| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੬. ਪਤ੍ਤਸੁਤ੍ਤવਣ੍ਣਨਾ
6. Pattasuttavaṇṇanā
੧੫੨. ਪਞ੍ਚਨ੍ਨਂ ਉਪਾਦਾਨਕ੍ਖਨ੍ਧਾਨਂ ਲਕ੍ਖਣਾਦੀਨਿ ਚੇવ ਸਮੁਦਯਞ੍ਚ ਅਸ੍ਸਾਦਾਦੀਨવਨਿਸ੍ਸਰਣਾਨਿ ਚ ਗਹੇਤ੍વਾ ਸਮ੍ਮਾ ਤੇਸਂ ਲਕ੍ਖਣਾਦੀਨਂ ਗਹਣਂ ਹੋਤੀਤਿ ਆਹ ‘‘ਪਞ੍ਚ ਉਪਾਦਾਨਕ੍ਖਨ੍ਧੇ ਆਦਿਯਿਤ੍વਾ’’ਤਿ। ਰੁਪ੍ਪਨવੇਦਿਯਨਸਞ੍ਜਾਨਨਅਭਿਸਙ੍ਖਰਣવਿਜਾਨਨਾਨਿ ਖਨ੍ਧਾਨਂ ਸਭਾવਲਕ੍ਖਣਾਨਿ। ਆਦਿ-ਸਦ੍ਦੇਨ ਰਸਪਚ੍ਚੁਪਟ੍ਠਾਨਪਦਟ੍ਠਾਨਾਨਿ ਚੇવ ਸਮੁਦਯਾਦੀਨਿ ਚ ਸਙ੍ਗਣ੍ਹਾਤਿ। ਦਸ੍ਸੇਤੀਤਿ ਪਚ੍ਚਕ੍ਖਤੋ ਦਸ੍ਸੇਤਿ, ਹਤ੍ਥਾਮਲਕਂ વਿਯ ਪਾਕਟੇ વਿਭੂਤੇ ਕਤ੍વਾ વਿਭਾવੇਤਿ। ਗਣ੍ਹਾਪੇਤੀਤਿ ਤੇ ਧਮ੍ਮੇ ਮਨਸਾ ਅਨੁਪੇਕ੍ਖਿਤੇ ਦਿਟ੍ਠਿਯਾ ਸੁਪ੍ਪਟਿવਿਦ੍ਧੇ ਕਰੋਨ੍ਤੋ ਉਗ੍ਗਣ੍ਹਾਪੇਤਿ। ਸਮਾਦਾਨਮ੍ਹੀਤਿ ਤਤ੍ਥ ਅਤ੍ਥਸ੍ਸ ਸਮ੍ਮਦੇવ ਆਦਿਯਨੇ ਖਨ੍ਧਾਨਞ੍ਚ ਸਮ੍ਮਸਨવਸੇਨ ਅਞ੍ਞਧਮ੍ਮવਸੇਨ ਸਮਾਦਿਯਨੇ। ਪਟਿવਿਦ੍ਧਗੁਣੇਨਾਤਿ ਤਾਯ ਦੇਸਨਾਯ, ਤਂ ਨਿਸ੍ਸਾਯ ਪਚ੍ਚਤ੍ਤਪੁਰਿਸਕਾਰੇਨ ਚ ਤੇਸਂ ਪਟਿવਿਦ੍ਧਗੁਣੇਨ । ਜੋਤਾਪੇਤੀਤਿ ਤੇਸਂ ਚਿਤ੍ਤਸਨ੍ਤਾਨਂ ਅਸ੍ਸਦ੍ਧਿਯਾਦਿਕਿਲੇਸਮਲવਿਧਮਨੇਨ ਪਭਸ੍ਸਰਂ ਕਰੋਤਿ। ਅਟ੍ਠਿਂ ਕਤ੍વਾਤਿ ਤਾਯ ਦੇਸਨਾਯ ਪਾਪੇਤਬ੍ਬਂ ਅਤ੍ਥਂ ਪਯੋਜਨਂ ਦਲ਼੍ਹਂ ਕਤ੍વਾ। ਤੇਨਾਹ ‘‘ਅਯਂ ਨੋ’’ਤਿਆਦਿ। ਕਮ੍ਮਕਾਰਕਚਿਤ੍ਤਂ ਨਾਮ ਓਤਰਣਚਿਤ੍ਤਂ। ‘‘ਯੋਨਿਸੋਮਨਸਿਕਾਰਪੁਬ੍ਬਕਂ વਿਪਸ੍ਸਨਾਚਿਤ੍ਤ’’ਨ੍ਤਿ ਕੇਚਿ। ਓਹਿਤਸੋਤਾਤਿ ਅਨਞ੍ਞવਿਹਿਤਤਾਯ ਧਮ੍ਮਸ੍ਸવਨਾਯ ਅਪ੍ਪਿਤਸੋਤਾ, ਤਤੋ ਏવ ਤਦਤ੍ਥਂ ਠਪਿਤਸੋਤਾ।
152. Pañcannaṃ upādānakkhandhānaṃ lakkhaṇādīni ceva samudayañca assādādīnavanissaraṇāni ca gahetvā sammā tesaṃ lakkhaṇādīnaṃ gahaṇaṃ hotīti āha ‘‘pañca upādānakkhandhe ādiyitvā’’ti. Ruppanavediyanasañjānanaabhisaṅkharaṇavijānanāni khandhānaṃ sabhāvalakkhaṇāni. Ādi-saddena rasapaccupaṭṭhānapadaṭṭhānāni ceva samudayādīni ca saṅgaṇhāti. Dassetīti