| Library / Tipiṭaka / तिपिटक • Tipiṭaka / अपदानपाळि • Apadānapāḷi |
४. पट्टिपुप्फियत्थेरअपदानं
4. Paṭṭipupphiyattheraapadānaṃ
२२.
22.
‘‘यदा निब्बायि सम्बुद्धो, महेसी पदुमुत्तरो।
‘‘Yadā nibbāyi sambuddho, mahesī padumuttaro;
समागम्म जना सब्बे, सरीरं नीहरन्ति ते॥
Samāgamma janā sabbe, sarīraṃ nīharanti te.
२३.
23.
‘‘नीहरन्ते सरीरम्हि, वज्जमानासु भेरिसु।
‘‘Nīharante sarīramhi, vajjamānāsu bherisu;
पसन्नचित्तो सुमनो, पट्टिपुप्फं अपूजयिं॥
Pasannacitto sumano, paṭṭipupphaṃ apūjayiṃ.
२४.
24.
‘‘सतसहस्सितो कप्पे, यं पुप्फमभिपूजयिं।
‘‘Satasahassito kappe, yaṃ pupphamabhipūjayiṃ;
दुग्गतिं नाभिजानामि, सरीरपूजिते फलं॥
Duggatiṃ nābhijānāmi, sarīrapūjite phalaṃ.
२५.
25.
‘‘किलेसा झापिता मय्हं, भवा सब्बे समूहता।
‘‘Kilesā jhāpitā mayhaṃ, bhavā sabbe samūhatā;
नागोव बन्धनं छेत्वा, विहरामि अनासवो॥
Nāgova bandhanaṃ chetvā, viharāmi anāsavo.
२६.
26.
तिस्सो विज्जा अनुप्पत्ता, कतं बुद्धस्स सासनं॥
Tisso vijjā anuppattā, kataṃ buddhassa sāsanaṃ.
२७.
27.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा पट्टिपुप्फियो थेरो इमा गाथायो अभासित्थाति।
Itthaṃ sudaṃ āyasmā paṭṭipupphiyo thero imā gāthāyo abhāsitthāti.
पट्टिपुप्फियत्थेरस्सापदानं चतुत्थं।
Paṭṭipupphiyattherassāpadānaṃ catutthaṃ.
Footnotes:
