ti pana peyyālavasena ante vuttaṃ brahmacariyantarāyaṃ gahetvā vuttaṃ. ‘‘Dvevācika’’ntiādikaṃ pana visuṃ visuṃ vattabbampi laṅghanakkamena sampiṇḍetvā vuttaṃ. Vacanasamaye pana ‘‘dvevācikaṃ pavāreyya’’iccādinā vattabbaṃ. Āgaccheyyuṃ yadi samāādikā cāti ‘‘āgaccheyyuṃ yadi samā’’iccādayo uposathe vuttā gāthāyo ca. Etthāti etissaṃ pavāraṇāyaṃ. Ayameva ca āharaṇakkamo –
ааг̇ажчзяяум̣ яад̣̇и самаа, баваарзнд̇зва т̇огигаа;
Āgaccheyyuṃ yadi samā, pavārenteva thokikā;
баваарид̇аа д̇з суббаваарид̇аа, ан̃н̃зхи жа баваарияам̣;
Pavāritā te suppavāritā, aññehi ca pavāriyaṃ;
баваарид̇зсу сагалаа-язгажжааяудтид̇ааяа ваа.
Pavāritesu sakalā-yekaccāyuṭṭhitāya vā.
баваарзяяун̃жа д̇з д̇зсам̣, санд̇игз б̣ахугаа сажз;
Pavāreyyuñca te tesaṃ, santike bahukā sace;
гад̇ваа саб̣б̣авигаббзсу, буб̣б̣агижжам̣ бунуд̣̇д̣̇исзд̇и.
Katvā sabbavikappesu, pubbakiccaṃ punuddiseti.
‘‘ааваасигаанам̣ баннарасо’’д̇иаад̣̇игаа г̇аат̇ааяо бана зд̇т̇ааби самаанаа.
‘‘Āvāsikānaṃ pannaraso’’tiādikā gāthāyo pana etthāpi samānā.
443. н̃ад̇д̇им̣ вад̇ваад̇и вагкамаанаг̇ан̣ан̃ад̇д̇им̣ вад̇ваа.
443.Ñattiṃ vatvāti vakkhamānagaṇañattiṃ vatvā.
444. самуд̣̇ийрияаад̇и ан̃н̃з д̣̇вз д̇аяо ваа вагкамаанаггамзна вад̇д̇аб̣б̣аа.
444.Samudīriyāti aññe dve tayo vā vakkhamānakkamena vattabbā.
446-8. гад̇д̇аб̣б̣ам̣ гад̇ваад̇и яож̇зд̇аб̣б̣ам̣. гад̇д̇аб̣б̣анд̇и буб̣б̣агижжаад̣̇игам̣. навзнаби ‘‘ахам̣ бханд̇з…бз… бадигариссаамий’’д̇и т̇зро ийрияод̇и яож̇зд̇аб̣б̣ам̣. званд̇и ид̣̇аани вагкамаанам̣ бараамасад̇и.
446-8. Kattabbaṃ katvāti yojetabbaṃ. Kattabbanti pubbakiccādikaṃ. Navenapi ‘‘ahaṃ bhante…pe… paṭikarissāmī’’ti thero īriyoti yojetabbaṃ. Evanti idāni vakkhamānaṃ parāmasati.
449. ‘‘яасми’’нд̇иаад̣̇и вуд̇д̇анаяад̇д̇аа уд̇д̇аанамзва.
449.‘‘Yasmi’’ntiādi vuttanayattā uttānameva.
450. г̇аат̇ааяод̇и ‘‘ваг̇г̇з самаг̇г̇з ваг̇г̇од̇и, сан̃н̃ино’’д̇иаад̣̇игаа хздтаа вуд̇д̇аг̇аат̇ааяо ваа. аяам̣ банзд̇т̇а висзсо – гарод̇од̇и зд̇т̇а бавааран̣ам̣ гарод̇од̇и ад̇т̇о г̇ахзд̇аб̣б̣о. д̇ад̇ияа г̇аат̇ааяа ‘‘баад̇имогкам̣ на уд̣̇д̣̇исз’’д̇и абанзд̇ваа ‘‘но гарзяяа бавааран̣а’’нд̇и бад̣̇ам̣ багкибид̇аб̣б̣ам̣. жад̇уд̇т̇аг̇аат̇ааяа ‘‘анубосат̇з’’д̇иаад̣̇иг̇аат̇ааб̣анд̇хам̣ абанзд̇ваа ‘‘нзва бавааран̣з гаад̇ум̣, саа габбад̇и бавааран̣аа’’д̇и багкибид̇аб̣б̣ам̣. бан̃жамаг̇аат̇ааяа ‘‘адтид̇обосат̇ааваасаа’’д̇и абанзд̇ваа ‘‘бавааран̣аатид̇ааваасаа’’д̇и багкибид̇аб̣б̣ам̣.
450.Gāthāyoti ‘‘vagge samagge vaggoti, saññino’’tiādikā heṭṭhā vuttagāthāyo vā. Ayaṃ panettha viseso – karototi ettha pavāraṇaṃ karototi attho gahetabbo. Tatiya gāthāya ‘‘pātimokkhaṃ na uddise’’ti apanetvā ‘‘no kareyya pavāraṇa’’nti padaṃ pakkhipitabbaṃ. Catutthagāthāya ‘‘anuposathe’’tiādigāthābandhaṃ apanetvā ‘‘neva pavāraṇe kātuṃ, sā kappati pavāraṇā’’ti pakkhipitabbaṃ. Pañcamagāthāya ‘‘aṭṭhitoposathāvāsā’’ti apanetvā ‘‘pavāraṇāṭhitāvāsā’’ti pakkhipitabbaṃ.
