| Library / Tipiṭaka / តិបិដក • Tipiṭaka / កថាវត្ថុបាឡិ • Kathāvatthupāḷi |
១៩. ឯកូនវីសតិមវគ្គោ
19. Ekūnavīsatimavaggo
(១៨៩) ៤. បត្តិកថា
(189) 4. Pattikathā
៨៣៧. បត្តិ អសង្ខតាតិ? អាមន្តា។ និព្ពានំ តាណំ លេណំ សរណំ បរាយណំ អច្ចុតំ អមតន្តិ? ន ហេវំ វត្តព្ពេ…បេ.… បត្តិ អសង្ខតា, និព្ពានំ អសង្ខតន្តិ? អាមន្តា។ ទ្វេ អសង្ខតានីតិ? ន ហេវំ វត្តព្ពេ…បេ.… ទ្វេ អសង្ខតានីតិ? អាមន្តា។ ទ្វេ តាណានិ…បេ.… អន្តរិកា វាតិ? ន ហេវំ វត្តព្ពេ…បេ.…។
837. Patti asaṅkhatāti? Āmantā. Nibbānaṃ tāṇaṃ leṇaṃ saraṇaṃ parāyaṇaṃ accutaṃ amatanti? Na hevaṃ vattabbe…pe… patti asaṅkhatā, nibbānaṃ asaṅkhatanti? Āmantā. Dve asaṅkhatānīti? Na hevaṃ vattabbe…pe… dve asaṅkhatānīti? Āmantā. Dve tāṇāni…pe… antarikā vāti? Na hevaṃ vattabbe…pe….
៨៣៨. ចីវរស្ស បត្តិ អសង្ខតាតិ? អាមន្តា។ និព្ពានំ…បេ.… អមតន្តិ? ន ហេវំ វត្តព្ពេ…បេ.… ចីវរស្ស បត្តិ អសង្ខតា, និព្ពានំ អសង្ខតន្តិ? អាមន្តា។ ទ្វេ អសង្ខតានីតិ? ន ហេវំ វត្តព្ពេ…បេ.… ទ្វេ អសង្ខតានីតិ? អាមន្តា។ ទ្វេ តាណានិ…បេ.… អន្តរិកា វាតិ? ន ហេវំ វត្តព្ពេ…បេ.… បិណ្ឌបាតស្ស…បេ.… សេនាសនស្ស…បេ.… គិលានបច្ចយភេសជ្ជបរិក្ខារស្ស បត្តិ អសង្ខតាតិ? អាមន្តា។ និព្ពានំ…បេ.… អច្ចុតំ អមតន្តិ? ន ហេវំ វត្តព្ពេ…បេ.… គិលានបច្ចយភេសជ្ជបរិក្ខារស្ស បត្តិ អសង្ខតា, និព្ពានំ អសង្ខតន្តិ? អាមន្តា។ ទ្វេ អសង្ខតានីតិ? ន ហេវំ វត្តព្ពេ…បេ.… ទ្វេ អសង្ខតានីតិ? អាមន្តា។ ទ្វេ តាណានិ…បេ.… អន្តរិកា វាតិ? ន ហេវំ វត្តព្ពេ…បេ.…។
838. Cīvarassa patti asaṅkhatāti? Āmantā. Nibbānaṃ…pe… amatanti? Na hevaṃ vattabbe…pe… cīvarassa patti asaṅkhatā, nibbānaṃ asaṅkhatanti? Āmantā. Dve asaṅkhatānīti? Na hevaṃ vattabbe…pe… dve asaṅkhatānīti? Āmantā. Dve tāṇāni…pe… antarikā vāti? Na hevaṃ vattabbe…pe… piṇḍapātassa…pe… senāsanassa…pe… gilānapaccayabhesajjaparikkhārassa patti asaṅkhatāti? Āmantā. Nibbānaṃ…pe… accutaṃ amatanti? Na hevaṃ vattabbe…pe… gilānapaccayabhesajjaparikkhārassa patti asaṅkhatā, nibbānaṃ asaṅkhatanti? Āmantā. Dve asaṅkhatānīti? Na hevaṃ vattabbe…pe… dve asaṅkhatānīti? Āmantā. Dve tāṇāni…pe… antarikā vāti? Na hevaṃ vattabbe…pe….
ចីវរស្ស បត្តិ អសង្ខតា…បេ.… បិណ្ឌបាតស្ស…បេ.… សេនាសនស្ស…បេ.… គិលានបច្ចយភេសជ្ជបរិក្ខារស្ស បត្តិ អសង្ខតា, និព្ពានំ អសង្ខតន្តិ? អាមន្តា។ បញ្ច អសង្ខតានីតិ? ន ហេវំ វត្តព្ពេ…បេ.… បញ្ច អសង្ខតានីតិ? អាមន្តា។ បញ្ច តាណានិ…បេ.… អន្តរិកា វាតិ? ន ហេវំ វត្តព្ពេ…បេ.…។
Cīvarassa patti asaṅkhatā…pe… piṇḍapātassa…pe… senāsanassa…pe… gilānapaccayabhesajjaparikkhārassa patti asaṅkhatā, nibbānaṃ asaṅkhatanti? Āmantā. Pañca asaṅkhatānīti? Na hevaṃ vattabbe…pe… pañca asaṅkhatānīti? Āmantā. Pañca tāṇāni…pe… antarikā vāti? Na hevaṃ vattabbe…pe….