paccakkhato dasseti, hatthāmalakaṃ viya pākaṭe vibhūte katvā vibhāveti. Gaṇhāpetīti te dhamme manasā anupekkhite diṭṭhiyā suppaṭividdhe karonto uggaṇhāpeti. Samādānamhīti tattha atthassa sammadeva ādiyane khandhānañca sammasanavasena aññadhammavasena samādiyane. Paṭividdhaguṇenāti tāya desanāya, taṃ nissāya paccattapurisakārena ca tesaṃ paṭividdhaguṇena . Jotāpetīti tesaṃ cittasantānaṃ assaddhiyādikilesamalavidhamanena pabhassaraṃ karoti. Aṭṭhiṃ katvāti tāya desanāya pāpetabbaṃ atthaṃ payojanaṃ daḷhaṃ katvā. Tenāha ‘‘ayaṃ no’’tiādi. Kammakārakacittaṃ nāma otaraṇacittaṃ. ‘‘Yonisomanasikārapubbakaṃ vipassanācitta’’nti keci. Ohitasotāti anaññavihitatāya dhammassavanāya appitasotā, tato eva tadatthaṃ ṭhapitasotā.
ਏਤੇ ਰੂਪਾਦਯੋ ਖਨ੍ਧੇ ਯਞ੍ਚ ਸਙ੍ਖਤਂ ਸਮਿਦ੍ਧਪਚ੍ਚਯੇਹਿ ਕਤਂ, ਤਞ੍ਚ ‘‘ਏਸੋ ਅਹਂ ਨ ਹੋਮਿ, ਏਤਂ ਮਯ੍ਹਂ ਨ ਹੋਤੀ’’ਤਿ ਪਸ੍ਸਨ੍ਤੋਤਿ ਯੋਜਨਾ। ਖੇਮੋ ਅਤ੍ਤਾਤਿ ਖੇਮਤ੍ਤਾ, ਤਂ ਖੇਮਤ੍ਤਂ। ਤੇਨਾਹ ‘‘ਖੇਮਿਭੂਤਂ ਅਤ੍ਤਭਾવ’’ਨ੍ਤਿ। ਪਰਿਯੇਸਮਾਨਾ ਮਾਰਸੇਨਾ।
Ete rūpādayo khandhe yañca saṅkhataṃ samiddhapaccayehi kataṃ, tañca ‘‘eso ahaṃ na homi, etaṃ mayhaṃ na hotī’’ti passantoti yojanā. Khemo attāti khemattā, taṃ khemattaṃ. Tenāha ‘‘khemibhūtaṃ attabhāva’’nti. Pariyesamānā mārasenā.
ਪਤ੍ਤਸੁਤ੍ਤવਣ੍ਣਨਾ ਨਿਟ੍ਠਿਤਾ।
Pattasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੬. ਪਤ੍ਤਸੁਤ੍ਤਂ • 6. Pattasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੬. ਪਤ੍ਤਸੁਤ੍ਤવਣ੍ਣਨਾ • 6. Pattasuttavaṇṇanā