451. сан̇гхамхи баваарид̇зваад̇и буримавассуубаг̇ад̇з сан̇гхамхи баваарид̇з зва. баарисуд̣̇д̇хиубосат̇ам̣ гарзяяаад̇и на згасмим̣ убосат̇аг̇г̇з д̣̇вз н̃ад̇д̇ияо табзд̇аб̣б̣аад̇и ад̇хиббааяо. бажчимигааяа убаг̇анд̇ваа абаринидтид̇авассо авуд̇т̇о. анубааг̇ад̇од̇и вассам̣ анубааг̇ад̇о. аяамзд̇т̇аад̇хиббааяо – буримигааяа вассам̣ убаг̇ад̇аа бан̃жа ваа ад̇ирзгаа ваа бажчимигааяа убаг̇ад̇аа д̇зхи самаа ваа уунад̇араа ваа буримигааяа ваа убаг̇ад̇зхи бажчимигааяа убаг̇ад̇аа т̇огад̇араа жзва хонд̇и, сан̇гхаббавааран̣ааяа г̇ан̣ам̣ буурзнд̇и сан̇гхаббавааран̣аавасзна н̃ад̇д̇им̣ табзд̇ваа, ат̇а жа убхоби згад̇о худ̇ваа сан̇гхам̣ на буурзнд̇и, г̇ан̣ам̣ бана буурзнд̇и, г̇ан̣ан̃ад̇д̇им̣ табзд̇ваа баваарзд̇аб̣б̣ам̣, бажчаа д̇зсам̣ санд̇игз баарисуд̣̇д̇хиубосат̇о гаад̇аб̣б̣о. яад̣̇и бана буримигааяа зго, бажчимигааяа зго, згзна згасса санд̇игз баваарзд̇аб̣б̣ам̣, згзна баарисуд̣̇д̇хиубосат̇о гаад̇аб̣б̣о. сажз буримзхи вассуубаг̇ад̇зхи бажчаа вассуубаг̇ад̇аа згзнаби ад̇хигаа сан̇гхам̣ буурзнд̇и, батамам̣ баад̇имогкам̣ уд̣̇д̣̇исид̇ваа бажчаа д̇зсам̣ санд̇игз баваарзд̇аб̣б̣анд̇и. г̇ан̣зби зсзва наяо. звамубариби яат̇ааяог̇ам̣ жинд̇анийяам̣.
451.Saṅghamhi pavāritevāti purimavassūpagate saṅghamhi pavārite eva. Pārisuddhiuposathaṃ kareyyāti na ekasmiṃ uposathagge dve ñattiyo ṭhapetabbāti adhippāyo. Pacchimikāya upagantvā apariniṭṭhitavasso avuttho. Anupāgatoti vassaṃ anupāgato. Ayametthādhippāyo – purimikāya vassaṃ upagatā pañca vā atirekā vā pacchimikāya upagatā tehi samā vā ūnatarā vā purimikāya vā upagatehi pacchimikāya upagatā thokatarā ceva honti, saṅghappavāraṇāya gaṇaṃ pūrenti saṅghappavāraṇāvasena ñattiṃ ṭhapetvā, atha ca ubhopi ekato hutvā saṅghaṃ na pūrenti, gaṇaṃ pana pūrenti, gaṇañattiṃ ṭhapetvā pavāretabbaṃ, pacchā tesaṃ santike pārisuddhiuposatho kātabbo. Yadi pana purimikāya eko, pacchimikāya eko, ekena ekassa santike pavāretabbaṃ, ekena pārisuddhiuposatho kātabbo. Sace purimehi vassūpagatehi pacchā vassūpagatā ekenapi adhikā saṅghaṃ pūrenti, paṭhamaṃ pātimokkhaṃ uddisitvā pacchā tesaṃ santike pavāretabbanti. Gaṇepi eseva nayo. Evamuparipi yathāyogaṃ cintanīyaṃ.
452. жаад̇умаасинияаад̇и абарагад̇д̇игабун̣н̣амааяам̣. сан̇гхзнаад̇и батамам̣ вассуубаг̇ад̇зна сан̇гхзна. вуд̇т̇аа вассаа язхи д̇з вуд̇т̇авассаа, бажчимавассуубаг̇ад̇аа. сажз аббад̇араа сияунд̇и иминаа яад̣̇и ад̇хигад̇араа ваа самасамаа ваа хонд̇и, бавааран̣аан̃ад̇д̇им̣ табзд̇ваа бажчимавассуубаг̇ад̇зхи батамам̣ баваарид̇з бажчаа ид̇арзхи баарисуд̣̇д̇хиубосат̇о гаад̇аб̣б̣од̇и д̣̇ийбзд̇ийд̇и.
452.Cātumāsiniyāti aparakattikapuṇṇamāyaṃ. Saṅghenāti paṭhamaṃ vassūpagatena saṅghena. Vutthā vassā yehi te vutthavassā, pacchimavassūpagatā. Sace appatarā siyunti iminā yadi adhikatarā vā samasamā vā honti, pavāraṇāñattiṃ ṭhapetvā pacchimavassūpagatehi paṭhamaṃ pavārite pacchā itarehi pārisuddhiuposatho kātabboti dīpetīti.
бавааран̣аанид̣̇д̣̇зсаван̣н̣анаа нидтид̇аа.
Pavāraṇāniddesavaṇṇanā niṭṭhitā.