៨៣៩. បឋមស្ស ឈានស្ស បត្តិ អសង្ខតា (ឯវំ សព្ពំ វិត្ថារេតព្ពំ) ទុតិយស្ស ឈានស្ស… តតិយស្ស ឈានស្ស… ចតុត្ថស្ស ឈានស្ស… អាកាសានញ្ចាយតនស្ស… វិញ្ញាណញ្ចាយតនស្ស… អាកិញ្ចញ្ញាយតនស្ស… នេវសញ្ញានាសញ្ញាយតនស្ស… សោតាបត្តិមគ្គស្ស… សោតាបត្តិផលស្ស… សកទាគាមិមគ្គស្ស… សកទាគាមិផលស្ស… អនាគាមិមគ្គស្ស… អនាគាមិផលស្ស… អរហត្តមគ្គស្ស… អរហត្តផលស្ស បត្តិ អសង្ខតាតិ? អាមន្តា។ និព្ពានំ…បេ.… អច្ចុតំ អមតន្តិ? ន ហេវំ វត្តព្ពេ…បេ.… អរហត្តផលស្ស បត្តិ អសង្ខតា, និព្ពានំ អសង្ខតន្តិ? អាមន្តា ។ ទ្វេ អសង្ខតានីតិ? ន ហេវំ វត្តព្ពេ…បេ.… ទ្វេ អសង្ខតានីតិ? អាមន្តា។ ទ្វេ តាណានិ…បេ.… អន្តរិកា វាតិ? ន ហេវំ វត្តព្ពេ…បេ.…។
839. Paṭhamassa jhānassa patti asaṅkhatā (evaṃ sabbaṃ vitthāretabbaṃ) dutiyassa jhānassa… tatiyassa jhānassa… catutthassa jhānassa… ākāsānañcāyatanassa… viññāṇañcāyatanassa… ākiñcaññāyatanassa… nevasaññānāsaññāyatanassa… sotāpattimaggassa… sotāpattiphalassa… sakadāgāmimaggassa… sakadāgāmiphalassa… anāgāmimaggassa… anāgāmiphalassa… arahattamaggassa… arahattaphalassa patti asaṅkhatāti? Āmantā. Nibbānaṃ…pe… accutaṃ amatanti? Na hevaṃ vattabbe…pe… arahattaphalassa patti asaṅkhatā, nibbānaṃ asaṅkhatanti? Āmantā . Dve asaṅkhatānīti? Na hevaṃ vattabbe…pe… dve asaṅkhatānīti? Āmantā. Dve tāṇāni…pe… antarikā vāti? Na hevaṃ vattabbe…pe….
សោតាបត្តិមគ្គស្ស បត្តិ អសង្ខតា… សោតាបត្តិផលស្ស បត្តិ អសង្ខតា… អរហត្តមគ្គស្ស បត្តិ អសង្ខតា… អរហត្តផលស្ស បត្តិ អសង្ខតា… និព្ពានំ អសង្ខតន្តិ? អាមន្តា។ នវ អសង្ខតានីតិ? ន ហេវំ វត្តព្ពេ…បេ.… នវ អសង្ខតានីតិ? អាមន្តា។ នវ តាណានិ…បេ.… អន្តរិកា វាតិ? ន ហេវំ វត្តព្ពេ…បេ.…។
Sotāpattimaggassa patti asaṅkhatā… sotāpattiphalassa patti asaṅkhatā… arahattamaggassa patti asaṅkhatā… arahattaphalassa patti asaṅkhatā… nibbānaṃ asaṅkhatanti? Āmantā. Nava asaṅkhatānīti? Na hevaṃ vattabbe…pe… nava asaṅkhatānīti? Āmantā. Nava tāṇāni…pe… antarikā vāti? Na hevaṃ vattabbe…pe….
៨៤០. ន វត្តព្ពំ – បត្តិ អសង្ខតាតិ? អាមន្តា។ បត្តិ រូបំ … វេទនា… សញ្ញា… សង្ខារា… វិញ្ញាណន្តិ? ន ហេវំ វត្តព្ពេ។ តេន ហិ បត្តិ អសង្ខតាតិ។
840. Na vattabbaṃ – patti asaṅkhatāti? Āmantā. Patti rūpaṃ … vedanā… saññā… saṅkhārā… viññāṇanti? Na hevaṃ vattabbe. Tena hi patti asaṅkhatāti.
បត្តិកថា និដ្ឋិតា។
Pattikathā niṭṭhitā.
Related texts:
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ៤. បត្តិកថាវណ្ណនា • 4. Pattikathāvaṇṇanā
