| Library / Tipiṭaka / តិបិដក • Tipiṭaka / អបទានបាឡិ • Apadānapāḷi |
៤. បដ្ដិបុប្ផិយត្ថេរអបទានំ
4. Paṭṭipupphiyattheraapadānaṃ
២២.
22.
‘‘យទា និព្ពាយិ សម្ពុទ្ធោ, មហេសី បទុមុត្តរោ;
‘‘Yadā nibbāyi sambuddho, mahesī padumuttaro;
សមាគម្ម ជនា សព្ពេ, សរីរំ នីហរន្តិ តេ។
Samāgamma janā sabbe, sarīraṃ nīharanti te.
២៣.
23.
‘‘នីហរន្តេ សរីរម្ហិ, វជ្ជមានាសុ ភេរិសុ;
‘‘Nīharante sarīramhi, vajjamānāsu bherisu;
បសន្នចិត្តោ សុមនោ, បដ្ដិបុប្ផំ អបូជយិំ។
Pasannacitto sumano, paṭṭipupphaṃ apūjayiṃ.
២៤.
24.
‘‘សតសហស្សិតោ កប្បេ, យំ បុប្ផមភិបូជយិំ;
‘‘Satasahassito kappe, yaṃ pupphamabhipūjayiṃ;
ទុគ្គតិំ នាភិជានាមិ, សរីរបូជិតេ ផលំ។
Duggatiṃ nābhijānāmi, sarīrapūjite phalaṃ.
២៥.
25.
‘‘កិលេសា ឈាបិតា មយ្ហំ, ភវា សព្ពេ សមូហតា;
‘‘Kilesā jhāpitā mayhaṃ, bhavā sabbe samūhatā;
នាគោវ ពន្ធនំ ឆេត្វា, វិហរាមិ អនាសវោ។
Nāgova bandhanaṃ chetvā, viharāmi anāsavo.
២៦.
26.
តិស្សោ វិជ្ជា អនុប្បត្តា, កតំ ពុទ្ធស្ស សាសនំ។
Tisso vijjā anuppattā, kataṃ buddhassa sāsanaṃ.
២៧.
27.
‘‘បដិសម្ភិទា ចតស្សោ…បេ.… កតំ ពុទ្ធស្ស សាសនំ’’។
‘‘Paṭisambhidā catasso…pe… kataṃ buddhassa sāsanaṃ’’.
ឥត្ថំ សុទំ អាយស្មា បដ្ដិបុប្ផិយោ ថេរោ ឥមា គាថាយោ អភាសិត្ថាតិ។
Itthaṃ sudaṃ āyasmā paṭṭipupphiyo thero imā gāthāyo abhāsitthāti.
បដ្ដិបុប្ផិយត្ថេរស្សាបទានំ ចតុត្ថំ។
Paṭṭipupphiyattherassāpadānaṃ catutthaṃ.
Footnotes:
